The Best of Me (2014) – [මේ මගේම කතාවයි…]

ඔයාලට මතක ඇතිනේ නිකොලස් ස්පාක්ස්ව? ඒ වගේම මතකයිද Paul Walker කියන කෙනාව? මං හිතනේ ගොඩක් දෙනෙක්ට ඒ දෙන්නවම මතක ඇති. කොහේ අමතක වෙන්නද නේ. හරි මෙන්න මේ පහල තියන සිනමාපටවලට පාදක වෙච්ච නවකතාවල රචකයා තමයි ස්පාක්ස් කියන්නේ

• Message in a Bottle (1999),
• A Walk to Remember (2002),
• The Notebook (2004),
• Nights in Rodanthe (2008),
• Dear John (2010),
• The Last Song (2010),
• The Lucky One (2012),
• Safe Haven (2013)

ඉතින් එයාගේ තවත් එක නවකතාවක් තමා The Best of Me කියන්නේ, ඒක පාදක කරගනිමින් මේ වසරේ ඔක්තෝම්බර් මස 17වන දින නිකුත් වීමට නියමිත සිනමාපටය ගැනයි අද කියන්නේ. කතාව විදියට කියවෙන්නේ නම් පාසල් යන කාලේදී ඇමෙන්ඩා සහ ඩෝව්සන් අතර ඇතිවන පෙම් සබධතාවයට පවුල් මට්ටම නොගැලපීම හේතුවෙන් එල්ලවෙන බලපෑම් හමුවේ තමන් ආදරය කරන ඇමෙන්ඩාගේ යහපත වෙනුවෙන්, ඩෝව්සන් ඇයව අත්හැරදමන අතර, පසුව වසර විස්සකට පමණ පසු එම දෙදෙනා නැවත මුණගැසුණු විට සිදුවන සිදුවීම් පෙළ අලලා නිපදවන ලද මේ සිනමාපටයේ අධ්‍යක්ෂකවරයා වෙන්නේ Michael Hoffman. The Last Station (2009) සිනමාපටයේ අධක්ෂකවරයා ඔහු තමයි.

ඊළගට මේකේ ප්‍රධාන නිළියගේ චරිතය වන ඇමෙන්ඩා ලෙස දායක වෙන්නේ Source Code (2011) සිනමාපටයට දායක වුන Michelle Monaghan, ඇමෙන්ඩාගේ තරුණ කාලය වෙනුවෙන් දායකත්වය දක්වන්නේ Stuck in Love (2012)සිනමාපටයට දායක වෙච්ච 19හැවිරිදි Liana Liberato විසින්. ඒ වගේම තරුණ ඩෝව්සන්ගේ චරිතයවෙනුවෙන් G.I. Joe: Retaliation (2013) සිනමාපටයේ Cobra Commander චරිතයට දායක වුන Luke Bracey විසින් වන අතර වසර විස්සකට පමණ පසු

ඇමෙන්ඩාට හමුවන ඩෝව්සන්ගේ චරිතයට දායක වන්නේ ඉදිරියේදී අපිට බලාගන්න පුළුවන් වෙන X-Men: Days of Future Past 2014 සිනමාපටයේ මෙන්ම X-Men සිනමාපට වල Scott Summersගේ චරිතයට දායක වෙච්චි James Marsden විසින් තමයි, ඒ වගේම විශේෂයෙන්ම කියන්න තිබ්බ දේ තමා Paul Walkerව තමයි ඩෝව්සන්ගේ චරිතය වෙනුවෙන් තෝරාගෙන ඉදලා තියෙන්නේ, එයා හදිසියේම මියගිය නිසා ඒ චරිතය James Marsden වෙත ලබා දීලා තියෙන්නේ. Paul Walker ජිවතුන් අතර ඉදියනම්, අපිට ඔහුගේ ක්‍රියාදාම රගපාම් වගේම ඔහුගේ රොමෑන්ටික් රංගනයකුත් බලාගන්න තිබුනා. අවාසනාවට ඒ දේ සිද්දවුනේ නැහැනේ 🙁 ඉතින් මේ සිනමාපටයේ හොද පිටපතක් ලබන වසරේ ජනවාරි වල වගේ අන්තර්ජාලයට නිකුත්වෙයි කියලා හිතමු නේ 😀

ශාන් විමුක්ති