Ultimate Avengers (2006)

මේ දක්වා නිකුත් වුනු ඇනිමේෂන් ෆිල්ම් ගැන කතා කරන ලිපි මාලාව එලි දක්වපු දවස අනුව පෙළ ගස්වපු හින්දා අපිට DC ඇනිමේෂන් ෆිල්ම් ගැන විතරයි කතා කරන්න උනේ. ඔන්න අද අපිට කතා කරන්න තියෙන්නේ පලවෙනි මාවල් ඇනිමේෂන් ෆිල්ම් එක ගැන. මේ දක්වා DC සමාගමෙන් නිකුත් වුනු ඇනිමේෂන් ෆිල්ම් සේරම බැට් මෑන් පාදක කරගෙන නිකුත් උනේ. ඒ ගොඩක් ඒවා ඒ වෙනකොට ජනප්‍රිය ටීවී සිරිස් වලට සම්බන්ධයක් තිබ්බා. හැබයි මාවල් සමාගම පලවෙනි ඇනිමේෂන් ෆිල්ම් එක එලියට දානකොට හොදම තුරුම්පුවක් භාවිතා කෙරුවා. ඒ තමයි තනි වීරයෙක් වෙනුවට වීරයෝ ගොඩක් එකතු වෙන කතාවක් නිර්මාණය කරපු එක.
මාවල් ලාගේ ප්‍රධාන යුනිවර්ස් එක වෙන අර්ත් 616 ගැන කතා කරලා කරලා තිබ්බ වෙලාවක වෙනසක් ඇති කරන්න ගෙනාපු Ultimate යුනිවර්ස් එක පාදක කරගෙන තමයි මේ කතාව ගොඩ නැගෙන්නේ. පස්සේ කාලෙක MCU එක නිර්මාණය වුනෙත් මේ යුනිවර්ස් එක පාදක කරගෙන නේ. ඉතින් හැම දෙයක්ම මුල ඉදන් විස්තර කිරීමක් මේ ෆිල්ම් එකේ දී උණා.
ඒ කියන්නේ කැප්ටන් ඇමරිකා හිම කන්දට යට වෙන විදිහ, ආපහු ගොඩ ගන්න විදිහ, නික් ෆියුරි එක එක සුපිරි වීරයන් එකතු කරන විදිහ ඩොක්ටර් බැනර් සහ හල්ක් අතර සම්බන්ධය ගොඩ නැගෙන විදිහ මේ හැම එකක්ම තියනවා. කොටින්ම කියනවා නම් මාවල් MCU එකේ Phase 1 වල තියන කතාව ට සමාන කතාවක් අපිට මේ ඇනිමේෂන් එකෙන් බලා ගන්න පුළුවන්. වෙනස් වෙන කරුණු තමයි MCU එකේ ඉන්න හෝක්අයි මේ වෙද්දී අල්ටිමේට් එකට එකතු වෙලා නෑ. ඒ වගේම MCU එකෙන් හරි තැනක් ලබා දුන්නේ නැති හෑන්ක් පිම් සහ ජැනට් දෙන්නට මේ ඇනිමේෂන් එක ඇතුලේ ලොකු ඉඩක් වෙන් වෙලා තියනවා. මේ කාලේ වෙද්දී ඈන්ට් මෑන් ගෙන් ජයන්ට් මෑන් බවට පත් වුන හෑන්ක් පිම් ගේ අහංකාර ගතිය හොදට බලා ගන්න පුළුවන් මේකේ දී.
ඇවෙන්ජර් ෆිල්ම් එකේ දී වගේම මේකේ දීත් කණ්ඩායම පිහිටුවාට පස්සේ මෙයාලට Chitauri ආක්‍රමනය නවත්වන්න වෙනවා. ෆිල්ම් එකේ දී වගේම ඇනිමේෂන් එකේ දීත් ප්‍රධාන ආයුධය වෙන්නේ හල්ක්. හැබයි වෙනසකට තියෙන්නේ මෙතන ඉන්නේ පාලනය කිරීම අතින් ගැටලුවක් උන හල්ක් කෙනෙක්. ඉතින් Chitauri ඉවර උනාට හල්ක් යතා තත්ත්වයට ගේන්න ලොකු සටනක් කරන්න වෙනවා. විශේෂම කරුණක් වෙන්නේ තෝර් ගේ මිටිය (MCU එකේ මිටියට වඩා ටිකක් වෙනස් හැබයි මේක නම්) හල්ක් උස්සනවා.
මීට අමතරව ඇනිමේෂන් එක ගැන විස්තර බැලුවොත්,
• අධ්‍යක්ෂනය – Curt Geda (Batman Beyond: Return of the Joker, Batman: Mystery of the Batwoman වලට දායක උණු), Steven E. Gordon, Bob Richardson
• නිෂ්පාදනය – Avi Arad, Craig Kyle, Stan Lee (කොහොමත් ඉන්නවානේ), Bob Richardson, Eric S. Rollman
• තිර පිටපත සහ කතාව – Bryan Hitch, Greg Johnson, Boyd Kirkland, Craig Kyle, Mark Millar
• නිෂ්පාදන සමාගම – MLG Productions, Marvel Studios
• විකාශන කාලය – මිනිත්තු 72
• එළිදක්වන ලද දිනය – 2006 පෙබරවාරි 21
• IMDB දර්ශකය – 6.9
සුපිරි වීරයන් ගොඩක් එකතු වුන හින්දා හඬ කැවීමේ ශිල්පින් වැඩි පිරිසක් මේකට එකතු උනා. ප්‍රධාන චරිත විතරක් ගත්තොත්,
• Captain America / Steve Rogers – Justin Gross
• Nick Fury – Andre Ware
• Black Widow / Natalia Romanoff – Olivia d’Abo
• Dr. Betty Ross (ඉන්ක්‍රඩිබල් හල්ක් ෆිල්ම් එකේ ඉන්න බැනර් ගේ ආදර වන්තිය ) – Nan McNamara
• Bruce Banner – Michael Massee
• The Hulk / Edwin Jarvis (ටෝනි ගේ AI එක නෙවේ, කලින් හිටපු සේවකයා) – Fred Tatasciore
• Iron Man / Tony Stark – Marc Worden
• Janet Pym / The Wasp – Grey Griffin
• Giant Man / Hank Pym – Nolan North
• Thor – David Boat
මේ කතාව බලපු නැති අයට මේ නම ටොරන්ට් වල ගහලා ගොඩක් ලේසියන් හොයා ගන්න පුළුවන්. එහෙනම් බලපු අයයි, අලුතින් බලන අයයි මේක ගැන තමන්ගේ අදහස කියලා යන්න.
‪#‎attila_THE_hun‬

https://www.facebook.com/slcomicscript

65

Comic Script (144 Posts)


Leave a Reply

Your email address will not be published. Required fields are marked *