ගෙදරට Welcome Back ස්පයිඩි

ලොව පුරා මාර්වල් රසිකයන් තුල ඇතිකළ නොඉවසිලිමත් කාලයකට පසුව මෙයට පැය කිහිපයකට පෙර මාර්වල් සමාගම මේ ඉතා අගනා පුවත තම රසිකයන් වෙත මුදා හැරියා.

දශකයකටත් එහා ඉඳන් මාර්වල් Spider-Man චරිතයේ සිනමාරූපී අයිතිය  Sony Pictures හට මාර්වල් එන්ටර්ප්‍රයිස් ආයතනය ලබා දී තිබුනා. ඒ එකල මාර්වල් සමගම සතුව සිනමා අංශයක් නොතිබූ නිසා මාර්වල් චරිත රිදී තිරයට ගෙන ඒමට තිබූ එකම ක්‍රමය එය නිසාය. මේ නිසා ස්පයිඩර් මෑන්, x men, දෙයා ඩෙවිල්, ඉලෙක්ට්‍රා, ෆැන්ටෑස්ටික් 4 වැනි චරිත වල සිනමාරූපී අයිතිය ෆොක්ස්, සෝනි යන ආයතන දෙකට ලබා දී තිබුණි.

නමුත් ඩිස්නි ආයතනය සමඟා එක්ව මාර්වල් ස්ටුඩියෝ ආයතනය ඇතිකිරීම  නිසා මාර්වල් සිනමාපට මාර්වල් සමාගම තුලම නිපදවීමට මාර්වල් සමාගමට හැකිවිය. Marvel Cinematic Universe නමින් මාර්වල් ස්ටුඩියෝව තම සිනමාපට ඉදිරිපත් කිරීම දැන් සිදුකරනු ලබනවා. ඇවෙන්ජර්, තෝර්, අයන් මෑන්, කැප්ටන් ඇමෙරිකා, ගාර්ඩියන් ඔෆ් ගැලැක්සි වැනි සිනමාපට එයට උදාහරණයි.

කෙසේ වෙතත් මාර්වල් විශ්වය තුල ප්‍රමුඛ චරිතයක් වන Spider-Man සෝනි සමාගම සතුව පවතින නිසා පසුගිය වසර වන විට ඔවුන් Spider-Man සිනමාපට 05ක් නිපදවන ලදී. එමෙන්ම 2018 වසරේ The Amazing Spider-Man 3 සහ 2016 වසරේ The Sinister Six නිපදවීමට සැලසුම් කර තිබුණි.

2016 පැමිණෙන Captain America: Civil War හි කොමික් කතා අනුව ස්පයිඩි ප්‍රධාන චරිතයක් වනවා. නමුත් සැවොම ඔහු Civil War සිනමාවට පැමිණෙනු ඇති බවට විශ්වාස කරේ නැත. ඒ ස්පයිඩි ගේ අයිතිය සෝනි හට තිබූ නිසාය.

 Captain America: Civil War මූලික කරගෙන සහ තම කොමික් චරිත නැවත තම යටතට ගැනීමට මාර්වල් සමාගම දරන උත්සාහය නිසා සෝනි සහ මාර්වල් ආයතන අතර පසුගිය දිනවල දිගු සාකච්චාවන් පැවැත්වුනා. විශේෂයෙන්ම තම ප්‍රධාන චරිතයක් මෙසේ ලබාගැනීමට ඔවුන් උත්සුක වුනා.

මුලින් පවතී විරෝධතා පසෙකලා පැය කිහිපයකට පෙර මාර්වල් හට ස්පයිඩි ගේ චරිතය ලබාදීමට සෝනි ආයතනය එකඟ වීම සිදු වුනා. හැබැයි ඒ වසර ගණනාවකට පෙර අත්සන් කර පූර්ණ ගිවිසුම ඉවත් කරමින්නම් නෙවෙයි. සෝනි සමාගම චරිතයේ අයිතිය තමන් වෙතම තබාගෙන තිබෙනවා. නමුත් නිෂ්පාදනය, බෙදා හැරීම, චරිතය වෙනස් කිරීම වැනි ප්‍රධාන අයිතීන් මාර්වල් හට නැවත ලැබී තියෙනවා.

මේ නිසා මේ වන විට දැඩි කතාබහක් ඇතිව තිබෙනවා වර්තමාන නළු Andrew Garfield තවදුරත් එම චරිතයේ පවත්වාගනු ඇතිද යන්න පිළිඹඳව. මෙයට හේතු වී ඇත්තේ Andrew Garfield ප්‍රතිනිර්මිත ස්පයිඩි චරිතය පෙර Tobey Maguire විසින් නිර්මිත ස්පයිඩි තරම් සාර්ථක නොවීමයි.

එමෙන්ම දෙවන වරටත් Spider-Man චරිතය ප්‍රති නිර්මාණය කිරීමක් ගැනත් කටකතා පවතිනවා. මූලික වශයෙන් ඇති සාර්ථක Spiderman ත්‍රිත්වයෙන් පසුව ප්‍රති නිර්මිත අසාර්ථක The Amazing Spider-Man ද්විත්වය පසෙකලා නැවත ස්පයිඩි ගේ චරිතය Marvel Cinematic Universe එකට අදාලව සැකසීම සිදුවිය හැකි බවට දැඩි ඉඩකඩක් පවතිනවා.

කෙසේ වෙතත් මාර්වල් ස්ටුඩියෝ ව ප්‍රථම වරට ගෙන එන ස්පයිඩි ගේ චරිතය එළිදක්වන්නේ කෙසේද යන්න තවම තහවුරු කර නැහැ. කෙසේ වෙතත් තනි සිනමාපටයක් නොලැබුනොත් ලබන වසරේ Captain America: Civil War තුලින් ප්‍රථම වරට මෙම චරිතය දැකගත හැකිවනු ඇත.

තිසර නියෝ (419 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.