ඉදිරි දිගහැරුම (LXXIII) | Skull Island (2016) – නැවත වරක් රිදී තිරය ආක්‍රමණය කරන කිංකොන්

2016 වසරේ අති දැවැන්තම සිනමාපටයක් ලෙස තිරගත වීමට Skull Island සිනමාපටය මේ වන විට නිර්මාණය වෙමින් පවතිනවා. 2005 පැමිණි King Kong සිනමාපටය සැමටම මතකයේ රැඳුනු සිනමාපටයක් වූවා. Skull Island එහි නවතම දිගහැරුමයි. එමන්ම මෙය කිංකොන් සිනමාපටයට පෙර සිදුවූ කතාවක් ලෙස නිර්මාණය වේ. එනම් මෙය කිංකොන් ගේ උත්පත්ති කතාවයි (King Kong’s origins).

කිංකොන්හි ඔබ දුටු පරිනාමයේ පහලම තැන තිබෙන හිස්කබල් දූපතේ කතාවයි මේ සිනමාපටයට පාදක වන්නේ. එමෙන්ම කිංකොන් ගේ කතාව මේ හරහා ගොඩනැගෙනු ඇත. බොහෝවිට මෙහිදී කිංකොන්ගේ උපතේ සිට වැඩෙන අතරතුර ජීවිතය රැකගැනීමට කරන අරගලය මෙහි දැක්වෙනු ඇත. වනචාරීන්, ඩයිනෝසරයන් වැන්නවුන් අතර ඔහුගේ ජීවිතය ගලායන ආකාරය මෙහි දැක්වෙනු ඇත.

මෙවර අධ්‍යක්ෂණය පීටර් ජැක්සන් වෙනුවට Jordan Vogt-Roberts හට හිමිව තිබේ. එමෙන්ම මෙවර රචනය Godzilla (2014) රචනා කල Max Borenstein හට ලබා දී ඇත. තවමත් ප්‍රසිද්ධ කර ඇත්තේ ප්‍රධාන චරිතය පමණක් වන අතර එය  Thor හි ලොකී ලෙස රඟපෑ  Tom Hiddleston හට හිමිව ඇත.

Legendary Pictures, Universal Pictures ආයතන නිෂ්පාදනය කරන මෙහි ලොව පුරා බෙදාහැරීම Universal Pictures මගින් සිදුකරනු ලබයි.

තිරගතවන දිනය  – 2016 නොවැම්බර් 04 

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.