Srimanthudu(2015) – කෝටිපතියා

ඔන්න කාලෙකට පස්සේ ආයෙත් මංසලට මම ගොඩවදින්නේ හෙට අනිද්දා නිකුත් වෙන්න තියෙන තවත් සුපිරි තෙලුගු සිනමා සිත්තමක් ගැන ඔයාලව දැනුවත් කරන්න.
මේක නමින් “ශ්‍රීමන්තුඩු” ඒකෙ තේරුම තමයි ” කෝටිපතියා” කියන එක.

‘මහේෂ් බාබු’ සමගින්  ‘සෘති හසන්’ තමා මේකේ ප්‍රධාන චරිත සඳහා රංගනයෙන් දායක වෙන්නේ. මශේෂ් බාබු අවසන් වරට රඟපෑ චිත්‍රපටිය වෙන්නේ “ආගඩු”  චිත්‍රපටිය ඔයාලට මතක ඇති සෘති හසන් ඒ චිත්‍රපටියේ ගීතයකට ආරාධිත රංගනයකින් දායක වෙනවා. ඉතින් ඒකම හේතුවක් වෙලා තියෙනවා මේ චිත්‍රපටිය සඳහා සෘතිව තෝරාගැනීමට. එයාලට අමතරව ‘ජගපති බාබු’, ‘රාජේන්ද්‍ර ප්‍රසාද්’ සහ කොමඩි කින්ග් ‘බ්‍රහ්මන්නන්දම්’ මේ සලරුව සඳහා සෙසු චරිත වලට තමන්ගේ රංගන දායකත්වය සපයනවා.

චිත්‍රපටිය අධ්‍යක්ෂණය කරන්නේ Koratala Siva විසින් වන අතර  නිෂ්පාදන අයිතිය Y. Naveen, Y. Ravi Shankar, C. V. Mohan, සහ  මහේෂ් බාබු අතර බෙදී යනවා.

ඒ වගේම සංගීත අධ්‍යක්ෂණය කරන්නේ සුපුරුදු පරිදි සුපිරි තෙලුගු ෆිල්ම් වල නිතරම දකින්න ලැබෙන දේව් ශ්‍රී ප්‍රසාද් නොහොත්  DSP විසින්.
චිත්‍රපටිය අගෝස්තු 07 වෙනිදා නිකුත් කිරීමට සැලසුම් කරලා තියෙනවා.

ඉතින් ඔන්න සිංහල උපසිරැසි සමගින් පූර්ව ප්‍රචාරක පටය ඔයාල වෙත අරගෙන ඇවිල්ලා තියෙනවා. ඒකත් බලාගෙන යන්න කියන ගමන් තවත් සොඳුරු සිනමා සිත්තමක නවමු තොරතුරු ඔබ වෙත රැගෙන එන පොරොන්දුව සමගින් මම අදට සමුගන්නවා. ජයෙන් ජය…!!!!

තාරක නුවන් දිල්හාර (115 Posts)

තාරක නුවන් දිල්හාර