Actors Who Tragically Passed Before Their Film or TV Production Was Complete

හොලිවුඩ් සිනමා ප්‍රේක්ෂකයන් පුන පුනා බලා සිටින චිත්‍රපටයක් තමා Fast & Furious 7 වැනි චිත්‍රපටය. ඒ නිසා මට මතක් උනා “පෝල් වෝකර්”ගේ වෙන්වීම. මොකද ඔහු අප අතරින් වෙන් වුයේ මේ චිත්‍රපටයට මොහු සම්බන්ධ වී සිටින විටය.

ඒ නිසා මේ ලිපියෙන් පොඩියට සදහන් කරන්නේ, චිත්‍රපට වලට සම්බන්ධ වී සිටින අතරතුර අප අතරින් වෙන් වූ නළුවන් ගැනය.

01. Heath Ledger

මොහු ඔස්ට්‍රේලියානූ ජාතික නළුවෙකි. මොහු ක්‍රිස්ටෝපර් නොලන්ගේ  The Dark
Knight චිත්‍රපටය රූගත කරමින් සිටියදී හා ටෙරී ගිලියම්ගේ The Imaginarium of Dr. Parnassu චිත්‍රපටයෙහි පසු නිෂ්පාදනය සිදුවෙමින් සිටියදි මෑන්හැට්න් නිවාස සංකීර්ණයේ අධික මත්ද්‍රව්‍ය නිසා මැරී සිටියදී සොයා ගන්නා ලදී.

02. Paul Walker

අප කවුරුත් හොදට දන්න නළුවා වන මොහු Fast & Furious 7 වැනි චිත්‍රපටය රූ ගත කෙරෙමින් සිටි අවධියේ, පුන්‍යාධාර කටයුත්තකට සහභාගි වී පැමිනෙමින් සිටියදී 2013 නොවැම්බර් 30 වැනිදා කාර් රථය අනතුරකට ලක් වීමෙන් අප අතරින් සමු ගන්නා ලදී.

03. Philip Seymour Hoffman

ඔස්කාර් සම්මානලාභී නළුවෙකු වන මොහු 2014 පෙබරවාරි 2වැනිදා, මැන්හැට්න් වල පිහිටි හෝටල් කාමරයේදී මිය ගොස් සිටියදී මිනිය සොයා ගන්නා ලදී. අධික හෙරෝයින් භාවිතය මරනයට හේතුව වී තිබේ. මොහු මිය යන විට Hunger Games දෙවැනි චිත්‍රපටය නිෂ්පාදනය වෙමින් තිබිනි.

04. Cory Monteith

ෆොක්ස් නාලිකාවේ විකාශනය වන සංගීතමය හා කොමඩි රූපවාහිනී නාට්‍ය මාලාවක් වන “Glee”හී ප්‍රධාන නළුවෙක් වන  මොහු 2013 ජුලි 13 වැනිදා කැනඩාවේ පිහිටි වැන්කුවර් ප්‍රදේශයේ හෝටල් කාමරයක මැරී සිටියදී සොයා ගන්නා ලදී. මොහුගේ මරනයටද හේතු වී ඇත්තේ, මත්පැන් හා හෙරෝයින් මත්කුඩුය. මොහු මිය යන විට ග්ලී කතාමාලාවේ 4 හා 5 වැනි කතා සමයන් රූගත කෙරෙමින් පැවතුනි.

මේ ආකාරයේම නිළියන් කිහිප දෙනෙකුත් මිය ගොස් තිබෙනවා. ඒ අය ගැන චුට්ටන් විස්තරයක් තවත් ලිපියකින් අරගෙන එන්නම්. ජයෙන් ජයම වේවා!

සිරාජ් ප්‍රියන්ත