~ Assasin’s Creed මෙහෙයුම අරඹයි ~

Assasi’s Creedකිව්වහම ඔබ කවුරුත් දන්නවාට සැකයක් නැහැ. ඒකාන්ත වශයෙන්ම ඔබ මෙම දිසිරූ ක්‍රීඩාවට ඇබ්බැහි වන්නට ඇති. එසේ නැතිනම් ඒ ගැන අසාවත් ඇති. ඊළඟට ඔබ බලනවා ඇති මොකක් ගැනද මේ කියන්ඩ යන්නේ කියලා. ඉතාම මෑතක ඒ ඇසුරින් නිමැවුණු සජීවීකරණ කෙටි චිත්‍රපටය ගැනද? ඒක කලින් බයිස්කෝප් සිංහලෙන් වෙතින් සිංහල සමග දුන්නනේ… නේද? නෑ. මේ කියන්ඩ යන්නේ ඒක ගැන නෙමෙයි. අලුතින් තැනෙන මෙනමින් යුතු වෘත්තාන්ත චිත්‍රපටයක් ගැනයි.

මෙය නිකුත් වීමට නියමිත 2014 දීයි. මෙය එහි පරිගණක ක්‍රීඩාව නිර්මාණය කළ ‘Ubisoft’ සමාගමට අයත් ‘Ubisoft Motion Pictures’ හි නිෂ්පාදනයක්. මෙහිදී Michael Fassbender -(ඔබට මතකනම් රොයිලි සහෝ සිංහලෙන් ගෙන ආ Band of Brothers ටෙලි මාලාවේ Sgt. Burton ‘Pat’ Christenson, 300 (2006) චිත්‍රපටයේ Stelios, Eden Lake (2008) චිත්‍රපටයේ Steve, Centurion (2010) චිත්‍රපටයේ Centurion Quintus Dias, Haywire (2011) චිත්‍රපටයේ Paul, Prometheus (2012/I) චිත්‍රපටයේ David)- රංගනයෙන් එක්වනු ඇති බව කියැවෙන්නේ සුපිරි ඝාතක තරුව වන Altair Ibn La-Ahad විලසින්. එමෙන්ම ඔහු මෙම චිත්‍රපටයේ සම නිෂ්පාදන දායකත්වයද උසුලනු ලබනවා. මේ හැරුණු කොට සෙසු නළු-නිළි පිරිස ගැන තවමත් හෙළි කොට නැහැ.

Ubisoft සමාගම කියන හැටියට…

මේ චිත්‍රපටය ඔවුනගේ දිසිරූ ක්‍රීඩාවේ චරිත සහ රීතීන් එලෙසින්ම අනුගමනය කරමින් නිර්මාණය කිරීමට ඔවුන් වග බලා ගන්නවා. මොකද කිව්වොත් චිත්‍රපටයේ අන්තර්ගතය ගැන සම්පූර්ණ බල අධිකාරිය සහ තීරණ ගැනීමේ අයිතිය ඔවුන් වෙත රඳවා තබා ගන්නට ඔවුන් කටයුතු කර තිබෙන නිසා. එම නිසා දිසිරූ ක්‍රීඩාවේ රසිකයින්ගේ මනදොළ සපුරන නිර්මාණයක් ලෙසින් ඉතාමත් උසස් ගුණත්වයකින් යුතුව මෙය එළි දකිනු ඇති බව අපට හිතන්නට පිළිවනි. මෙම චිත්‍රපටයේ නිර්මාණ කටයුතු සිදු කරනුයේ New Regency සමාගම හා එක්වයි. හේතුව ඔවුන් ස්වාධීන සහ නිදහස් සිනමා නිෂ්පාදන සමාගමක් වීම. මේ දෙගොල්ලන්ගේ අරමුණු කොන්දේසි හා නොගැටෙන නිසා එම තීරණයට එළඹුණු බව Ubisoft ප්‍රධාන විධායක නිලධාරී Jean-Julien Baronnet පවසා තිබෙනවා. මෙහි බෙදා හැරීමේ කටයුතු 20th Century Fox යටතේ සිදු කෙරෙනු ඇති.

එහෙමනම් ඔබව වශී කළ, ඔබව මවිත කළ, ඔබව ත්‍රාසජනක, ක්‍රියාදාම ලොවකට ‍රැගෙන ගිය ඔබේ ප්‍රියතම පරිගණක ක්‍රීඩාව පුළුල් තිරයෙන් නරඹන්නට සූදානම් විය හැකියි. හොඳ පිටපත් නිකුත් වුණහම අපිත් වහාම සිංහල එක්ක අරගෙන එන බව ඔබට අමුතුවෙන් කියන්ඩ ඕනි නෑනෙ එහෙනම්?

විකියා (159 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

විකියා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.