Bang Bang! – බෑන්ග් බෑන්ග්

මම මේ විස්තර කියන්න හදන්නේ මේ අවුරුද්දේ ඔක්තෝබර් දෙවැනිදා රිලීස් වෙන්න තියෙන අලුත්ම හින්දි සලරුව ගැනයි. මේ සලරුවේ නම තමයි Bang Bang! මෙය අයත් වෙන්නේ Action|Thriller ගණයටයි. මේ චිත්‍රපටයේ විශේෂත්වයක් වන්නේ අතිශයින්ම සාර්ථකත්වයට හා ප්‍රසිද්ධියට පත්වූ හොලිවුඩයේ Knight and Day නම් චිත්‍රපටයේ නිල හින්දි පිටපත වීමයි. Knight and Day චිත්‍රපටයේ ප්‍රධාන නළුවා හා නිළිය වුණේ ටොම් කෲස් සහ කැමරන් ඩයස්. Bang Bang! චිත්‍රපටයේ ප්‍රධාන චරිත රඟපාන්නේ අපි හැමෝම දන්න රිතික් රෝෂන් එක්ක කත්‍රිනා කායිෆ්.

ගොඩක් දෙනෙක්ට පිටපතක් (කොපියක්) කිව්වම හිතන්නේ වැඩක් නෑ කියලා. ඒත් මටනම් හිතෙන්නේ මේ චිත්‍රපටය ඉතාමත් සාර්ථක වෙයි කියලා. ඒ වගේම Knight and Day චිත්‍රපටයේ අන්තර්ගත නොවුණු අලුත් දර්ශනත් මේ චිත්‍රපටයට ඇතුළත් වෙනවා.

මේකේ තියෙනවා වෝටර් ජෙට් පැක් එකකින් වැඩ දාන දර්ශනයක්. ඒ විදිහේ දෙයක් මේ වෙනකම් කිසි ෆිල්ම් එකකට යොදාගෙන නෑලු. මේ චිත්‍රපටයේ රූගත කිරීම් අතරතුරදී සිදුවුණු අනතුරක් නිසා රිතික්ට මොළේ සැත්කමක් කරලා හිරවෙලා තිබුණු ලේ කැටියක් අයින් කරන්නත් සිදුවුණා. මේ චිත්‍රපටය එන්න තිබුණේ මැයි පළවෙනිදා. ඒ කාශ්මීරයේ රූගත කිරීම් සැළසුම් කාශ්මීරයේ තිබුණු කලබල නිසා කරගන්න බැරි වුණු නිසයි.

Fox Star Studios හි නිෂ්පාදනයක් වන Bang Bang! ඉතා සාර්ථක වූ හින්දි චිත්‍රපට විශාල ගණනක අධ්‍යක්ෂක වුණු සිද්ධාර්ත් ආනන්ද් ගේ අධ්‍යක්ෂනයෙන් යුතු වෙනවා. සල්මන් ඛාන්ගේ Kick හා ෂාරුක් ඛාන්ගේ Happy New Year යන චිත්‍රපටයන්ට හොඳ තරගයක් දීමට මෙයට හැකි වන බව මම හිතනවා.

මේ මම මංසලට ලියන පළවෙනි ලිපිය. කමන්ට් එකක් දාගෙනම යන්න.

විශ්වජිත් හරින්ද්‍රප්‍රිය