විකිලීක්ස් චිත්‍රපටියට නළුවෝ තෝරන්න අරගෙන…

ඇමෙරිකානු යුද මෙහෙයුම් වලට සම්බන්ධ හා විවිධ රහසිගත කේබල් පණිවුඩ එළි දක්වපු විකිලීක්ස් අඩවිය ගැන හා එහි නිර්මාතෘ ජූලියන් අසාන්ග් ගැන DreamWorks සමාගම හදන්න යන චිත්‍රපටියේ අසාන්ගේ චරිතයට Jeremy Renner ව යෝජනා වෙලා තිබ්බ බව තමා පසුගියදවස් වල කසු කුසුවක් තිබුණේ. ඒත් ඒ චරිතට Sherlock හා Star Trek Into Darkness චිත්‍රපටයේ දුෂ්ටයා වෙච්ච Benedict Cumberbatch ව තෝරගෙන ඇති බව ආරංචි වෙනවා.

ඊට අමතරව මේ චිත්‍රපටයට පදනම් කර ගන්න එක පොතක් ලියපු අසාන්ගේ කලින් හිටපු සහායකයා වෙච්ච Daniel Domscheit-Berg ගේචරිතය කරන්න James McAvoy මේ දවස් වල කතා බහ කරගෙන යනවා කියලත් ආරංචියි. Daniel Domscheit-Berg කලින් අසාන්ගේ දකුණුඅත වෙලා එකට උන්නු නමුත් පසුව චෝදනා කරමින් ඉවත් වූ බවත් සඳහන්. ඒ වගේම ඔහුගේ පොත තුළින් අසාන්ග් ගේ පසුකාලීන චරිතය බොහෝ ලෙස විවේචනයට බඳුන්වී තිබෙන බවත් ප්‍රසිද්ධයි.

චිත්‍රපටය අධ්‍යක්ෂණය කරන Bill Condon විසින් චිත්‍රපටය සඳහා WikiLeaks: Inside Julian Assange’s War on Secrecy සහ Inside WikiLeaks: My Time with Julian Assange at the World’s Most Dangerous Website යන පොත් දෙක ඇසුරු කර ගනු ලබන් අතර නවක තිර රචකයෙක් වන Josh Singer ගේ තිර රචනය සම්මාන දිනාගැනීමට සමත්වනු ඇතැයි අපේක්ෂා පල වෙනවා.

රොයිලි