Hercules (2014) – [සීයුස්ගේ පුත්‍රයා…]
අද මම අරගෙන ආවේ ජූලි මාසයේ 25 වෙනිදා නිකුත්වෙන්න තියෙන Hercules(හර්කියුලිස්) සලරුව පිළිබඳව කියවෙන ලිපියකුයි. මේ නමින්ම ජනවාරි මාසයෙත් සලරුවක් නිකුත් වුනා. නමුත් ඒ සලරුව නම් ආදායම් වාර්තා අතින හුගක්ම සාර්ථක වුනේ නෑ. IMDb වල 4.2 වගේ අගයක් තමයි අරගන්න පුලුවන් වෙලා තියෙන්නෙ. නමුත් මේ සලරුව නම් ඊට හාත්පසින්ම වෙනස් මානයකයි ගලායන්නෙ.
අද්භූත සත්වයන්ගෙන් සහ වෙනත් සටන් ජවනිකා වලින් අනූනයි. පූර්ව ප්‍රචාරක පට බැලුවා නම් මේ සලරුව ගැන ඔයාලට හොද අදසහසක් ගන්න පුලුවන් වේවි. මේ සලරුවේ ප්‍රධාන චරිතය වෙන හර්කියුලිස්ගේ චරිතයට පනපොවන්නේ අපි හැමෝම දන්න සුපිරි නළු Dwayne Johnson විසිනුයි. මෙහි Autolycus විදිහට Rufus Sewell ද, Amphiaraus විදිහට Ian McShane ද, Ergenia ලෙස Rebecca Ferguson ද, Megara ලෙසින් Irina Shayk සහ ත් රේස් හි රජු ලෙස John Hurt ද තම රංඟන දායකත්ව මෙම සලරුව සඳහා ලබා දෙනවා. මේකෙ හර්කියුලිස්ගේ බිරිඳ ලෙසින් රංඟනයෙන් දායක වෙන Irina Shayk රංඟනය සඳහා තම දායකත්වය සපයන මුල්ම චිත්‍රපටය වන්නේද මෙයයි. මැය රුසියානු ජාතික නිරූපිකාවකි.
මේ චිත්‍රපටය හරහා හොලිවුඩයට තවත් නවක සුරූපි නිලියක් හඳුන්වා දීමට මේ චිත්‍රපටයේ අධ්‍යක්ෂක වරයා සමත්වී තිබෙනවා. කතාව ගැන වැඩි දුර දෙයක් නම් සටහන් වෙන්නෙ නෑ. නමුත් පූර්ව ප්‍රචාරක පටය නැරඹුවාම ඉතා රසවත් කතාවක් රසවිඳීමට හැකියාව ලැබෙයි කියලා කියන්න පුලුවන්. සලරුව අධ්‍යක්ෂණය කරන්නේ Brett Ratner විසිනුයි. නිෂ්පාදන දායකත්වය Brett Ratner, Barry Levine සහ Beau Flynn විසින් සපයා තිබෙනවා. ඉතින් මේ සලරුව බලන්න නම් ඔයාලට තව මාසයක් පමණ කාලයක් ඉවසාගෙන ඉන්න වෙනවා…. 🙂
නි‍ය‍ම‍යි බ්‍‍ලැක්‍ පැන්‍‍තර්.
දැනුවත් කි‍රී‍ම‍ට ස්තූතියි.
ලි‍පි‍යත්‍ එ‍ල.
දි‍ග‍ට‍ම මේ ආ‍කා‍ර‍ය‍ට දැනුවත් ක‍රන්‍‍න.
🙂
රොක් ඉන්නවනම් නොබලා කොහොමෙයි…
එනකල් මග බලන් ඉන්න ෆිල්ම් එකක් තමා මේකත්… 🙂
ස්තූතියි සහෝ ලිපියට වගේම දැනුවත් කිරීමටත්