සිනමාවේ ගීත ලොවින් 49 – Aashiqui 2 Mashup

ආයුබෝවන් හැමෝටම.. අද මම මම මංසල වෙත මේ පිය නගන්නේ මංසලේ තවත් කඩයිමක් අභිමුව ඉඳගෙන…
ඒ තමයි මම අද මේ අරගෙන එන ලිපිය මංසලේ සිනමාවේ ගීත ලොවින් 49 වන ලිපිය වීමයි. ඉතින් මෙදා සැරේ වෙනදාටත් වඩා වෙනස් යමක් තමයි මම ඔයාලට අරගෙන ආවේ. මං හිතුවා මේ සැරේ සිංදු කීපයක් එකතු කරපු Mashup එකක් ඔයාලට අරගෙන එන්න. මේ වීඩියෝ එක නම් ඇවිල්ලා දැන් ගොඩක් කල්. ඒත් උපසිරැසි එක්ක බලද්දී මේකේ රසය තවත් වැඩි නිසයි ඔයාලට අරගෙන එන්න මම තීරණය කරේ. ඉතින් ගොඩ වෙලාවක් මහන්සි වෙලා අවසන් කරගත්තු ඒ වඩේ මෙන්න මෙහෙම ඔයාලට දිග අරින්නම්.
මේ වීඩියෝ එකේ මුල් අයිතිය T-Series ආයතනය සතුයි කියලත් මතකයේ රඳවාගන්න

හැමෝටම මතකයිනේ ආශිකී 2 චිත්‍රපටිය. ඒ වගේම ඒකෙ තිබුණු සිංදු එහෙමත් මතක ඇතිනේ. ඊටත් එහා ගියාම ඒ සිංදු තවත් ආදරබර කරපු ඒ සිංහල උපසිරැසිය සහ ඒක ඔයාලට අරගෙන ආපු ඒ මිත්‍රයා ඔයාලට මතකද? අපේ හේවා ලුණුවිලගේ ආසිරි ප්‍රියන්ත සහෝදරයා තමයි ඔයාලට ඒක අරගෙන ආවේ.

ඉතින් මට මේ වීඩියෝ එකට සබ් කරන්න ඕන උනත් ඒකට අමුතුවෙන් උපසිරැසි සකස් කරන්න අවශ්‍යතාවයක් ආවේ නෑ. චිත්‍රපටියේ උපසිරැසියේ අච්චර ලස්සනට තියෙද්දී මොකටද මම අලුතෙන් කරලා ඕක වන කරන්නේ. සිංදු ලයින් ටික අරගත්තා හේවාගේ උපසිරැසියෙන් ඔක්කොම කරලා ඉවර වෙලා තමයි අයිතිකාරයාටත් කිව්වේ මෙන්න මෙහෙම වැඩක් මම කරා කියලා. ඉතින් එයාට කියලා තවත් හැඩවැඩ කරලා ඔන්න ඔයාලට අරගෙන ආවා.

ඒ වගේම අපි දෙන්නා මේ දවස් වල ෆේස්බුක් පිටුවක වැඩ කටයුතු ආරම්භ කරලා තියෙනවා. හින්දි සිනමාවේ ජනප්‍රිය, සම්මානලාභී ගීත තමයි ඒකෙ ඇතුලත් වෙන්නේ සිංහල උපසිරැසි සමගින්. ඒක සමග ඔයාලත් එකතු උනොත් ඒ ගීත වල රසය ඔබටත් විඳගන්න අවස්ථාව තියෙනවා. ඉතින් මෙන්න මෙතනට ගිහින් ලයික් එකක් දාගෙනම යන්න කියලා ඔයාලට ආරාධනා කර සිටිනවා.

අවසාන වශයෙන් මේ උපසිරැසියේ සම්පූර්ණ අයිතිය ආසිරි ප්‍රියන්ත සහෝදරයා සතු වන අතර උපුටා ගැනීම් සියල්ල ඔහුගේ අවසරය මතම සිදුවිය යුතුයි.

එසේ නම් සිනමාවේ ගීත ලොවින් 50 තුලින් තවත් අමුතුම වැඩකින් ඔබ හමුවනතුරු සැමට ජයෙන් ජය…!!

තාරක නුවන් දිල්හාර (93 Posts)

තාරක නුවන් දිල්හාර