Maari | මාරී

ඔන්න තවත් දෙමල චිත්‍රපටයක් පිලිබඳව ඔයාලව පුංචි හෝ දැනුවත් කිරීමක් කරන්නයි මේ සූදානම. අද කියන්න යන චිත්‍රපටයේ නම “මාරී”.

දෙමල සිනමාවේ වර්තමානයේ සිටින තවත් සුපිරි නළුවෙක් වන “දනුශ්” තමා මෙහී ප්‍රධාන චරිතය රග දක්වන්නේ. දනුශ් කිව්වාම කවුරුත් දන්නවා කුමන ආකාරයේ චරිතයක් වූවත් සාර්ථකව රගපාන නළුවෙක්  බව. වර්තමාන දෙමල සිනමාවේ සිටින චරිතාංග නළුවන්ගෙන් ඔහු දෙවැනි වන්නේ “කමල් හාසන් හා චියාන් වික්‍රම්”ට පමණක් යන්නයි මාගේ පෞද්ගලික මතය.

චිත්‍රපටයේ ප්‍රධාන නිළිය වන්නේ කවුරුත් හදුනන “කාජල් අගර්වාල්”ය. ඇය 2014 වසරේ මුල නිකුත් වූ “ජිල්ලා” චිත්‍රපටයෙන් පසුව දෙමල සිනමා නිර්මාණයකින් හමුවන්නේ මේ චිත්‍රපටය තුලිනි. ඒ වගේම ඇය ප්‍රථම වතාවට දනුශ් සමග රංගනයෙන් එක් වන්නේ මේ චිත්‍රපටයෙන් වීම විශේෂත්වයකි.

චිත්‍රපටය අධ්‍යක්ෂනය කරන්නේ Balaji Mohan විසින් වන අතර නිෂ්පාදනය “MR & Mrs සරත්කුමාර් හා Listin Stephen විසිනි. ඒ වගේම සංගීත අධ්‍යක්ෂනය තරුණ සංගීත අධ්‍යක්ෂක Anirudh Ravichan විසිනි. මොහු හා දනුශ් එක්වන 3වැනි චිත්‍රපටය මෙය වේ. මීට පෙර දනුශ් රග පෑ “3 හා වේලෛයි ඉල්ලා පට්ටධාරී” චිත්‍රපට වලට සංගීතය සැපයීම සිදු කලේද අනිරුද් විසිනි.

නිකුත් වන දිනය: 2015 ජූලී 17

සිරාජ් ප්‍රියන්ත