Batman Beyond – Return of the Joker

මේ දක්වා එළිදක්වපු ඇනිමේෂන් ෆිල්ම් ගැන මතක් කිරීමක් කරන ලිපි මාලවේ අද අපි කතා කරන්න යන්නේ 2000 වසරේ එළිදක්වපු Batman Beyond – Return of the Joker ඇනිමේෂන් එක ගැන. මේක නිකුත් උනේ අපි මිට කලින් කතා කරපු Batman – Mystery of the Batwoman ඇනිමේෂන් එකට කලින්. ඒත් ඒ කතා තුනට වඩා ටිකක් වෙනස් හින්දා ඒ තුන ගැන මුලින් කතා කෙරුවා.

ඇයි මේක වෙනස් වෙන්නේ? ඇත්තටම මේක සාමාන්‍ය බැට්මෑන් කතාවකට වඩා වෙනස්. මේක සිද්ද වෙන්නේ අනිත් කතා වලට වඩා අවුරුදු 35 ක් අනාගත කාලයේ. එතකොට බ්රුස් වේන් වයසට ගිහිල්ලා. එහෙනම් බැට් මෑන් වයසට ගිහින්ද ඉන්නේ? ඇත්තටම මේක තමයි වෙනසට හේතුව. මේ කතාව යන්නේ අනාගත කාලයේ ගෝතම් නගරයේ ආරක්ෂකයා වෙන Terry McGinnis එහෙමත් නැතිනම් Future Batman ගැන. ඇත්තටම කියනවා නම් මුලින්ම මේ කතාව ටීවී සිරිස් එකක් විදිහට නිකුත් උණා. පස්සේ තමයි ඒකට අනුබද්ධිතව මේ ඇනිමේෂන් එක නිකුත් උනේ.

Terry McGinnis කොහොමද මේ තැනට එන්නේ කියන කාරණය කතාව ඇතුලේ කෙලින්ම දැක ගන්න බැරි උනත් ඒ ගැන වටින් ගොඩින් කියනවා. මේකේ ප්‍රධාන චරිතය Terry McGinnis උනාට අපේ පරණ බ්රුස් වේන කියන්නෙත් ප්‍රධාන චරිතයක් හැබයි එකම වෙනස එයා ටිකක් වයසට ගිහින් ඉන්නේ. බ්රුස් විතරක් නෙවෙයි Barbara Gordon පවා වයසට ගිහින්. මේ කතාවේ රොබින් විදිහට ඉන්න Tim Drake පවා මේ වෙද්දී වයසට ගිහින්. කතාවේ දුෂ්ටයා තමයි ජෝකර්. අනිත් අය වයසට ගිහින් නම් ජෝකර් පවා වයසට ගිහින් ඇති නේද කියලා කාට හරි හිතෙන්න පුළුවන්. අන්න එතන තමයි කතාවේ රහස තියෙන්නේ. මේ වෙද්දී මැරිලා කියලා හිතාගෙන හිටපු ජෝකර් පණ පිටින් ආපහු එනවා. ඒ එන්නේ කොහොමද කියලා දැන ගන්න නම් ඔයාලට මේ කතාව බලන්නම වෙනවා.

ඇනිමේෂන් එකට අදාලව වැදගත් කරුණු ටිකක් මතක් කරගෙන හිටියොත්,

• අධ්‍යක්ෂණය – Curt Geda
• නිෂ්පාදනය – Alan Burnett, Paul Dini, Glen Murakami, Bruce Timm
• තිර පිටපත – Paul Dini
• කතාව – Paul Dini, Glen Murakami, Bruce Timm
• ප්‍රකාශිත සමාගම – Warner Bros. Family Entertainment
• විකාශන කාලය – මිනිත්තු 73
• එළිදක්වන ලද දිනය – December 12, 2000

සාමාන්‍යයෙන් බැට් මෑන් කතාවක තියන අඳුරු ගතිය තිබ්බත් තරුණ කෙනෙක් වටා කතාව ගොඩ නැගෙන හින්දා මේක ගොඩක් ජනප්‍රිය උනා. ඒ හින්දාම IMDB දර්ශකයේ 7.9 වගේ අගයක් මේ ඇනිමේෂන් එක ලබා ගෙන තියනවා.

බැට් මෑන් සහ ඔහුගේ අනුගාමිකයන් අතර තියන සම්බන්ධතා වල යහපත් සහ අයහපත් දේවල් ගැන ප්‍රබලව කතා කරන මේක අනිවාර්යයෙන්ම බලලා තියෙන්න ඕන ඇනිමේෂන් එකක්. සුපුරුදු විදිහට බැට් මෑන්ට හඬ කවන්නේ අසහාය හඬ කැවීමේ ශිල්පී Kevin Conroy. ඒ වගේම ජෝකර් කියන නමත් එක්කම අපේ ඔළුවට යන කටහඩේ අයිති කාරයා වෙන Mark Hamill මේ ඇනිමේෂන් එකටත් දායක වෙනවා ජෝකර් ගේ චරිතයට. මීට අමතරව Will Friedle, Angie Harmon, Dean Stockwell ඇතුළු පිරිසක් හඬ කැවීමේන් දායක වෙනවා.

මේක බලලා තියන අය මේ ඇනිමේෂන් එක ගැන ඔයලාගේ අදහස් අපිත් එක්ක බෙදා ගන්න. ඒ වගේම මේ දක්වා බලපු නැති අය ඉන්නවා නම් ඉක්මණින්ම මේ කතාව බලන්න. බලලා හොඳද නරකද කියන්න.

‪#‎attila_THE_hun‬

https://www.facebook.com/slcomicscript

10731106_1600221893594150_5699545335118523909_n

මිට කලින් අපි ඇනිමේෂන් 3 ක් ගැන කතා කළා.
Batman – Mask of The Phantasm
https://www.facebook.com/slcomicscript/photos/a.1519017541714586.1073741827.1519015728381434/1581856522097354/?type=1&permPage=1

Batman & Mr. Freeze-SubZero
https://www.facebook.com/slcomicscript/photos/a.1519017541714586.1073741827.1519015728381434/1592601744356165/?type=1&permPage=1

Batman – Mystery of the Batwoman
https://www.facebook.com/slcomicscript/photos/a.1519017541714586.1073741827.1519015728381434/1593560477593625/?type=1&permPage=1

Comic Script (144 Posts)


2 thoughts on “Batman Beyond – Return of the Joker

Leave a Reply

Your email address will not be published. Required fields are marked *

error: Content is protected !!