දැන් ‘Marvel’ අයිති ‘Disney’ලටලු!

Disney සමාගම පසුගිය කාලෙ (හරියටම දන්නෙ නැති වුණාට 2009 වසරේ තමයි) Marvel සමාගම මිලයට අරගෙන. ඒ ඩොලර් බිලියන 4ක මුදලකට. මේ තාක් සුපිරි වීර චිත්‍රපට කෙරෙහි Disney දායකත්වය හරිම අඩුයි. Pixar‘ලා කරපු ‘The Incredibles (2004)’ බෙදා හැරියයින් පස්සේ, එකම එකකටවත් හවුල් වෙලා නැතිලු. නමුත් මේ ගනුදෙනුවත් එක්ක ඒක එහෙමපිටිම්ම කණපිට ගහන්ඩ පටන් ගනීවි.

මොනවා වුණත් Disney මේ ගනුදෙනුවෙදි ගෙවාපු මුදල ගැන ව්‍යාපාරික කටයුතු මෙහෙයවන Wall Street විස්මය පළ කරලා. ඒ අය මොනවා කිව්වත් මෙතෙක් අත නොගහපු චරිත ගබඩාවක් සහිත මේ සමාගම මේ වටිනාකම ගෙවලා මිලට ගැනීම පිළිබඳව Disney නම් කිසිම දෙගිඩියාවක් නෑලු. හේතුව 5000ක් පමණ වන Marvel චරිතවල ආභාෂය විතරක් නෙමෙයි, අයිතියත් ඔවුනට හිමි වීම.

කෙසේ වෙතත් දැනට Marvel එක්ක වෙනත් සිනමා නිෂ්පාදන සමාගම් එළැඹ ඇති ගිවිසුම්වලට මේ හරහා බාධාවක් නොවන්නට වග බලා ගන්නා බවට ඔවුන් සහතික වෙලා තිබෙනවා. Marvel නිලධාරී මණ්ඩලයේත් වෙනසක් නොමැතිවමලු Disney යටතට ගෙන තිබෙන්න්නේත්. දැනට Marvel චරිත සමබන්ධ නිර්මාණ අයිතීන් තිබෙන්නේ මේ විදිහටයි.

• X-Men නිර්මාණ අයිතිය Fox සමාගම
• Spider-Man නිර්මාණ අයිතිය Columbia/Sony සමාගම
• Iron Man සහ අනෙකුත් Avengers නිර්මාණ අයිතිය Paramount සමාගම

මේ අතරින් ‘Spider-Man’ මේ වසරේ නිකුත් වූ එක හැරුණු කොට තවත් නවතම චිත්‍රපට 2ක් Columbia යටතේත්, එන වසර ආරම්භයේම නිකුත් වන ‘Iron Man 3′ සහ තවත් ‘Avengers’ චරිත ‍රැගත් චිත්‍රපට පහක් පමණ Paramaount යටතේත් බෙදාහැරෙනු ඇති. නමුත් මෙම ගිවිසුම්ගත නිර්මාණ අයිතීන් හැරුණුකොට අනිකුත් Marvel චරිත සියල්ලකම අයිතිය, සහ නිර්මාණ අයිතිය මෙන්ම තීරණ ගැනීමේ අයිතියත් Disney සතුයි. මෙකී සමාගම් හා බැඳුණු ගිවිසුම් කාලය අවසන් විමෙන් පසු මේ සියළු චරිත ඇතුළත් චිත්‍රපට නිකුත් වන්නේ “Disney/Marvel” යන නාමය යටතේම විතරයි.

Marvel සමාගම සතු 5000ක් පමණ වන චරිත ලැයිස්තුව අතරින් තවමත් කිසිවෙකුගේ හෝ අවධානය නොදිනූ චරිත බොහෝමයි. ඒ චරිත ඇතැමක් කිසිවෙක් නොසලකා හැර තිබුණත් ඒ ඇසුරින් සල්ලි උල්පත් මතු කරගන්ඩ පුළුවන් බවනම් Disney‘ලට සහතිකයිලු. ඒ කියන්නේ ඉදිරියේදී ඒ වගේ අහලවත් නැති, නොදන්නා, අමුතු තාලෙ චිත්‍රපටි ‍රැසක් නිර්මාණය වුණොත් ඒක පුදුමයට කාරණයක් නොවෙයි. අනික දැන් Marvel සමාගම සහ Lucas සමාගම කියන දෙකම Disney‘ලගේ භාරෙ තියෙන නිසා. ඉදිරියේදි මේ ක්ෂේත්‍රයේ ආධිපත්‍ය මේ අය නතු කර ගනී කියලත් හිතුවහැකි.

උදා

උදා (217 Posts)