X Men ලොව කාඩ් විදින සුපිරි වීරයා Gambit සිනමාවට….?!

X Men : Days of Future Past චිත්‍රපටය තම තුන්වන සති අන්තය ලොවපුරා සිනමා ශාලාවල අති සාර්ථකව තිරගත වීමත් සමගම , බොක්ස් ඔෆිස් වාර්තා බිඳ හෙලමින් – තිරගත වූ මුල් දින නවය තුළ ඩොලර් මිලියන 500 ක් ඉපයීමත් සමගම සුපිරි වීරයන්ගේ චිත්‍රපට සඳහා ලොවේම අවධානය වැඩි වී තිබේ. Twentieth Century Fox සමාගම මේ වනවිටත් X Men : Apocalypse ( 2016 ) ලෙසින් නව චිත්‍රපටයක් නිර්මාණය කිරීමට සූදානම් වෙමින් පවතිනවා. එසේම Wolverine නව චිත්‍රපටයක් සඳහාද සූදානමක් පවතිනවා .

මේ සියලු සුපිරි වීරයින් අතරින් මෙතෙක් වැඩි කතබහකට ලක් නොවූ චරිතයක් වන Gambit සඳහා නව චිත්‍රපටයක් නිර්මාණය කිරීමක් ගැන කසු කුසුවක්ද පවතිනවා .Channing Tatum , Gambit ලෙස යොදා ගැනීමට සූදානමක් පවතිනවා . ඒ වගේම ඔහුගේ 22 Jump Street චිත්‍රපටය ජූනි 13 වෙනිදා සිට තිරගත වීමට නියමිතයි. මෙතෙක් X Men චිත්‍රපට නිෂ්පාදනය කළ Lauren Shuler Donner සාකච්ඡා කර තිබෙනවා Channing Tatum සමග ඔහුව Gambit චිත්‍රපටය සඳහා යොදා ගැනීමටත් ඉන් පසුව සුපිරි වීර කණ්ඩායම සමග එක් කිරීමටත්.

X Men : Apocalypse සඳහා සම්බන්ධ වීමට පෙර Gambit චිත්‍රපටයක් සඳහා තනිව රංගන දායකත්වය ලබා දෙන්නට Channing Tatum බලාපොරොත්තු වෙනවාලු .Gambit ලෙස X Men සඳහා සම්බන්ධ වීමට පෙර ,සොරෙකු වන Remy LeBeau (Gambit ) ගේ අභිරහස් අතීතය ගෙනහැර දැක්වීම සුදුසු බවයි ඔහුගේ අදහස . නිෂ්පාදකයින් Channing Tatum ගේ අදහසට කැමැත්ත ප්‍රකාශ කර තිබුණත් කිසිවක් තවම ස්ථිර ලෙස ප්‍රකාශ කර නැහැ .X Men Origins: Wolverine චිත්‍රපටයේදී තරුණ Remy LeBeau ලෙස Taylor Kitsch විසින් ඉතාම සුළු චරිතයක් සඳහා දායක වූ අයුරු ඔබට මතක ඇති . දම්පැහැ ඇතුළු කබායකින් , සමින් කළ කබායකින් සහ උස් හිස්වැසුමකින් සැරසුණු කාඩ් පත් සමග තම දක්ෂතවය පෙන්වූ X Men කණ්ඩායමට සහය වූ Gambit හඳුන්වාදීම සිදු කළේ එම චිත්‍රපටයෙන් . ඒ වගේම Gambit සොරෙකු ලෙස මෙහි සැරසෙන්නට යන ඇඳුම කුමක්දැයි කියා Marvel රසිකයන් කුතුහලයෙන් සිටිනවා . Channing Tatum ගේ අදහස Gambit සැරසිය යුත්තේ චිත්‍රකතාවේ දැක්වෙන ඇඳුමට වඩා වෙනස් ඇඳුමකින් බවයි. එමඟින් ඔහුව සිනමා ලොවේ හඳුනාගැනීම අපහසු වීමක් සිදු විය හැකි වුවත් Gambit සඳහා නව අනන්‍යතාවයක් ලබාදීමට අදහස් කරන බව Tatum පවසනවා. එහෙත් තවමත් Gambit චිත්‍රපටයක් නිර්මාණය කරන බවට නිල ප්‍රකාශයක් නිකුත් කර නැහැ .

[youtube]http://www.youtube.com/watch?v=GP5HSbh3PF8[/youtube]

ඒවගේම X Men : Apocalypse චිත්‍රපටය නිර්මාණය කර වසර දෙකකට පසු 2018 වසරේදී තවත් X Men චිත්‍රපටයක් නිකුත් කෙරෙන බවද ප්‍රකාශ කර තිබෙනවා.

ඉදිරියේදී Marvel චිත්‍රපට නිකුත්වන දින මෙලෙස දැක්වෙනවා .

Fantastic Four – ජූනි 19 2015

X-Men: Apocalypse – මැයි 27 2016

The Wolverine 3 – මාර්තු 03 2017

Fantastic Four 2 – ජූලි 14 2017

සිනමාවේ තවත් අලුත් තොරතුරු සමග යළිත් හමුවෙමු .

අදිත ප්‍රවීන් (4 Posts)

අදිත ප්‍රවීන්