ආදරය කරන්න දන්නෙම නැති සමාජයක් Equilibrium (2002)

Equilibrium-2002

මිනිසාගේ ස්වාභාවය හා මිනිස් දුර්වලතා බොහොමයකට හැඟීම් හේතු වේ. අනෙකා පරයා යෑමේ හා තම බලය තර කර ගැනීමේ හැඟම නිසාම නූතන ධනනේෂ්වර සමාජය මෙන්ම පෙර පැවති වැඩවසම් ක්‍රමයටද හේතු වූ බව නොරහසකි. පාසල්වල පන්ති පන්ති ගහගන්නේත්, පාසල් පාසල් ගහගන්නේත් අප තුල පවත්නා ජාතිවාදී, වර්ගවාදී ආකල්ප හා හැඟීම් නිසාමය. අපේ ගම, අපේ ටවුන් එක, අපේ පළාත, අපේ රට, අපේ ජාතිය, අපේ භාෂාව, අපේ ආගම වැනි ඕනෑම දෙයකට අපේ අය ඔය වර්ගවාදී හැඟීම් අවුස්සන එක නොරහසකි. දේශප්‍රේමයද වර්ගවාදී හැඟීම් ඝනයටම වැටේ. ඇඩෝල්ෆ් හිට්ලර් විසින් ජාතිවාදී හැඟීම් අවුස්සා නාසි බලය තර කරගත් හැටි අපි දනිමු. සමාජවාදී සමාජය අපේ කොමිනිස්ට්කාරයන් හිතාගෙන සිටින තරමට සරල නැත. එය පවත්වාගැනීමද පහසු නැත. එයට හේතුව සමාජවාදී සමාජය මෙන්ම කොමියුනිස්ට් සමාජයද මිනිස් හැඟීම් හා බද්ධව නොපැවතීමයි. එය ස්ථාවර වීමට පරම්පරා 4ක් 5ක් වත් ගතවනු ඇත.

ඉතිං මේ මිනිස් ආකල්ප හා හැඟීම්  නිසා ගැටුම් ඇතිවූවා කියා මෙහි හොද පැත්ත දෙස අප නොබලා සිටීම නිවරදි නොවේ. මිනිසා මෙතරම් දියුණුවකට පැමිණියේද මේ හැඟීමි හා ආකල්ප නිසාවෙනි.

ඇත්තටම හැඟීම් දැනීම් නැති කරන්න පුලුවන්ද?

විවිධ ඖෂධ හා මත්ද්‍රව්‍ය වලට මොළයේ රසායනික සංයුතිය වෙනස් කළ හැකි සේම වැඩි දියුණු කරන ලද ඖෂධ භාවිතයෙන් මොළයේ විෂේශ හැඟීම් පාලනය කරීමට හැකි විය යුතුය. නමුත් මෙහි අතුරු ආබාද බොහොමයක් පැවතිය හැකිය. එයට හේතුව රසායන ද්‍රව්‍ය දිගින් දිගටම ශරීරයට ගැනීමෙන් ශරීරය එයට ඇබ්බැහිවන බැවිනි. උදාහරණයක් ලෙස දිගින් දිගටම යම් රෝග සදහා බෙහෙත් ගන්නා තැනැත්තාද, දිගින් දිගටම මත්ද්‍රව්‍ය ගන්නා තැනැත්තාද එයට ඇබ්බැහි වේ. Equilibriumහී ඉන්ජෙක්ෂන් එකක් ආදාරයෙන් මෙය සිදුකරනු ලබයි.

දක්ෂ වෙඩික්කරුවෙක්

හැඟීම් දැනීම් නැතිකරගත් පමණන් සුපිරි වීරයන් බිහිකරන්නට නම් අපිට හැකිවන්නේ නැත. බිය නොවන හැ මරණයට පවා කිසිම තැතිගැන්මක් නැති මිනිසුන් බිහිකළ හැකිවුවත් එතරම් දක්ෂ වෙඩික්කරුවෙකුවීම නම් එතරම් තාත්වික කරුණක් නොවේ.

හැඟීම් පාලනය

මිනිස් ඉතිහාසයේ පැවති හා පවතින යුද්ධ වලදී සිදුවුන මිනිස් සංහාරය ලෝකයට නොරහසකි. කපාකොටා මිනිසුන් මරාදමා, පුලුස්සා කළ ඝාතනයන් මෙන්ම සිදුකළ දූශණයන්ද සිදුකලේ හැඟීම් දැනීම් නැති මිනිසුන් නොව ඇති මිනිසුන් විසින්මය. එයට හේතුවද හැඟීම් දැනීම් බව පැහැදිලිය. නමුත් චිත්‍රපටයේදී ඔහුට හැඟීම් දැනීම් ප්‍රභල බලපෑමක් කරන බව පෙන්වයි. යුද සෙබලකුගෙන් ඇසුවොත් යුද බිමේදී තවකකුගේ ජීවිතය අහිමි කිරීම කෙබදු හැඟීමක්ද කියා එය එතරම් දෙයක් නොවන බව ඔහු පවසනු ඇත. චිත්‍රපටයේ ප්‍රධාන නලුවාට සටනක් අතරතුර හැඟීම් පාලනය කරගත නොහැකි වන්නේ ඔහු හැඟීම් දැනීම් වලට අලුත් නිසා විය යුතුය.

හැඟීම් සහ ආගම ගැන සටහනන් 

අයින්ස්ටයින් කීවේ ආගම මිනිස් දුර්වලතාවල එකතුවක් බයිබලය බොලද කතාවක් කියාය.

කාල් මාක්ස් කීවේ ආගම අබිං කියාය.

මේ කතා දෙක පට්ටපල් බොරු යැයි ඔබ විශ්වාස නොකරන්නේ නම් ආගම ගොඩනැගී තිබෙන්නේද මේ හැඟීම් මතින් කියා තේරුම් ගත හැකිය. (කිසිදු ආගමකට අපහාස කිරීමට නොව ලිපියේ සංතතික බව උදේසාය. අපහාසයක් වූවා නම් සමාව ඉල්ලා සිටිමි. )

හැඟීම් තියන අයට දිනන්න පුලුවන්ද?

මෙයට පිළිතුරක් සෘජුව දිය නොහැක. චිත්‍රපටයේ හැටියට එය ව්‍යාප්තව තිබුනොත් නම් එය එතරම් පහසු නොවනු ඇත.

ස්තූතියි අදහස්, චෝදනා, යෝජනා තියනව නං කියන්න.

Shakila Praveen