ඉදිරි දිගහැරුම (XLVIII) | Sin City: A Dame to Kill for – පවිටු නුවර දියණිය
Frank Miller කියන්නේ ග්‍රැෆික් නවල් නැතිනම් චිත්‍ර කතා රචකයෙක්. ඔහු අතින් ලියැවුණ චිත්‍ර කතා හොලිවුඩයේ චිත්‍රපට බවට පත්වෙන එක අමුතු හෝ අලුත් දෙයක් නෙවෙයි. බොහොම ජනප්‍රියත්වයක් ලබපු 300 (2006), 300 : Rise of an Empire (2014) සහ Sin City (2005) ඔහුගේ අතින් බිහිවුණ චිත්‍රකතා ඇසුරින් තිරයට නැගුණු ඒවා. Batman/ Superman(DC) සහ Daredevil/ Spider-Man/ Fantastic Four(Marvel) වගේ චිත්‍රකතා පොත් පවා ඔහු අතින් ලියැවී තියෙනවා.
ඒ වුණත් 300(300 (2006) චිත්‍රපටයට පාදක වූ චිත්‍රකතා පොත), Xerxes(300 : Rise of an Empire (2014) චිත්‍රපටයට පාදක වූ චිත්‍රකතා පොත) සහ Sin City(Sin City (2005) චිත්‍රපටයට පාදක වූ චිත්‍රකතා පොත් පෙළ) කියන Dark Horse Comics වෙනුවෙන් රචනා කළ චිත්‍ර කතා ටිකම ඇති ඔහු ගැන හඳුන්වා දෙන්න. ඒ අතරිනුත් Sin City විශේෂයි. එහි සිනමාපටයට ඔහු තම සම-අධ්‍යක්ෂණ දායකත්වය ලබාදීම තමා ඊට හේතුව.
2005 වසරේ නිකුත් වූ මේ චිත්‍රපටය ගැන කිසිවක්ම කියන්නට අදහසක් නැහැ. හේතුව දැන් එය උපසිරැසි සමගින්ම ඔබට නරඹන්නට හැකි නිසා. -සහ- ඒ ගැන හොඳ; වගේම පැහැදිලි අදහසක් ලබා ගත හැකි විස්තරයක් ඊට අදාල ලිපියෙන් ලබා දී ඇති නිසා. එනිසා දෙවැන්න ගැන පමණක් දැනුවත් කිරීමක් සිදු කරන්නට අදහස් කළා.
දෙවැන්න පළමුවැන්නට නිසැකවම සම්බන්ධයි. මුල් කතාවේ දුටු චරිත යළි මෙවරත් දැකගන්නට ලැබෙනවා. Marv ලෙස Mickey Rourke ද, Nancy ලෙස Jesica Alba ද, John Hartigan ලෙස Bruce Willis ද, යළි සුපුරුදු චරිත මවනවා. ඒ හැරුණු කොට තවත් මුල් චිත්‍රපටයේ චරිත රැසක්ම යළිත් දැකගන්නට ඉඩ ලැබෙනවා. Eva Green, Josh Brolin, Jamie Chung, Joseph Gordon-Levitt ඇතුළු පිරිසක් අලුතින් එකතු වනවා. (ඒ අතරින් සමහර අයගේ රංගනය පෙර චිත්‍රපටයේත් දැක හුරුපුරුදු චරිත කිහිපයක් මවනවා. ඊට හේතුව මුල් රංගන ශිල්පීන්ට ඒ වෙනුවෙන් යළි එක්වීමේ හැකියාවක් නොමැතිවීම තමයි. 2005 සිට 2014 දක්වා ගත වූ වසර 9 තුළ ඇතැම් අය මිය ගිහින්, ඇතැම් අය මව්වරුන් වෙන්නට සූදානම්) ඒ හැරුණුකොට Lady Gaga ද ආරාධිත රංගනයක් සඳහා සිය දායකත්වය ලබා දෙනවා.
Frank Miller ගේ Sin City චිත්‍රකතා පෙළෙහි දෙවැනි පොත මූලික කරගෙන නිපදවෙන මේ චිත්‍රපටයට ඔහු අතින් රචනා වුණ තවත් Sin City පොත් කිහිපයක්ම උපයෝගී කරගැනෙනවා. පෙර පරිදිම අඳුර සහ කළු-සුදු පසුබිම් ඇසුරින් මෙවරත් කතාව ගොඩනැගෙනවා. මේ චිත්‍රපටයේ වගේම මුල් චිත්‍රපටයේත් අඩු ආලෝකයක් යොදාගැනීමෙන් පවුකාර නගරයේ මූසල බව සහ අපරාධ පසුබිම ඉස්මතු කරන්නට උත්සාහ ගන්නවා.
“ගියවර අතවරයට ලක්වන්නට ගොස් පොලිස් නිලධාරියෙකුගේ ජීවිත පූජා කිරීම නිසා ගැළවුණු ඇය, දැන් පරිපූර්ණ ගැහැණියක් බවට හැරිලා. ඇගේ ජීවිතය පුරාම අනුන්ගේ බලපෑම හේතුවෙන් අහිමි වී ගිය දේවල පළිය ගන්නට ඇය දැන් සූදානම්. ඒ වෙනුවෙන් තමන්ගේ කතාව තමන්ම ලියන්නට ඇය සූදානම්. ඒත් එක්කම “The Big Fat Kill” හෙවත් Dwight McCarthy ලෙස මෙවර, Clive Owen සහ Josh Brolin කියන දෙදෙනාම එකතු වන්නේ ඇයි? කියන එක දැනගන්නත්, මේ ජීවිත වල ඉරණම කොයි විදියට විසදේවිද කියන එක දැනගන්නත් කැමති නම් ඉතිං චිත්‍රපටිය බලන්නම වෙනවා…”
පළමුවැන්නට වගේම, මේ වෙනුවෙනුත් Frank Miller සමග සම-අධ්‍යක්ෂණයෙහි නිරත වන්නට Robert Rodriguez එකතුවනවා. මුල් නිර්මාණයේ වගේම කොටස් වශයෙන් කතාව දිගහැරෙනවා. මෙවරත් කොටස් පහකින් යුතුව එකිනෙකට ගැළතුණු සම්පූර්ණ සිද්ධි දාමයක් එක්ක චිත්‍රපටය ගෙත්තම් වෙනු ඇති බව සඳහන් වෙනවා.
ඉතිං දැන් පළමුවැන්නත් සිංහල එක්කම බලන්න ඉඩ ලැබුණ නිසා, දෙවැන්න පිළිගන්න සූදානමින් ඉන්න පුළුවන් වෙයි. මොකද තව ඒ හැටි කාලයක් නැහැ. තිරගතවීම් ඇරඹෙන්නට තිබෙන්නේ, මාස දෙකයි. එනිසා තවත් මාස කිහිපයක් ඇතුළත ටොරන්ට් සිනමාලෝලීන්ටත් මෙය දැකගන්නට ඉඩ කඩ ලැබේවි. ඒ කියන්නේ නිකුත් වූ වහාම අපේ කෙනෙක් උපසිරැසි අරගෙන ඒවි. 😀
තිරයට එන දිනය: 2014 අගෝස්තු 22
මගේ පලමුවෙනි උපසිරසිය විදිහට “Sin City” ෆිල්ම් එකට උපසිරසි යොදද්දි දැන ගෙන හිටියේ නෑ මේකේ දෙවනි ෆිල්ම් එක මේ තරම් ඉක්මනින් තිරගත වෙන බවක්….බොහොම ස්තූතියි දිනය දැනුම් දුන්නට….. 🙂
පවුකාර නගරයේ දියණිය, ජෙසිකා ඇල්බාගේ සුපිරි රංගනයක් නැවත බලන්න ඇගිලි ගනිමින් බලන් ඉන්නවා 🙂
මග බලාගෙන ඉන්නේ මේක එනකල්.
. දෙවෙනි එක එනව කියල අහන එකත් සතුටක්.