Roy – අද්භූත චෞරයකුගේ කතාව
කබීර් තාවකාලික පෙම් සබඳතා පවත්වාගෙ යාම පිළිබඳ ප්‍රකට වූ සිනමාකරුවෙකි. තිර රචකයෙකි. ඔහු තුන් ඈඳුතු චිත්‍රපට පෙළක් ‘ගන්ස්’ යන නමින් නිර්මාණය කරන අතර එයට පසුබිම් වන්නේ චෞරයකුගේ ක්‍රියා හා ඔහුගේ ප්‍රේමයයි. චිත්‍රපට පෙළේ තෙවන හා අවසාන කොටස තිර රචනය කරමින් මලයාසියාවට යන ඔහුට එහිදී මුණ ගැසෙන්නේ ලන්ඩනයේ වෙසෙන සිනමා කාරියක වූ අයේෂා අමීර් ය. දෙදෙනා පෙමින් බැඳුණ ද තාවකාලික පෙම් සබඳතාවන් පිළිබඳ කබීර්ට ඇති ප්‍රසිද්ධිය පිළිබඳ කන වැකුණු වහා අයේෂා කබීර්ගෙන් වෙන් වෙයි. මිත බිද ගත් කබීර් යළි මුම්බාය වෙත පැමිණෙන්නේ චිත්‍රපටයේ කටයුතු සම්පූර්ණ නොකරය. කබීර්ට දැනෙන්නේ තෙවෙනි කොටසේ අවසානය නිවැරැදි ආකාරයට නිර්මාණය නොවන බවය.
ජාත්‍යන්තර චිත්‍රපට උලෙළක ජූරියට කබීර් පත් කෙරෙන අතර එම උලෙළේ අයේෂාගේ නවතම චිත්‍රපටය ද ප්‍රදර්ශනය වෙයි. කබීර් හමුවට එන අයේෂා පවසන්නේ තම ජීවිතයෙන් හැකි තරම් ඈත්ව සිටින ලෙසිනි. කබීර්ගේ පියා මිය යන අතර, චිත්‍රපටයේ නිෂ්පාදකයන් කබීර්ට නඩු පවරන්නේ ගිවිසුමට අනුව නියමිත දිනට ‘ගන්ස් – 3’ චිත්‍රපටය නිම නොකිරීම පිළිබඳය.
මේ සමාන්තරව තවත් කතාවක් අඳී යයි. රෝයි අද්භූත ජාත්‍යන්තර සොරකු වන අතර නිතර ඔහු සොරකම් කරන්නේ අගනා හා ප්‍රකට කතා කෘතීන් ය. ඔහු පසුපස ලුහුබඳින රහස් පරීක්ෂක වාඩියාට කිසි විටෙක රෝයි අත්අඩංගුවට ගන්නට ඉඩ ලැබෙන්නේ නැත. තවත් රටකට යන රෝයි කිසියම් අගනා කලා කෘතියක් සොරකම් කිරීමට සැලසුම් කරද්දී වටහා ගන්නේ එම කලා කෘතිය අයත් වන්නේ ටියා නමැති රූමතියකට බවයි. ටියා විශාල මන්දිරයක හුදෙකලාව වෙසෙන අතර රෝයි ටියාට ළංවී ඇය හා පෙම් සබඳතාවක් ගොඩනඟ ගනියි. එම ප්‍රේමය හරහා ඇගේ මන්දිරයට පිවිසෙන ඔහු අගනා කලා කෘතිය ටියාට රහසේ සොරකම් කරගෙන පලා යයි. ටියා හදවත බිඳ ගනියි.
ටියාගෙන් ඈත්වූ රෝයිට වැටහෙන්නේ තමා සැබැවින්ම ටියාට ප්‍රේම කර ඇති බවද? එනිසාම ඔහු ඇයට තමන් සොරකම් කර ගත් කලා කෘතිය ආපසු ටියාට බාර දෙනු ඇතිද? එසේ කළ පමණින් ඔහුට යළි ටියාගේ ප්‍රේමය දිනා ගත හැකි වේවි ද? එම කතාව කබීර්ට වැදගත් වන්නේ කෙබඳු ආකාරයකට ද? මේ සමාන්තර කතා දෙක ‘රෝයි’ චිත්‍රපටය ඇතුළත එකම කතාවක් බවට පත්වන්නේ කෙසේද?
ගීත හතක් සහිතව රෝයි චිත්‍රපටය නිපැයී ඇත්තේ ඉන්දීය රුපියල් කෝටි අසූවක් වැය කරමිනි. නවක අධ්‍යක්ෂවරයකු වූ වික්‍රම් ජිත් සිං ‘රෝයි’ නිර්මාණය කරමින් බොලිවුඩයට සිනමාකරුවකු ලෙස පිවිස තිබේ.
අර්ජුන් රාම්පාල්, ජැකලයින් ෆර්නැන්ඩෙස්, රන්බීර් කපූර්, ෂෙර්නාස් පටෙල්, අනූපම් කර්, රජිත් කපූර්, ෂිබානි දන්දේෆර්, බරුන් චන්දා සහ සයිරස් බොර්ඩා රඟපාන ‘රෝයි’ හි පසුබිම් සංගීත අධ්‍යක්ෂණය සන්ජෝයි චෞර්ගියේ.
එළකිරි මචං. දිගටම මෙහෙම ලියමු.
Ela ela ,niyamai.
digatama mewani lipi demu.
Obata jaya