Batman – Mystery of the Batwoman (2003)
ඇනිමේෂන් ගැන කතා කරන ලිපි මාලාවේ අපි අද කතා කරන්න යන්නේ 2003 දී නිකුත් වුනු Batman – Mystery of the Batwoman ඇනිමේෂන් එක ගැන. හැබයි මේ ෆිල්ම් එකට කලින් 2000 වර්ෂයේ දී තවත් බැට්මෑන් ෆිල්ම් එකක් නිකුත් උණා. ඒක ගැන ඊලඟට කතා කරන්න හිතුවේ මේ ෆිල්ම් එක කලින් අපි කතා කරපු Batman – Mask of The Phantasm සහ Batman & Mr. Freeze-SubZero ඇනිමේෂන් දෙකේ අනුගාමි එකක් විදිහට නිකුත් වුනු ෆිල්ම් එකක් හින්දා.
අපි වැඩි විස්තර වලට යන්න කලින් මේ ෆිල්ම් එකේ විස්තර ගැන හොයලා බලමු.
• අධ්‍යක්ෂණය – Curt Geda
• නිෂ්පාදනය – Benjamin Melniker, Michael Uslan, Sander Schwartz, Alan Burnett, Margaret M. Dean, Kathryn Page, Curt Geda
• තිර පිටපත – Michael Reaves
• කතාව – Alan Burnett
• ප්‍රකාශිත සමාගම – DC Comics, Warner Bros. Animation
• විකාශන කාලය – මිනිත්තු 72
• එළිදක්වන ලද දිනය – October 21, 2003
IMDB දර්ශකයේ 6.7 ක අගයක් හිමිකරගෙන තියන මේ ඇනිමේෂන් එක, සිරිස් එකේ කලින් ඇනිමේෂන් තරම් හොඳ නෑ කියලා තමයි ගොඩක් අයගේ මතය. ඒත් මේ කතාවට මුලික වෙලා තියන බැට් වුමන් ගේ අභිරහසත් එක්ක මේ කතාව ගොඩක් ලස්සනට ගලා ගෙන යනවා. කතාව අවසානය වෙනකල් ම කුතුහලයෙන් බලන්න පුළුවන් වගේම අපේ බැට්සි ගේ නිර්භීත ක්‍රියාකාරකම් ගොඩක් බලා ගන්න පුළුවන්.
සුපුරුදු විදිහටම Kevin Conroy බැට් මෑන්ට හඬ කවද්දී, කලින් ඇල්ෆ්‍රඩ්, ජිම් ගෝර්ඩන්, හාර්වි බුලොක් ට හඬ කවපු Efrem Zimbalist, Jr., Bob Hastings, Robert Costanzo මේ ෆිල්ම් එකටත් හඬ කැවීමෙන් දායක උනා. විශේෂම දේ තමයි ඩික් ග්‍රේසන් වෙනුවට Tim Drake තමයි Robin විදිහට ඉන්නේ. ඒ චරිතයට Eli Marienthal හඬ කවනවා.
ලොකුම ලොකු පටලැවිල්ලක් වෙන බැට් වුමන් ගේ අභිරහසට අමතරව බේන් සහ පෙන්ගුවින් දෙන්නා පරද්දන්නත් බැට්මෑන්ට සිද්ද වෙනවා. අනිත් ඇනිමේෂන් වලටත් වඩා මේ ඇනිමේෂන් එකේ කතාව පොඩ්ඩක් වත් කියන්න විදිහක් නැත්තේ සම්පුර්ණ රසය විදගන්න බැරි වෙන හින්දා. ඒ හින්දා මේ ඇනිමේෂන් එක ගැන ඔය කට්ටියගේ අදහස් දක්වන කොට ෆිල්ම් එක ඇතුලේ කතා කරන ප්‍රධාන අබිරහස ගැන කියන්නේ නැතුව ඉන්නවා නම් ගොඩක් හොදයි.
#attila_THE_hun
https://www.facebook.com/slcomicscript
මිට පෙර ලිපි
Batman – Mask of The Phantasm
https://www.facebook.com/
Batman & Mr. Freeze-SubZero
https://www.facebook.com/
