Sabotage (2014) – ප්‍රතිවිපාක…

මේ වසරේ එන්න තියන තවත් සුපිරි ක්‍රියාදාම චිත්‍රපටයක් ගැන කියන්නයි මේ සුදානම. මේක 1939 වගේ ඈත කාලයේ ලොව බිහිවුන සුපිරිම ලේඛිකාවක් ලෙස සැලකෙන අගතා ක්‍රිස්ටි ගේ පොතකුත් යම් ප්‍රමාණයකට පාදක කරගෙන තමයි නිර්මාණය කරලා තියෙන්නේ, ඇය අතිශය ප්‍රසිද්ධ අවසාන මොහොත තෙක් කුතුහලය රදවන අභිරහස් අපරාධ ගනයේ කතා ලියන්න… ඉතින් එහෙම දෙයක් එක්ක චිත්‍රපටයක් ආවොත් ඒක නීරස එක්ක වෙන්න බැහැ නෙව.

මේකේ අධ්‍යක්ෂකවරයා වෙන්නේ David Ayer. ඔහු මිට කලින් End of Watch (2012), Street Kings (2008) වගේ චිත්‍රපට අධ්‍යක්ෂණය කරලා තියනවා වගේම ඔහු තමයි Training Day (2001), The Fast and the Furious (2001) වගේ අමතක නොවෙන චිත්‍රපට වෙනුවෙන් පිටපත් සපයුවෙත්. Sabotage හි පිටපත නිර්මාණය කරන්නේ අධ්‍යක්ෂකවරයා හා Skip Woods ඔහුත් එසේ මෙසේ කෙනෙක් නෙමෙයි X-Men Origins: Wolverine (2009), The A-Team (2010) හා Hitman (2007) ඔහුගේ පිටපත්. ඔය නම් ටික බැලුවම හිතාගන්න හැකි නෙව මේ දෙන්නට ක්‍රියාදාම චිත්‍රපට කාණ්ඩයේ තියන පළපුරුද්ද. 

දැන් කියන්නේ තිරයේ පෙනේනේ උදවිය ගැන ප්‍රධාන නළුවා Arnold Schwarzenegger ඔහු තමයි….. ඔහු ගැන කියන්න අවශ්‍ය නැහැ මම හිතන්නේ කොහෙත්ම, ඔහුට අමතරව මෙහි Sam Worthington ( Avatar (2009), Titans චිත්‍රපට ද්විත්ව), Josh Holloway, Joe Manganiello, Mireille Enos වගේ පිරිසක් එක්කාසු වෙනවා. දාවන කාලය වෙන්නේ මිනිත්තු 109ක්. වියදම සටහන් වෙන්නේ ඩොලර් මිලියන 40 හැටියට. 

කතාව වෙන්නේ මෙහෙමයි, ඇමරිකානු DEA (Drug Enforcement Administration) එක, ලංකාවේ මත් ද්‍රව්‍ය නිවාරණ ඒකකය වගේ තමයි මේකත්. මේකේ පිරිසක් බොහොම පරිශ්‍රමයක් දරලා මත් ද්‍රව්‍ය කල්ලියකට අයත් ආරක්‍ෂිත නිවසක් අල්ලා ගන්නවා. ඔතනින් තමයි කතාව DEA නිලධාරීන්ගේ පැත්තෙන් අනික් පැත්තට මාරු වෙන්නේ. ප්‍රතිපලය ඔවුන්ගෙන් එකිනෙකා ඝාතනය වීම…. ඉතින් ඔක්කොම ඝාතය වේවි ද? අවසානය කොහොම එකක් වේවි ද? කවුරු ජයගනී ද? මේ ඔක්කොම බලන්න චිත්‍රපටය එනකම් ඉන්න වෙනවා ඉතින්.

තිරගත වන දිනය : 2014 මාර්තු 28 

සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.