Gotham – 01×08 – The Mask ***Spoilers***

ගෝතම් කතා මාලාවේ අද අපි කතා කරන්නේ 8 වෙනි කොටස. වෙනදා වගේම අපි මුලින්ම කතාව ඇතුලේ සිද්ධ උනේ මොකක්ද කියන කාරණේ පොඩ්ඩක් බලලා ඉමු.
• පුරුදු විදිහටම අපිට සතියේ දුෂ්ටයෙක් හම්බෙනවා. කෙටියෙන්ම කිව්වොත් ඒ බ්ලැක් මාස්ක්. මේ බ්ලැක් මාස්ක් කවුද කියලා පස්සේ අපි කතා කරමු. එතකල් අපිට මේ සතියේ දැක ගන්න ලැබුණු ගෝතම් නගරයේ තවත් සත්‍යක් තමයි අවනීතිය පැතිරිලා තියන්නේ අඳුරු විදී අතර විතරක් නෙවේ කියන එක. උසස් යැයි සම්මත සමාජය අතරේ ත් මේක පැතිරිලා. ඒ කියන්නේ අනාගතයේ පහල වෙන අඳුරු නයිට් වරයාට ගෝතම් නගරයේ මුල ඉදන් ඉහලම කෙලවරට සුද්ද කරන්න වෙනවා.
• හැමදාම වගේ අපේ පෙන්ගුවින් මොකක් හරි පෙරලිකාර දෙයක් කරනවා. අර සාරි කට්ට පැහැර ගන්න වෙලාවේ මහත්මා විදිහට කරුණාකර කියලා කියන්නත් අමතක කරන්නේ නෑ. ඒ වගේම පෙන්ගුවින් සහ ෆිෂ් මුනි අතර තියන ගැටුමේ තවත් තීරණාත්මක තැනක් අද අපිට දකින්න හම්බුනා. ෆිෂ් මුනි මොනම විදිහකටවත් පෙන්ගුවින් ට සමාව දෙන්න කැමති නෑ. අපි මේ වෙද්දී දන්නවා පෙන්ගුවින් ගේ ලෝකය ඇතුලේ එයාගේ අම්මට තියෙන්නේ ඉහලම තැනක්. දුක සතුට වගේම ගැටලුවකට පිලියමක් හොයා ගන්නත් පෙන්ගුවින් ට උදව් වෙන්නේ එයාගේ අම්මා. අපරාදේ කියන්න බෑ පෙන්ගුවින් ටම ගැලපෙන අම්මා. ෆිෂ් මුනි කරපු අවමානයට පලී ගන්න අයිඩියා එක පෙන්ගුවින් ගේ ඔළුවට එන්නේ මෙතනින්. කොහොම හරි අද දවසේ කතාව අවසානේ ෆිෂ් මුනිගේ රහස දැන ගන්න තරම් පෙන්ගුවින් සාර්ථක වෙනවා.
• අපි දන්නවා ෆිෂ් මුනි සහ ලීසා අතර ක්‍රියාත්මක වෙන සැලසුම. ෆිෂ් මුනිගේ බලපෑම කොච්චර වැඩි උනත් ලීසා ට කලින් තිබ්බ අවශ්‍යතාවය ටිකෙන් ටික අඩු වෙලා වගේ. ගොඩක් වෙලාවට ෆැල්කෝනි ගේ බලපෑම (ආදරය, භය, ගෞරවය ඕනෑම එකක්) ලිසාට දරා ගන්න අමාරු ගතියක් තමයි පේන්නේ.
• ඕනාවට වඩා ලොකු එක්කෙනෙක් කරන්න ගිය බ්රුස් මේ පාර වත් පොඩි එකෙක් විදිහට හැසිරෙයි කියලා හිතුවා පොඩි එකා ඉස්කෝලේ යන්න පටන් ගත්තාම. ඒත් අවාසනාවට පාසල ඇතුලේ ම ඉන්නවා තවත් එක චන්ඩියෙක්. බ්රුස් ගේ ජිවිතේ ඉතාම සංවේදී අවස්ථාව ඒ වගේම බැට් මෑන් ගේ ප්‍රධාන දුර්වලතාවයක් ව්දිහට හදුනා ගෙන තියන දෙමව්පියන්ගේ ඝාතනය මතුකරලා ගන්න එක එච්චර හොඳ දෙයක් නම් නෙවේ. මුලින්ම මානසිකව වැටෙන බ්රුස් අනිත් පොඩි එකාට මතක හිටින පාඩමක් උගන්වන්නේ ඇල්ෆ්‍රඩ් ගේ (ළමයි බලාගන්න නියම මනුස්සයා) උදව්වෙන්. ඒත් එක්කම බ්රුස්, ඇල්ෆ්‍රඩ් ගෙන් සටන් කරන්න උගන්වන්න කියලාත් ඉල්ලනවා. ඒ කියන්නේ ඔන්න නිල වශයෙන් වැඩේ පටන් ගන්න හදන්නේ දෙන්නා. තව දෙයක් තමයි පොඩි කාලේ ඉදන්ම බ්රුස් ට කෙල්ලන්ගෙන් අඩුවක් නෑ වගේ.
• බුලොක් කියන්නේ ඇතුලෙන් යහපත් මනුස්සයෙක් කියලා දැන් නම් හොඳටම පැහැදිලියි. තමන්ට කරන්න බැරි උණු දේ ගෝර්ඩන් කරන එක ගැන හිත යටින් බුලොක් කැමතියි. ගෝර්ඩන් ගැන හොයන්න අනිත් පොලිස් නිලධාරියන් ගෙන් උදව් ඉල්ලපු වෙලාවේ බුලොක් කරන කතාවෙන් අපිට පැහැදිලි වෙනවා ගෝර්ඩන් ගේ වැඩ පිළිවෙල ගැන බුලොක් ට විශ්වාසයක් තියනවා කියලා.
• කතාව ඇතුලේ අපිට බලෙන් ඔළුවට රිංගවන්න හදන දෙයක් තමයි බාර්බරා සහ ගෝර්ඩන් අතර තියන සම්බන්දය. ගිය සතියේ සිද්ධ වුනු සිදුවීමෙන් පස්සේ මේ දෙන්නා ගේ සම්බන්දය මේ වගේ අතකට හැරෙන එක ටිකක් අදහා ගන්න අමාරු උනත් මේ දෙන්නා ගැලපෙන්නේ නැති ජෝඩුවක් කියන මතයේම ඉන්න නිෂ්පාදක වරුන් තීරණය කරලා.
• හැමදාම වගේ හෝඩුවාවන් පස්සේ ගිහිල්ලා පරීක්ෂනය විසදන්න ගෝර්ඩන් ට පුලුවන් වෙනවා. ඒ වගේම කතාව අවසානයේ ගෝර්ඩන් ගේ අති දක්ෂ සටන් ජවනිකා ගෝර්ඩන් කියන්නේ ඔලුවෙන් විතරක් නෙවේ ඕනේ නම් අතින් පයින් උනත් ලෑස්තියි කියන පණිවිඩය අපිට දෙනවා.
ෆිෂ් මුනිගේ රහස ගැන දැන ගන්න පෙන්ගුවින් ගේ ඊලඟ ක්‍රියා මාර්ගය මොකක්ද කියන එකයි, සෙලිනා කයිල් ඒ පාර මොන විදිහේ උප්පරවැට්ටියක් දාන්න හදනවා ද කියන ටික ඊලඟ කොටසින් කතා කරන්න ඉඩ තියලා අදට අපි කතාව නතර කරමු.

අපි දැන් බලමු මේ සතියේ අපිට හම්බුනු කොමික් චරිත මොනවාද කියලා
• Black Mask – අපිට කොමික් යුනිවර්ස් එකේ දී බ්ලැක් මාස්ක් කියන චරිතය හම්බෙනවා (#01 පින්තුරය). ඒ Roman Sionis කියන නමින්. අපිට අද කතාවේ හම්බෙන බ්ලැක් මාස්ක් (#02 පින්තුරය) ට තියෙන්නේ Sionis Investments කියලා ආයතනයක්. මේ පැහැදිලිවම ඒ චරිතය (හෝ ඒ පවුලට සම්බන්ද චරිතයක්) හදුන්වා දීමක්.
• Tommy Elliot / Hush – බ්රුස් ට හම්බුනු කරදර කාර පොඩි එකා මතකයි නේද කට්ටියටම. (#03 පින්තුරය). මෙයාගේ නම තමයි ටොමි එලියට්. මෙයා පොඩි කාලේ බ්රුස් ගේ හොඳ යාලුවෙක්. හැබයි පස්සේ කාලේක මෙයා දුෂ්ටයෙක් වෙනවා Hush කියලා (#04 පින්තුරය)

ඊලඟට අපි කතා කරන්නේ කොහොමද අපේ කතාවේ ඉන්න චරිත කොමික් ලෝකයේ චරිත එක්ක සම්බන්ධ වෙන්නේ කියලා.
• බ්රුස් මේ සතියේ ඒ විදිහේ ඉඟි කිහිපයක්ම දෙනවා අපිට. එකක් තමයි ඇල්ෆ්‍රඩ් එකක් සටන් පුරුදු වෙන්න පටන් ගන්න එක. ඊටත් වඩා වැදගත් දේ තමයි බැට් මෑන් ගේ ඇතුලාන්තය ගැන තොරතුරක් අපිට බ්රුස් කරනවා. බැට් මෑන් කියන්නේ අඳුරු චරිතයක්. ඒ චරිත ස්වභාවය මොනවගේද කියන එක අපිට බ්රුස් පැහැදිලි කරනවා. ඒ වගේම බ්රුස්ට එයාගේ දෙමව් පියන් ඝාතනය ගැන කවුරු හරි මතක් කලොත් ඒක ලේසියෙන් විඳ දරා ගන්න අමාරු යි කියන එකත් අපිට අද දකින්න හම්බුනා.
• අපිට අද නිග්මා ගැන වැඩි දුර තොරතුරු ටිකක් හම්බුනා. ඒ තමයි හාස්‍යජනක විදිහේ ප්‍රහේලිකා එලියට දාන එක. දැන් දැන් නිග්මා කොමික් ලෝකේ හුරු පුරුදු රිඩ්ලර් චරිතයට ලෑස්තියි වගේ
• කතාවට දාන්න ඕනේ හින්දා වගේ අපිට සෙලිනා කයිල් පොඩි වෙලාවකට පෙන්නනවා. ඒ වෙලාවෙත් සෙලිනා කරන්නේ ඇඳුම් හොරකම් කරන එක. වැදගත් මේ දේ ගෝතම් පොලිසියේ ඒ ගැන කරුණු හොයන්නේ කොමික් ලෝකේ සෙලිනාගේ එදිරිවාදියා අල්වාරෙස් මයි.

අවසානයට අපි බලමු අද කතාව ඇතුලේ හැංගිලා තියන පුංචි පුංචි දේවල් මොනවාද කියලා.
• නිතී විරෝධීව ශෛල්‍ය කර්ම කරපු වෛද්‍ය වරයා මතකද (#05 පින්තුරය). මෙයා ගැන වැඩි සඳහනක් කතාව ඇතුලේ තිබ්බේ නැති උණාට අපිට මේ වගේම චරිතයක් හම්බෙනවා කොමික් ලෝකේ නම්. ඒ තමයි Crime Doctor හෙවත් Dr. Bradford Thorne (#06 පින්තුරය) කියන ගෝතම් නගරයේ ජිවත් වෙන පුද්ගලයා.
• බුලොක් ගෝතම් පොලිසියේ අනිත් නිලධාරීන් ගෙන් උදව් ඉල්ලද්දී පසුබිමේ දකින්න ලැබෙන චරිත දෙකක් ගැන පොඩ්ඩක් අවධානය යොමු කරන්න හිතුවා. පලවෙනි එක්කෙනා තමයි රත්තරන් පාට කොණ්ඩයක් තියන රතු ඇඳ ගත්තු කාන්තාව. මුලින්ම මෙයා පසු බිමෙන් යනවා පේනවා. ඊට පස්සේ සිර මැදිරියේ ඉන්නවා පේනවා (#07 පින්තුරය). මේ වගේ ස්වරුපයක් තියන චරිතයක් අපිට ගෝතම් වලින් හම්බෙනවා. ඒ තමයි Peyton Riley හෙවත් Ventriloquist (#08 පින්තූරය). හැබයි මේක නම් අනුමානයක් විතරයි. අනිත් පුද්ගලයා නම් යාන්තමට දකින්න පුළුවන් වෙන්නේ. මුහුණ පුරා රැවුල වවා ගත්ත මේ පුද්ගලයා කවුද කියන එක නම් පැහැදිලි නෑ. ඒත් ගෝතම් පොලිසියේ මෙහෙම කෙනෙක් රාජකරි කරනවා කියන එක නම් පිළිගන්න අමාරු දෙයක් (#09 පින්තුරය)
• අවසානයට සතියේ ජෝකර් ඊස්ටර් එග් එක. අපි දන්නවා නේ මේකෙන් දෙන්නේ ජෝකර් කියන චරිතයට සම්බන්ද පුංචි සඳහනක් කියලා. ගෑනු කෙනෙක් ඇස් වල පාට ගානවා කියන එක සාමන්‍ය දෙයක්. ඒත් ඒක ඕනෑවට වඩා වැඩිනම් ඒ වගේම එයා අමතරෙන් හිනා වෙන්න උත්සහ කරනවා වගේ නම් ඊටත් වඩා හිනා වෙද්දී ජෝකර් ගේ “Why So Serious” ස්වරුපයට සමාන මුණක් පෙන්නනවා නම් අපිට ටිකක් සැක හිතෙනවා. මෙහෙම කෙනෙක් අපිට හම්බෙනවා ගෝර්ඩන් ගේ සටන් ජවනිකාව සජීවීව බලන පිරිස අතරේ (#10 පින්තුරය). සමහරක් විට මේ ජෝකර් ගැන කරන සඳහනක් වෙන්න පුළුවන්.

https://www.facebook.com/pages/Comic-Script/1519015728381434

Black Puma

10934015_1536395716643435_6965827640377873547_n

Comic Script (144 Posts)


Leave a Reply

Your email address will not be published. Required fields are marked *

error: Content is protected !!