ඉදිරි දිගහැරුම (LIV) | The Huntsman – දඩයම්කරුගේ කතාන්දරය…

2012 පැමිණි Snow White and the Huntsman සලරුව සාර්ථක වූ නිසා එහි දෙවැනි කොටස නිපදවීම මේ වන විට යුනිවර්සල් චිත්‍රාගාරය ස්ථීර කර තිබේ. සුරංගනා කතා රජු ලෙස විරුදාවලියට පත් හාන්ස් ඇන්ඩර්සන් ක්‍රිස්ටියන් ගේ සුප්‍රකට Snow White කතාන්දරය මූලික කරගෙන මෙය නිමවුණි. ඒ අනුව හිම කුමරිය ලෙස Kristen Stewart සහ නපුරු රැජින ලෙස Charlize Theron රංගනයෙන් දායක වුණි. එමෙන්ම ඊට අමතරව දෙවන ප්‍රධාන චරිතය ලෙස Chris Hemsworth විසින් දඩයම්කරුගේ චරිතය රඟ දැක්වීය.

මේ සලරුව සාර්ථක වූ නිසා එහි දෙවන කොටස නිමවන බව පැවසුවත් හොලිවුඩ් වාර්තා වලට අනුව එය මෙවර හිම කුමරියගෙන් ඉවත්ව තිබේ. එනම් මෙවර කතාව දඩයම්කරු වටා ගෙතෙන බව හොලිවුඩ් වාර්තා දක්වයි. එනම් මෙය නිල වශෙයෙන් පෙර කතාවේ දෙවන කොටස වුවත් එහි අනුබැඳියක් ලෙස ගෙතෙන බව පැවසේ. දැනට මෙහි නිල නාමය The Huntsman බව දැක්වේ.

Frank Darabont අධ්‍යක්ෂක ලෙස නම් කර ඇති අතර එය තවමත් ස්ථීර කර නැත. මෙහි කතාව රචනයට David Koepp හට භාර දී තිබේ. පෙර සලරුවට දඩයම්කරු ලෙස දායක වූ Chris Hemsworth මෙවරද දඩයම්කරු ලෙසින් රංගනයෙන් දායක වනු ඇත. නමුත් අනෙකුත් චරිත හෝ රංගන ශිල්පීන් ගැන තවමත් දක්වා නොමැත. නමුත් අලුත්ම වාර්තා වලට අනුව මෙවර හිම කුමරිය චරිතය ඉවත් කරන බවට දක්වා තිබේ. මෙවර කතාවට Snow White වැදගත් නොවන නිසා එය කරන බව පැවසේ.

තවමත් ස්ථීර දිනයක් නැතත් 2016 වසරේ මෙය නිකුත් කිරීමට සැලසුම් කර ඇත.

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.