MCU Phase 3 – Sneak peek on future films Part 04
මාවල් සිනෙමැටික් යුනිවර්ස් එක ගැන ඉදිරි බැල්මක් දාන මේ ලිපි පෙලේ ඊලඟට අපිට කතා කරන්න තියන ෆිල්ම් ගැන කතා කරන්න තමයි මේ සුදානම. අපි මේ වෙද්දී ෆිල්ම් 6 ක් ගැන කතා කෙරුවා. ඒ මොනවාද කියලා පොඩ්ඩක් මතක් කර ගත්තොත්,
පලවෙනි ලිපිය – Ant-Man, Captain America: Civil War
දෙවෙනි ලිපිය – Doctor Strange, Sinister Six
තුන්වෙනි ලිපිය – Guardians of the Galaxy 2, Untitled Spider-Man
අද එතන ඉදන් අපි කතා කරමු.
7. Thor: Ragnarok – November 3rd, 2017
මේ වෙද්දී අපිට තෝර් කියන චරිතය ෆිල්ම් 4 කදී අපිට මුණ ගැහිලා තියනවා. ඒ අතරින් දෙකක්ම තෝර් චරිතයටම වෙන් වුනු ඒවා. මුලින්ම ආපු තෝර් ෆිල්ම් එක ගොඩක් අයගේ ආකර්ශනය දිනා ගත්තත් දෙවෙනි යට ආපු ෆිල්ම් එක නම් ගොඩක් අයගේ විවේචන වලට එල්ල උණා. හැබයි ඒ පසු බෑම මඟ හරවා ගන්න සුදානම් වෙනවා කියන ආරංචිය තමයි දැනට තියෙන්නේ. මොකද තෝර් චරිතයට විතරක් නෙවේ සම්පුර්ණ MCU එකටම තෝර් ෆිල්ම් එක වැදගත් කියලා තමයි කියන්නේ. මේ දක්වා තනි චරිතයක් පාදක කරගෙන නිකුත් වුනු ෆිල්ම් අතරින් අයන් මෑන් ෆිල්ම් තුන MCU එකේ ප්‍රධාන තේමාවට ලොකු දෙයක් එකතු කෙරුවේ නෑ. මේ දක්වා තෝර් කතාවත් එහෙම දෙයක් කෙරුවේ නෑ. යම් දුරකට හරි දායකත්වයක් ලබා දුන්නේ කැප්ටන් ඇමරිකා ෆිල්ම් දෙක. ඒ වගේම ලබන වසරේ එන්න තියන කැප්ටන් ඇමරිකා තුන්වෙනි ෆිල්ම් එක තනි චරිතයකින් ඔබ්බට යන ෆිල්ම් එකක් වෙනවා. මේ තත්ත්වය තෝර් ෆිල්ම් එකේ දීත් දැක ගන්න පුළුවන් වෙයි අපිට. හැබයි ඒ MCU එකේ ඉන්න අනිත් සුපිරි වීරයන් දායක කරගෙන නම් නෙවේ. කතා තේමාව අතින්. ඒ කොහොමද කියලා කතා කරන්න කලින් අපි බලමු මේකේ අන්තර් ගතය මොන වගේද කියලා.
ගොඩක් අය වරදවා වටහා ගෙන ඉන්නවා මේක Ragnarok කියන තෝර් ගේ ක්ලෝන් එක මුල් කරගෙන ගොඩ නැගෙනවා කියලා. ඇත්තටම එහෙම නෑ. අපි කොමික් ටිකක් අමතක කරලා නෝර්ස් පුරාවෘත්ත වලට අවධානය යොමුකරමු. ඒකට අනුව නම් ඇස්ගාර්ඩ් වරුන්ට තියෙන්නේ නොනවතින චක්‍රයක්. එකේ එක පියවරක් තමයි හැම දේම විනාශ වෙලා යන එක. ඒක සිද්ධ වෙන්නේ මහා සටනකින්. ඒ අවසාන සටන ට උදව් කරන්න කියලා ඔඩින් මිඩ්ගාඩ් එහෙමත් නැතිනම් පෘතිවියේ මිනිස්සුන්ගෙන් ඉල්ලනවා. ඒ අවසාන සටන යද්දී ලෝක නවය අතර සම්බන්ධය පවත්වාගෙන යන Yggdrasil හෙවත් ජීවන වෘක්ෂය විනාශ වෙනවා. හැම ලෝකයක්ම විනාශ වෙනවා. අන්තිමේ දී කාලයක් ගියාට පස්සේ ආපහු මේ ලෝක නැවත ප්‍රති නිර්මාණය වෙනවා. ලොකු කතාවක් ගොඩක් සරලව කිව්වොත් මෙහෙම තමයි කියන්න වෙන්නේ.
මේක කොමික් වලට සම්බන්ධ කලොත් ලොකු වෙනසක් නෑ. මහා ලොකු සටනක් ඇති වෙනවා. හැම දෙයක්ම විනාශ වෙන්න පුළුවන්. විශේෂම දේ තමයි නෝර්ස් පුරාවෘත්ත වලට අනුව මේ විනාශයට මුලික වෙන්නේ ලෝකි. ඉතින් කොමික් වල දීත් ඒ තත්ත්වය වෙනසක් වෙන්නේ නෑ. මේ දක්වා MCU එක ඉස්සරහට ඇවිත් තියන කරුණු වලට අනුවත් කතාවට අවශ්‍ය පසුබිම නිර්මාණය කරලා තියනවා. මොකද දැනට ඇස්ගර්ඩ් වල පාලනය හිමි වෙලා තියෙන්නේ ලෝකි ට.
Ragnarok එකේ දී හැම දේම විනාශ වෙනවා කියන එක තමයි පිළිගැනීම. ඒ කියන්නේ තෝර් චරිතය අපිට දැක ගන්න ලැබෙන අවසාන අවස්තාව ද ඒ? මේ ගැන නම් අපිට සුභ ආරංචියක් කියන්න පුළුවන්. ඒ තමයි තෝර් චරිතය රඟපාන Chris Hemsworth ට තෝර් ෆිල්ම් එකට අමතරව තවත් ෆිල්ම් දෙකකට මාවල් ආයතනය එක්ක ගිවිසුම් සකස් කරලා තියනවා. ඒ කියන්නේ Ragnarok එකේ දී ලොකු විනාශයක් උණාට ඒ අවසානම නෙවේ කියන එක.
අවසාන වශයෙන් අපි දන්නවා ඉන්ෆිනිටි ස්ටෝන් වලින් එකක් දැනට ඇස්ගාර්ඩ් වල තියනවා කියලා. මෙතන දී වැඩි ඉඩකඩක් තියනවා තානොස් තමන්ගේ වැඩ පිළිවෙල ක්‍රියාත්මක කරන්න උත්සාහ දරයි කියන එක. හැබයි දැනට අපි දන්න තොරතුරු අනුව අපිට මේ ටික තමයි කතා කරන්න තියෙන්නේ.
8. Avengers: Infinity War Part 1 – May 4th, 2018
මාවල් කොමික් වල ඉනිෆිනිටි වෝර් කියන්නේ ගොඩක් වැදගත් කතාවක්. මේ ගැන පොඩි හැදින්වීමක් මේ ෆිල්ම් එකේ දෙවෙනි කොටස ගැන කියනකොට සඳහන් කරන්නම්. මොකද පලවෙනි ෆිල්ම් එක ගොඩක් දුරට තානොස් ඉන්ෆිනිටි ස්ටෝන් එකතු කර ගැනීමේ පියවරක් විදිහට ක්‍රියාත්මක වෙන්න ඉඩ තියනවා. ඒ කියන්නේ මේ වෙනකොට ඉතුරු ඉන්ෆිනිටි ස්ටෝන් දෙක එලියට ඇවිත් තියෙන්න ඕනේ. අපි සෝල් ස්ටෝන් එක තියෙන්න පුළුවන් ෆිල්ම් ගැන කතා කෙරුවා. ඒත් ඉතුරු ස්ටෝන් එක, ඒ කියන්නේ ටයිම් ස්ටෝන් එක ගැන අපිට හරියටම අදහසක් ගන්න බෑ. දැනට තියන මතයක් තමයි දැනටමත් තානොස් ගාව මේ ටයිම් ස්ටෝන් එක තියනවා කියන එක. ඒ නැති උණත් මේ ෆිල්ම් එකේ දී ටයිම් ස්ටෝන් එක ගැන අදහස එලියට එන්න ඕනේ.
අනිත් ෆිල්ම් වගේ මේක ගැන විස්තර කිව්වේ නෑ තමයි. ඒකට හේතුව ඉදිරි ලිපියක දී මේකේ දෙවෙනි කොටස කතා කරන හින්දා අපිට ගොඩක් දේවල් එතකොට කතා කරන්න පුළුවන්. එහෙනම් මේ ලිපි පෙලේ ඉතුරු කොටස් එක්ක හම්බෙමු.
https://www.facebook.com/slcomicscript
Thankssssss!!!!!!!!!!!!!!!!
post 100ට සුභ පැතුම්‍!
thank you