Transformers 4: Age Of Extinction දැන්වීම් සඳහා වෙන්වූ චිත්‍රපටියක් වෙයි

කාලෙකට පස්සේ මංසලට ලිපියක් ලියන්න හිතුනා. ගොඩක් දෙනෙක් ආස චිත්‍රපටි මාලාවක්නේ Transformers කියන්නේ. ඉතිං ඔය කතා මාලාවට අලුතින් එකතුවෙච්ච Transformers හතරවෙනි චිත්‍රපටිය ගැන පොඩි පොඩි කතා වගයක් මේ වනවිට ගලාගෙන යනවා. ලොකුම කතාව තමයි මේ චිත්‍රපටියේ බලන බලන හැමතැනකම දැන්වීම් තිබීම. ඒ කියන්නේ තනිකරම ඇඩ් ප්‍රදර්ශණය කරන්නම හදපු චිත්‍රපටියක් වගේ. හැබැයි ඉතිං අපේ මයිකල් බේ මහත්තයා මේක ලස්සනට කරලා තියෙනවා. අපිට හිතාගන්න බැරි අවස්ථාවලදී නිර්මාණාත්මක විදිහට ඒ ස්ථානයට ගැලපෙන අයුරින් මෙම දැන්වීම් නිරූපණය කරලා තියෙනවා. ඉතිං පොඩ්ඩක් ඒ ගැන බලමු. හැබැයි ඉතිං කියන්න ඕන දේකුත් තියෙනවා. චිත්‍රපටියේ මුල ඉදං අගට යනකං පිළිවෙලට බ්‍රෑන්ඩ් ප්‍රදර්ශනය කරලා තියෙන විදිහයි මම කියන්නේ. ඉතිං සමහරවිට එකම බ්‍රෑන්ඩ් එක මට කියවෙන්නත් පුලුවන්.

• චිත්‍රපටිය මුලින්ම පටං ගද්දී උතුරු ආක්ටික් වල මිදිල තියෙන හිමතට්ටුවක යකඩ ගොඩක් තියෙනවනේ. ඔව්, ඔව්. ඒකත් රොබෝවෙක් තමයි. ඕක බලන්න ඉතිං ගෑණු කෙනෙක් එනවනේ. ඔන්න ඔය අවස්ථාවේදී, Glacier Bay Mining Company එකේ දැන්වීමක් පලකරලා තියෙනවා. ඒක තියෙන්නේ ඒ යකඩ ගොඩට ලඟින් තියෙන ලොරියේ ටේලරේ සඳහන් කරලා. මේකේදී BAY කියන නාමය හයිලයිග්ට් කරලම තියෙනවා. මේ කොටස විනාඩි තුනක් විතර දැකගන්න පුලුවන්.

• දෙවනි එක තමයි, ෂැවලට් සමාගම. ෂැවලට් කියන්නේ වාහන නිර්මාණය කරන සමාගමක්. බම්බල් බී (කහපාට කාර් එක) එහෙම ෂැවලට් බ්‍රෑන්ඩ් එකෙන් එන වාහනයක්. ඉතින් ඉතා සූක්ෂම විදිහට මේ ෂැවලට් වාහනත් පෙන්වලා දීලා තියෙනවා. මේ ෂැවලට් සමාගමේ ට්‍රක් එකක් හඳුන්වලා දෙන විදිහ.

• තුන්වෙනියට, Indian Motorcycle සමාගමේ ලෝගෝ එකක් පෙන්නනවා. ඒක තියෙන්නේ ෂැවලට් වාහනේ ඇවිත්, ඒක ඇතුලේ ඉන්න කේට් යේගර්ව පෙන්නනවනේ. ඉතිං එතනදී, යේගර් දාගෙන ඉන්න තොප්පියේ තමයි මේ ලෝගෝ එක පෙන්නලා තියෙන්නේ.

• ඊලඟ එක තමයි, මේ ගොල්ලෝ IMAX බ්‍රෑන්ඩ් එකත් විකුණනවා. IMAX කියන්නේ ලෝකේ ලොකුම තිරය තියෙන චිත්‍රපටි ශාලාව. ඉතින් මේගොල්ලොත් මේ Transformers 4 එකට සල්ලි දීලා මෙයාලව ප්‍රසිද්ධ කරවගෙන තියෙනවා. මේක තියෙන්නේ, යේගර් චිත්‍රපටිශාලාවකට යනවනේ ඒකේ තියෙන බඩු කිහිපයක් මිලදී ගන්න. එතකොට ඒ චිත්‍රපටි ශාලාවේ අයිතිකාරයත් කියනවා IMAX චිත්‍රපටි වීඩියෝ කරන කැමරාවක් මේක කියලා, ඒ වගේම සිකුරිටි ගාඩ් කෙනෙක් IMAX චිත්‍රපටිහෝල් එකේ තියෙන විදුලි සෝපානයෙන් එලියට එද්දී, ඒකේ බිත්තියේ ගහල තියෙන ලෝගෝ එක පෙන්නුම් කරනු ලබනවා. හැබැයි ඉතිං IMAX විකුණන්නේ මේ ෆිල්ම් එකේ විතරක් නෙමෙයි. Transformers 2වෙනි ෆිල්ම් එකෙත් අයිමැක්ස් ලෝගෝ එක විකුණනවා.

• පස්වෙනි එක තමයි, ටෙසා යේගර් ගෙදර ඇවිත් එයාගේ ලැප් එක ඔන් කරලා වීඩියෝ කෝල් එකක් ගන්නවනේ. ඒක ගන්නේ ස්කයිප් හරහා. ඉතින් ඒකත් බ්‍රෑන්ඩ් සේල් එකක් විදිහට ගන්න පුලුවන්.

• ඒ වගේම, තැන් කිහිපයකම ඇමරිකානු ධජය පෙන්වනු ලබනවා. ඒක අපේ බේ මහත්තයාගේ සළකුණක් විදිහට පෙන්වනු ලබනවා කියලයි අන්තර්ජාලයෙන්නම් කියන්නේ.

• යේගර්ගේ ඉඩම විකුණන්න ගෑණු කෙනෙක් එනවනේ. ඔව් ඔව්, යේගර් ගහන්න ගිහිං එයාගේ වැටත් එක්කම කඩාගෙන යන ගෑණු කෙනා තමයි. ඉතිං ඒ ගෑනු කෙනා යන කාර් එකත් ෂෙවලට් වාහනයක්.

• අටවෙනියට කියනවනම්, ඔන්න වෙනදා වගේම ලැම්බෝගිනි බ්‍රෑන්ඩ් එකත් ඉතිං විකුණනවා. හැබැයි මෙදා පාර ලස්සනට ලැම්බෝගිනි කාර් එකේ ෂොට් ටිකක් අරගෙන තියෙනවා. මොකද ලැම්බෝගිනි කියන්නේ සුපිරි පැලැන්තියේ ස්පෝට්ර්ට් මොඩල් එකක්නේ.

• නමවෙනියට තියෙනවා ඔන්න, මිනි කූපර් කාර් එකත් මෙයාලා ප්‍රමෝට් කරනවා.

• ඒ වගේම, Royal Purple Synthetic Oil එකත් ඔන්න ප්‍රමෝට් කරලා තියෙනවා මෙදාපාර. මේ රෝදේ වදින විදිහටම, මෙයාලගේ ඇඩ් එකකුත් තියෙනවා. ඒක නිසා කැත නැතිව කියන්න පුලුවන් මේක රෝයල් පර්පල් සින්තටික් ඔයිල් සමාගමේ වැඩක් කියලා.

තවත් කිහිපයක්ම තියෙනවා. කිහිපයක් කියන්නේ තව ඔයාලට පින්තූර වශයෙන් පෙන්නුවොත් පින්තූර තිහකට වැඩියෙන් පෙන්නන්න තියෙනවා. ඉතිං, හෙට අනිද්දම ඊලඟ කොටසත් දෙන්නම්. එතකම්… ජයවේවා!!

චලිදු දේශන් (10 Posts)

චලිදු දේශන්