Batman – Mask of The Phantasm
කොමික් ස්ක්‍රිප්ට් පේජ් එකෙන් අලුත් තොරතුරු අපේ යාළුවන්ට ගේනවා වගේම පරණ වටිනා කියන දේවල් ගැන කතා කරන්නත් අමතක කරන්නේ නෑ. ඒකෙ එක පියවරක් විදිහට අපි මේ දක්වා තිරගත වෙලා හෝ අන්තර්ජාලයට මුදා හැරලා තියන ෆිල්ම් ගැන සටහනක් තියනවා. හැබයි මේක අපෙ සුපුරුදු ටීවී සිරිස් එකක් ගැන විග්‍රහයට වඩා වෙනස්. මොකද අපි මේකේ දී කතාවේ අන්තර්ගතය ගැන කපලා කොටලා බලන්නේ නෑ. ඒ වෙනුවට අපේ යාළුවන්ට ආරාධනා කරනවා මේ කතාව ගැන, නිෂ්පාදනය ගැන නළු නිලියෝ ගැන වගේ ඕනම කාරනයක් ගැන තමන්ගේ මතය අපිත් එක්ක බෙදා ගන්න කියලා.
අපි මුලින්ම පටන් ගන්නේ dc කොමික් ආශ්‍රයෙන් නිෂ්පාදනය කරපු ඇනිමෙටඩ් ෆිල්ම් ගැන. මොකද dc කොමික් එයාලගේ ශක්තිය පෙන්වන ප්‍රධානම අංශයක් තමයි මේ ෆිල්ම්. අපි මුලින්ම කතා කරන්නේ 1993 දී තිර ගත වුනු Batman – Mask of The Phantasm කියන ෆිල්ම් එක ගැන.
මේ ෆිල්ම් එක 1992 වසරේ විකාශය වුනු සීසන් 4 කින් සමන්විත Batman: The Animated Series එක පාදක කරගෙන වෝනර් බ්‍රදර්ස් සමාගම මඟින් නිෂ්පාදනය කරපු එකක්. වැඩි විස්තර කතා කරන්න කලින් අපි මුලික තොරතුරු ගැන දැන ගෙන ඉමු.
• අධ්‍යක්ෂණය – Eric Radomski, Bruce Timm
• නිෂ්පාදනය – Alan Burnett, Michael Uslan, Benjamin Melniker, Bruce Timm
• තිර රචනය – Alan Burnett, Paul Dini, Martin Pasko, Michael Reaves
• නිෂ්පාදිත දිනය – 1993 දෙසැම්බර් 17
• විකාශන කාලය – මිනිත්තු 76
• නිෂ්පාදන වියදම – ඇ.ඩො. මිලියන 6
ෆිල්ම් එකේ කතාව ගැන අපි වැඩිය කතා කරන්න අදහස් කරන්නේ නෑ. මොකද මේක බලලා නැති අපේ යාලුවෝ ඉන්න පුළුවන් හින්දා. බැට් මෑන් ගේ ආදරයක් ගැන කතා කරන මේ ෆිල්ම් එක ඇතුලේ දී අපිට පුළුවන් වෙනවා බ්රුස් වේන් කොහොමද බැට් මෑන් බවට පරිවර්තනය වෙන්නේ කියලා බලා ගන්න. ඒ වගේම ජෝකර් මේ ෆිල්ම් එකේ ලොකු කාර්යය භාරයක් ඉෂ්ට කරනවා. කතාවේ ප්‍රධාන දුෂ්ටයා වෙන්නේ නම් Phantasm කියන චරිතය. IMDB දර්ශකයේ 7.6 ක අගයක් හිමි කරගෙන තියන මේක ඇත්තටම කුතුහලයෙන් යුතුව බලන්න පුළුවන්.
මේකේ ඉන්න නළු නිලියන් ගැන කතා කරද්දී විශේෂයෙන්ම කතා කරන්න වෙනවා. මොකද මේකේ දී බැට් මෑන් ට සහ බ්රුස් වේන් ට හඩ කවන්නේ dc ඇනිමේෂන් යුනිවර්ස් එකේ සදාතනික නමක් තියපු Kevin Conroy. කෙවින් තමයි බැට් මෑන් ඇනිමේෂන් සිරිස් එකටත් හඩ කැවුවේ. හැබයි ඇනිමේෂන් ෆිල්ම් වල ආරම්බය උනේ මේක. කෙවින් ට අමතරව ඇනිම්ටඩ් සිරිස් එකේ හඩ කවපු ගොඩක් දෙනෙක් මේ ෆිල්ම් එකටත් දායක උනා. ඒ අතරේ ජෝකර් චරිතයට ගොඩක් අවස්තාවල දී දායක වුනු දක්ෂ හඩ කැවීමේ ශිල්පියෙක් වුනු Mark Hamill, ඇල්ෆ්‍රඩ් විදිහට අවස්තා ගණනාවක දී හඩ කවපු Efrem Zimbalist එහෙමත් ඉන්නවා. ඇත්තම කියනවා නම් මේ ෆිල්ම් එකේ හඩ කවපු අය තමයි ඊට පස්සේ ආපු ගොඩක් ෆිල්ම් වල ත් අදාළ චරිතයට හඩ කැවීම් කෙරුවේ. මේ අයට අමතරව Dana Delany, Hart Bochner, Stacy Keach, Abe Vigoda, Bob Hastings, Robert Costanzo වගේ තව ගොඩක් දෙනෙක් හඩ කැවීමෙන් දායක වෙලා තියනවා.
#attila_THE_hun
https://www.facebook.com/slcomicscript
ලිපියට තුති Comic Script…
දිගටම මෙවැනි ලිපි දෙන්න…
බයිස්කෝප් සැමටත් ඔබලාටත් ජය…