Batman: Three Jokers | බැට්මෑන්ට එරෙහිව ජෝකර්ලා තුන්දෙනෙක්?

මේක limited edition එකක්. මේ කතාමාලව නිකුත් වෙන්නේ 2020 අගෝස්තු මාසේ. කොටස් තුනක් ඇතුලත් මේ කොමික් සීරියස් එකට පිටු එකසියපනහක් විතර ඇතුලත් වෙනවා. ප්‍රධාන චරිත විදිහට බැට්මෑන්, ජෝකර්, රෙඩ් හුඩ්, බැට්ගර්ල් ව දකින්න ලැබෙනවා. කතාව ලියලා තියෙන්නේ Geoff Johns.

අපි කොමික් සීරියස් එක ගැන දැන් තරමක් දුරට දන්නවා. අපි මේකට කලින් කොමික් කතා සම්බන්ද වෙන විදිහ ගැන බලමු.

Darkseid War කතාමාලාව අතරතුරේදී අපේ බැට්මෑන්ට Mobius Chair එක පාවිච්චි කරන්න අවස්ථාවක් ලැබෙනවා. මේ ගමනට බැට්මෑන්ට ග්‍රීන්ලැන්ටර්න්ගෙනුත් උදව් ලැබිලා තියෙනවා. කොහොමහරි Mobius Chair එක පරික්ශා කරන්න ඕනි කියලා හිතාගෙන බැට්මෑන් Mobius Chair එකෙන් ප්‍රශ්න කීපයක් අහනවා. පලවෙනි ප්‍රශ්නේ විදිහට බැට්මෑන් අහන්නේ තමන්ගේ දෙමවුපියන්ව මැරුවේ කවුද කියලා. ඒකට උත්තරය ජෝ චිල් කියලා Mobius Chair එක සාර්ථකව පිලිතුරු සපයනවා. ඊටපස්සේ බැට්මෑන් ආපහු අහනවා ජෝකර්ගේ සැබෑ අනන්‍යතාව මොකක්ද කියලා (ජෝකර්ගේ ඇත්තම නම). ඒ ප්‍රශ්නෙටත් Mobius Chair එක උත්තර දෙනවා. හැබැයි Mobius Chair එක දුන්න උත්තරේට බැට්මෑන් නොසෑහෙන්න කලබල වෙනවා. පසුකාලීනව ග්‍රීන්ලැන්ටර්න් බැට්මෑන් ගෙන් අහනවා ඔයාට කලබල වෙන්න තරම් Mobius Chair එක ඔයාට කියපු දේ මොකක්ද කියලා. ඊටපස්සේ බැට්මෑන් කියනවා ජෝකර්ලා තුන්දෙනෙක් මේ ලෝකේ ඉන්නවා කියලා Mobius Chair එක තමන්ට කිව්වා කියලා. ඉස්සරහට ඒ ගැන වැඩිදුර හොයලා බලනවා කියලත් බැට්මෑන් කිව්වා.

ඉතින් ඔහොම තමා මේ කතාව පටං ගන්නේ.

1st Issue 2nd Issue 3rd Issue
Part 01
Part 02
Part 03
error: Content is protected !!