ඉදිරි දිගහැරුම LXXXVI | London Has Fallen (2015) වොෂින්ටන් වලින් පසුව ලන්ඩන්

අතිශය සාර්ථක වුනු Olympus Has Fallen (2013) ලබාගත් සාර්ථකත්වය නිසාම එහි දෙවැන්න මේ දිනවල නිර්මාණය වෙමින් පවතිනවා. එය නමින් London Has Fallen (2015).

පෙර මෙන්ම Gerard Butler විසින් මයික් ගේ චරිතය රඟදක්වනු ලබනවා. ඔහුට අමතරව Charlotte Riley, Morgan Freeman, Melissa Leo, Jackie Earle Haley සෙසු චරිත වලට දායක වනවා. Babak Najafi විසින් අධ්‍යක්ෂණය කරනු ලබන මෙහි රචනය Katrin Benedikt, Christian Gudegast විසින් සිදු කරනු ලබනවා.

Olympus Has Fallen අධ්‍යක්ෂණ කළ Antoine Fuqua මෙවර අධ්‍යක්ෂණයට ඉදිරිපත් නොවී ඇත්තේ ඔහු මෙවර පිටපතට කැමැත්තක් නොදැක්වූ නිසා බව පවසා තිබෙනවා. එම නිසයි Babak Najafi හට එම අවස්තාව ලැබී ඇත්තේ.

ඉදිරිපත් කර ඇති තොරතුරු අනුව අබිරහස් ලෙස මියගිය එංගලන්ත අගමැතිවරයාගේ අවමගුල් උත්සවය දා ලන්ඩනයට පැමිණි ලෝක නායකයන් ඝාතනය කිරීමේ කුමන්ත්‍රණයක් වටා මෙවර කතාව ගෙතී ඇත. මෙවරද ලෝක නායකයන් බේරා ගැනීමේ කාර්යට හසුවන්නේ ධවල මන්දිරය බේරා ගත් මයික් හටයි.

තිරගතවන දිනය 2015 ඔක්තෝම්බර් 02

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.