ඉදිරි දිගහැරුම (LXXIX) – Furious 7 – මාරක ධාවනයේ හත්වෙනි සම්ප්‍රාප්තිය – (Update) පූර්ව ප්‍රචාරක පටය සිංහල උපසිරසි සමඟ

මුළු ලොව පුරා ජනප්‍රියත්වයට පත්වූ Fast & Furious සිනමා නිර්මාණ පෙලේ 7 වෙනි නිර්මාණය මේ වසරේ තිරගත වීමට තිබුනද පොල් වෝකර් ගේ මරණයත් සමඟ 2015 දක්වා කල් යවනු ලැබුවා. මේ වන විට මෙය තිරගත වන නිල දිනය ඉදිරිපත් කර ඇත. ඒ අනුව මෙය 2015 අප්‍රේල් 03 නිකුත්වනු ඇත.

2001 පැමිණි The Fast And The Furious සිනමා පටයෙන් ආරම්භ වූ මෙය පසුව
2 Fast 2 Furious (2003)
The Fast and the Furious Tokyo Drift (2006)
Fast And Furious (2009)
Fast Five (2011)
Furious 06 (2013) ලෙස සිනමාපට 06ක් දක්වා දීර්ඝ විය.

නමුත් කිසිවෙකුත් නොපැතූ පරිදි දෙවන ප්‍රධාන නළු පෝල් වෝකර් ගේ අභාවයත් සමඟ මෙහි හත්වැනි කොටස වසරකින් කල්දමනු ලැබුවා. මේ වන විට එහි ප්‍රධාන රූගත කිරීම් සිදුකරනු ලබනවා. නමුත් තවමත් Brian O’Conner චරිතය පිළිඹඳ නවතම තොරතුරු සොයාගන්නට නොහැකිය. පෝල්ගේ හිස්තැනට ඔහුගේ සොයුරු කෝඩි වෝකර් සම්බන්ද කරගන්න බව දැක්වුවද ඔහු පිළිබඳව හෝ තොරතුරු දක්වා නොමැත.

මෙම සිනමා නිර්මාණ පෙළට 2006 දී සම්භන්ද වී 2009 සිට එකිනෙක ගැලපෙන පරිදි දැවැන්ත සිනමා නිර්මාණ පෙළක් කල ජස්ටින් ලින් මෙම සිනමාපට පෙලෙන් ඉවත් වීමත් සමඟ එම කාර්ය James Wan හට පවරා දෙනු ලැබුවා. 37වන වියේ පසුවන ඔහු කවුරුත් දන්නා The Conjuring (2013), Insidious (2010), Saw (2004), Insidious Chapter 2 (2013), Annabelle (2014) වැනි නිර්මාණ වල අධ්‍යක්ෂකයි.

ඔහුගේ සාමාන්‍ය ක්ෂේත්‍රයෙන් පිට Fast & Furious කතාව ගල ගියත් ඔහු මෙම අභියෝගය සාර්ථක කරගනු ඇති බවට සැලකේ. බොහෝ දෙන බලා සිටිනුයේ එකිනෙකට සම්බන්ධයක් නැති The Fast And The Furious, 2 Fast 2 Furious, The Fast and the Furious Tokyo Drift සිනමාපට තුන Fast And Furious (2009) සිට වාර තුනකදී එකිනෙක සම්බන්ද කරමින් සාර්ථක දැවැන්ත නිර්මාණයක් බිහි කල ජස්ටින් ලින් පටන් ගත් කාර්ය ජේම්ස් වැන් කෙසේ ජයගනු ඇතිද කියාය.

මෙවර තිරරචනය ක්‍රිස් මෝගන් විසින්ද නිෂ්පාදනය නීල් H. මොරිට්ස් සහ වින් ඩීසෙල් විසින්ද සිදුකරනු ලබනවා. Original Film, One Race Films, Relativity Media, Legendary Pictures නිෂ්පාදන ආයතන ලෙසින්ද, Universal Pictures බෙදාහැරීමේ ආයතනය ලෙසින්ද එක්වෙනවා.

මෙවර තොරතුරු අනුව පෙර පැමිණි සිනමාපට 6ම සම්බන්ද කරමින් කතාව ගොඩනැගී ඇත. විශේෂයෙන්ම පෙර කතාවේ අවසානය සමඟ සැවොම බලාපොරොත්තු වූ ලෙසටම The Fast and the Furious Tokyo Drift සිනමාපටය මෙවර කතාමාලවට සම්බන්ද අකර ඇත.

මේ වන විට ඉදිරිපත් කර ඇති චරිත මෙසේය…
Jason Statham විසින් Ian Shaw ලෙසද
Paul Walker විසින් Brian O’Conner ලෙසද
Dwayne Johnson විසින් Luke Hobbs ලෙසද
Vin Diesel විසින් Dominic Toretto ලෙසද
Ronda Rousey විසින් ???
Michelle Rodriguez විසින් Letty Ortiz ලෙසද
Nathalie Emmanuel විසින් Megan ලෙසද
Kurt Russell විසින් ???
Lucas Black විසින් Sean Boswell ලෙසද
Jordana Brewster විසින් Mia Toretto ලෙසද
Djimon Hounsou විසින් Slim ලෙසද
Tyrese Gibson විසින් Roman Pearce ලෙසද
Tony Jaa විසින් Louie Tran ලෙසද
Shad Moss විසින් Twinkie (තහවුරු කර නොමැත)
Brittney Alger විසින් Jasmine ලෙසද දායක වනු ඇත.

කිසිවෙකුත් නොපැතූ අවසානයක් Furious 06හි සිදුවිය. ලෙටී පණපිටින් හමුවිය. නමුත් සටනේදී ගිසෙල් මියයනු ලැබුවා. අවසානයේදී ඕවන් ෂෝන් ගේ සොයුරු ඉයන් ෂෝන් (Jason Statham) විසින් “හන්” මරාදමනු ලබනවා තම සොයුරාගේ මරණය වෙනුවෙන් කරන පලිගැනීමක ආරම්භක ගොදුර කරමින්. ඒ අනුව මෙවර කතාවේදී ඉයන් ෂෝ විසින් තම සොයුරාගේ මරණය වෙනුවෙන් ඩොමිනික් ටොරෙට්ටෝ ඇතුළු කණ්ඩායමට එරෙහිව “යුද්ධයක්” ගෙනයනු ඇත. මේ අනුව බොහෝ දුරට මෙවර තවත් චරිත කිහිපයක් මරණයෙන් අවසන් වනු ඇති බවට සිතිය හැකිය. විශේෂයෙන්ම බ්‍රයන් ඔ’කෝනර් ගේ චරිතය එහි මුලින්ම සිටිය හැකිය.

එමෙන්ම පලව ඇති නිල නොවන චයාරූපයක ලුක් හොබ්ස් රෝහලක් වැනි තැනක සිටිනු දැකිය හැකිය. 

මේ සියල්ල ගැන ඇති කුතුහලය විසඳා ගැනීමට 2015 අප්‍රේල් 3 වන තුරු සිටිය යුතුය.

Update

මේ වෙනකොට කතාවේ නම වෙනස් කරලා තියෙනවා. දැන් මේකේ නිල නම වෙන්නේ Furious 7.

මෙහි පළමු පූර්ව ප්‍රචාරක පටය මේ වෙනකොට අන්තර්ජාලයට නිකුත් කරලා තියෙනවා.

විශේෂයෙන්ම සැවොම බලාපොරොත්තුවෙන් සිටි බ්‍රයන් ඕ’කෝනර් ගේ චරිතය මෙහි ඇතුලත්ව තියෙනවා. නමුත් එයට පෝල් වෙනුවට රංගනයෙන් දායක වූයේ කව්රුද කියා තවමත් අනාවරණය කර නැහැ.

පූර්ව ප්‍රචාරක පටයට අනුව මෙවර කතාව රටවල් කීපයක් කරාම විහිද අති බව පෙනේ. එමෙන්ම ආසියානු නළු ටෝනී ජා ද එක්ව සිටී.

තිසර නියෝ (416 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.