වැරදුන තැන් V | X Men – Days of Future Past (2014)

ඔන්න පොරොන්දු වෙච්චි විදිහටම මම අද ආවේ X Men – Days of Future Past (2014) සිනමාපටයේ වැරදුනු තැන් අරගෙනයි. මෙය මේ වසරේ  ලොව පුරා තිරගත කිරීම් මගින් ඩොලර් මිලියන 744.04ක ආදායමක් ලබා මේ වන විට දෙවැනි තැන හිමිකරගෙන සිටිනවා. ඒ වගේම X Men සිනමාපට ඉතිහාසයේ දැවැන්තම මෙන්ම සාර්ථකම නිර්මාණය වී අවසන්. බ්‍රයන් සිංගර් කෙතරම් සාර්ථක ලෙස මේ සිනමාපටය ගොඩනැගුවද ඔහු අතින් මෙන්ම තිර රචනයෙන් පවා කැපී පෙනෙන වැරදි සිදුවී තිබෙනවා. එයින් කිහිපයක් කතා මාලාවට දැවැන්ත පරස්පර විරෝධී බවක් පවා ඇති කර තිබෙනවා.

01 Professor X පණපිටින් සිටීම.

මේ කතාව තුල දක්නට ලැබෙන අති දැවැන්තම හාස්‍යජනක කාරණය වන්නේ මහාචාර්යතුමා ජීවතුන් අතර සිටීමයි. සිනමාපට මාලාව නැරඹු අයට මතක ඇති X-Men: The Last Stand හිදී මහාචාර්යතුමා Dark Phoenix හෙවත් Jean Grey අතින් හුමාලය බවට පත්වූ හැටි.[youtube]https://www.youtube.com/watch?v=JnqupBtPZNI[/youtube]

අපිට එම සිනමාපටය අවසානයට දකින්න ලැබුනේ මහාචාර්යතුමා තමන් මියයන්නට පෙර තම විඥානය ඩොක්ටර් මොයිරා හට භාරව තිබූ මනසක් නොමැති සිරුරට යවා තිබූ බවයි.[youtube]https://www.youtube.com/watch?v=LnVoTt35Uw0[/youtube]

මේ නිසා අපට Days of Future Past තුල දැකිය යුත්තේ එම එම මනස සිටින සිරුර මිස පෙර සිටි මහාචාර්යතුමාගේ සිරුර නොවේ. නමුත් මෙලෙස පැරණි මහාචාර්යතුමා ගේ සිරුර දැනුදු පවතින්නේ කෙසේද යන්න කිසිවිටකත් කතාව තුල දක්වා නොමැත.

The Wolverine (2013) අවසන් දර්ශන වලදී මතකද වොල්වෙරින්ට ගුවන් තොටුපලේදී මහාචාර්යතුමා සහ මැග්නිටෝ හමුවූ අවස්ථාවේ වොල්වෙරින් මහචාර්යතුමාගෙන් අසනුයේ “How is this possible” ලෙසයි. මහාචාර්යතුමා මෙයට පිළිතුරු දෙන්නේ “You’re not the only one with gifts” ලෙසයි. මේ නිසා රසිකයන් බලාපොරොත්තු තබාගත්තේ මහාචාර්යතුමා ජිනී හමුවේ බොරු මරණයක් මවාපෙන්වූ බව Days of Future Past හිදී හෙළිදරවු කරනු ඇත කියාය. [youtube]https://www.youtube.com/watch?v=EfC5i0AmAJg[/youtube]

02 වොල්වෙරින් සතුව ඇඩමැන්ටියම් කූරු පැවතීම

මෙවර කතාවේ තවත් වැරදුනු තැනක් වන්නේ වොල්වෙරින් සතුව ඇඩමැන්ටියම් කූරු පැවතීමයි. නමුත් The Wolverine (2013) හිදී ඔහුට Silver Samurai සමඟ කරන ලද සටනේදී ඇඩමැන්ටියම් කූරු අහිමි වූ උනා. මේ නිසා මෙවර සිනමාපටය තුල ඔහුට තිබිය යුත්තේ පෙරකළ තිබූ අස්ථි හයක් මිස ඇඩමැන්ටියම් කූරු හයක් නොවේ. නමුත් මෙවර සිනමාපටයේදී ඔහුට නැවත එම කූරු ලැබුනේ කෙසේද යන්න පැහැදිලි කර නොමැත. රසිකයන් බලාපොරොත්තු තබාගත්තේ මැග්නිටෝ විසින් නැවත වොල්වෙරින්ව අලුත්වැඩියා කරනු ඇත කියාය. නමුත් එම කූරු නැවත පැවතීම ගැන කිසිඳු සටහනක් දක්වා නොමැත.[youtube]https://www.youtube.com/watch?v=GTt904CIn4s[/youtube]

 03 වැරදි ක්‍රීඩාංගනයක්

තරුණ මැග්නිටෝ බේස්බෝල් ක්‍රීඩා පිටියක් ගලවාගෙන යන දර්ශනය මතකද. ආපහු ඒ දර්ශනය බලන්න. ඔහු ගලවාගෙන යන්නේ බේස්බෝල් ක්‍රීඩා පිටියක්. ඒනි නම වෙන්නේ RFK stadium. නමුත් කතාව දිවයන 1373 වසර වන විටත් මෙම ක්‍රීඩා පිටිය බේස්බෝල් සඳහා අනුග්‍රහය නොදුන් ක්‍රීඩා පිටියක්.[youtube]https://www.youtube.com/watch?v=tIxNjKclf64[/youtube]

04 සිදු නොවන පදක්කම් ලැබීමක්

මේජර් විලියම් ස්ට්‍රයිකර් නිල ඇඳුමින් සිටින දර්ශන නැවත බලන්න. එතකොට පෙනේවි ඔහු රිදී තාරකා රිබනයක් සමඟ V ගාන්චුවක් පැළඳ සිටින බව. නමුත් ඇමරිකානු හමුදාවේ කිසිවිටක V ගාන්චුවක් සමඟ රිදී තාරකා රිබනයක් හිමිවන්නේ නැත.

05 නිමවන්නටත් පෙර පවතින ගුවන් යානය

චාර්ල්ස්, එරික්, ලෝගන්, සහ හෑන්ක් Gulfstream II වර්ගයේ ගුවන්  යානයෙන් යන දර්ශනය මතකද. බලන්න ආපහු ඒ ගුවන් යානයේ පිටුපස ගසා තිබෙන අංකය දිහා. ඒක N540EA. හාස්‍යජනක ඩේ තමයි මේ යානය නිපදවන්නේ 1975 වසරේදීය. එනම් 1973 වන විට මෙවැනි යානයක් පැවතුනේ නැත.

06 ට්‍රාස්ක් මියයාම

සෙන්ටිනල් යන්ත්‍ර රජය විසින් නිපදවන්නේ රේවන් විසින් ට්‍රාස්ක් නැමති විද්‍යාඥයා මරා දැමීම නිසයි. නමුත් X-Men: The Last Stand නැරඹු ඔබ දකින්න ඇති ට්‍රාස්ක් රාජ්‍ය ලේකම්වරයෙක් ලෙස ජනපතිට සේවය කරන බව.

 07 බලය පිටකරන තැන් වෙනස් වීම

X-Men: First Class (2011)  හිදී හාවොක් ගේ අන්තරීක්ෂ කිරණ පිටවන්නේ පපුව කේන්ද්‍ර කරගෙනයි.

නමුත් මෙහිදී ඔහුගේ බලය පිටකරන්නේ අතිනුයි

(එමෙන්ම මෙම හාවොක් හෝ සයික්ලොප් ගේ කිරණ වදින වස්තූන් විනාශ වුවත් මිනිස්  හෝ මියුටන්ට් කිසිවෙකුටත් හානි නොවීම මෙම සිනමාපට මාලාවේම දුර්වලතාවයක් ලෙස පෙනේ. අඩුම තරමේ හැඳ සිටින ඇඳුමටවත් හානි නොවුනත් පරිසරයේ වෙනත් වස්තූන් විනාශ වේ)