Game of Thrones (S5) – කිරුළක සටනට නවතම පිරිසක් එක්වෙයි!

 

ගේම් ඔෆ් ත්‍රෝන්ස් (GoT) කතා මාලාව නොදන්නා කෙනෙකු නොමැති තරම්ය. බයිස්කෝප් අඩවියෙන් මෙතෙක් පැමිණි සියලු අදියරයන්ට සිංහල උපසිරසි ලබාදුන් අතර ඒ මගින් මෙරටද මේ කතා මාලාව වේගයෙන් ජනප්‍රිය විය. මේ ගෙන එන්නේ එහි ලබන වසරේ පැමිණෙන පස්වන අදියරේ නවතම තොරතුරු කිහිපයක්. 

ගේම් ඔෆ් ත්‍රෝන්ස් සෑම අදියරකදීම නව චරිත කතාවට ඇතුළත් කරනු ලැබුවාක් මෙන්ම, ඒවා බොහෝ විට එම වේගයෙන්ම කතා මාලාවෙන් ඉවත් කරනු ලැබුවා මරණයන් මගින්. පස්වන අදියරේද එලෙස නව චරිත කිහිපයක් එකතු කිරීමට මේ වන විට තීරණය කර තිබෙනවා. පසුගිය සිකුරාදා HBO නාලිකාව විසින් පස්වන අදියරේ නවතම චරිත පිළිබඳව දැනුම් දීම සිදු කරනු ලැබුවා. විශේෂත්වය වන්නේ ඔවුන්ගෙන් බොහෝ දෙනෙක් මාර්ටෙල් පවුලේ සාමාජිකයන් වීමයි. (සෑම දෙනාටම මතක ඇතිනේ ඕබ්‍රයන් මාර්ටෙල් හට හතරවන අදියරේ හිමි වූ බිහිසුණු මරණය)

 

Alexander Siddig විසින් ඩොරන් මාර්ටෙල් ලෙස. (ඕබ්‍රයන් කුමාරයාගේ වැඩිමල් සොයුරා)

Toby Sebastian විසින් ට්‍රයිස්ටන් මාර්ටෙල් ලෙස. (ඩෝරන් ගේ පුතා)

Nell Tiger Free විසින් මාර්සෙල්ලා බැරතියන් ලෙස. (සර්සි සහ ජේමි ලැනිස්ටර්ගේ වැඩිමල් දරුවා)

DeObia Oparei විසින් ඒරෝ හෝතාහ් ලෙස. (ඩෝරන් මාර්ටෙල් ගේ මාළිගා ආරක්ෂක කපිතාන්)

Enzo Cilenti විසින් යේ(z)සාන් ලෙස. (හිටපු වහල් වෙළෙන්දෙක්)

Jessica Henwick විසින් නයිමෙරියා සෑන්ඩ් ලෙස. (ඕබ්‍රයන් මාර්ටෙල් ගේ දෙවෙනි වැඩිමහල් අවජාතක දියණිය)

Rosabell Laurenti Sellers විසින් ටයිනි සෑන්ඩ් ලෙස. (ඕබ්‍රයන් ගේ වෙනත් අවජාතක දියණියක්)

Keisa Castle-Hughes විසින් ඔබාරා සෑන්ඩ්. (ඕබ්‍රයන් ගේ වැඩිමහල් දියණිය)

Jonathan Pryce විසින් කිංග්ස් ලෑන්ඩින්හි ආගමික නායකයන්ගේ ඉහළම පූජකවරයා ලෙසින්.

මේ අනුව බලන විට පෙනී යන්නේ මාර්ටෙල් පවුලේ චරිත 5ක් පමණ අලුතින් කතාවට එක්වන නිසා මාර්ටෙල් පවුල විශාල වනු ඇති බවයි. ඒ අනුව ඩෝන් රාජ්‍යය මෙවර වැඩි වශයෙන් ප්‍රධාන කතාවට එක්වනු ඇති. 5 වැන්නෙහි වැඩි ඉඩ කඩක් සහ අවධානයක් ඔවුන් කරා ගොනු වන බවක් අපට යම් තරමකට අනුමාන කළ හැකියි. ඉතින් මෙවර පස්වන කතාවාරය පෙර කතාවාර වලටත් වඩා ආකර්ශනීය වනු ඇති බව පැවසෙනවා. නමුත් මෙවර; කිරුළක හිමිකම උදෙසා ගැටෙන පිරිස, මැදි වන සටන කෙසේ වේදැයි දැන ගැනීමට නම් – 2015 අප්‍රේල් – වන තුරු බලා සිටීමට සිදුවෙනවා.