Hercules : The Legend Begins (2014) – [පුරාවෘත්තයක ඇරඹුම..]

ඔන්න එහෙන සෑහෙන්න කාලෙකින් ඉඩක් සලසා ගන්න සිද්ධ උනා මංසල පසුකරන්නට නියමිත වූ මේ පළමු සංදිස්ථානය වෙනුවෙන්. ලිපි 500ක් වගේ කඩඉමක් පහුකරන්න මංසලට හැකිවීම සම්බන්ධයෙන් සුබ පතන්න අවස්ථාවක් කරගනිමින් මම මේ කියන්න යන චිත්‍රපටය ගැන අවධානය යොමු කරමු. අද මේ කියන්න යන්නේ 2014 වසරේ අපට දැක බලාගන්න නියමිත  Hercules : The Legend Begins චිත්‍රපටය ගැනයි.

හර්කියුලීස් ගැන අපේ අයට අමුතුවෙන් කියන්න දෙයක් නැහැනේ. ඒ තරමට මේ අර්ධමනුෂ්‍ය අර්ධදේව පුද්ගලයා අප අතරේ ජනප්‍රියයි. ඒ කෝක නමුත් නොදන්නා අය වෙනුවෙන් කියනවා නම් හර්කියුලිස් යනු සියුස් නමැති ඔලිම්පස් දේව භූමියට අධිපති දෙවියන්ගේ සහ මිනිස් ලොව කාන්තාවකට දාව ලැබුන අර්ධදේව පුත්‍රයෙක්. පර්සි ජැක්සන් කතාව කියවලා හෝ චිත්‍රපට බැලුවා නම් මේ ගැන නොදන්න විදිහක් නැහැ. මොකද අපි හිතන් හිටියට දිවියලෝකේ ඉන්න සුරංගනාවියෝ ලස්සනයි කියලා වැඩේ කියන්නේ ඔලිම්පස් වල දෙවියෝ හැමෝමටම හිතට අල්ලලා තියෙන්නේ මනුස්ස ලෝකේ ගැහැණු. 😉 දෙවියන්ටත් එන ආසාවල්. ඉතින් ඔහොම තමා රෝම ඉතිහාසයේ හර්කියුලිස් කියන පුද්ගලයා ගැන සඳහන් වෙන්නේ. පසුකාලීනව ඔහු ඔලිම්පස් වලට ගොස් එහි පූර්ණ දේවත්වය හිමිකරගෙන දෙවියෙක් බවට පත් උනා කියලත් පුරාවෘත්ත වල සඳහන් වෙනවා. ඉතින් මේ චිත්‍රපටය තුල දිවෙන කතාව මගින් කියවෙන්නේ කෘර පාලනයක් යටතේ ඇති රාජ්‍යයක් සඳහා සාමය සෞභාග්‍ය ස්ථාපිත කරන්න හර්කියුලිස් තවත් කුමාරයෙක් සමඟ එකතු වෙනවා. එත් හර්කියුලිස් මේ කුමාරයා කියන්නේ කවුද කියලා දැනගන්නේ ඒ යුද්ධය අවසානයෙන් පසුවයි. යුධ ජයග්‍රහණයෙන් පසුව මේ කුමාරයා කරන්නේ හර්කියුලිස්ගේ පෙම්වතිය වන ක්‍රීට් වල කුමාරිය ඔහුගේ සොහොයුරාට විවාහ කරන්න යෝජනා කරනවා. ඊට අමතරව හර්කියුලිස්ව මේ රටෙන් පිටුවහල් කරනවා. පසුව තමයි මේ අර්ධ දෙවියා තමන්ගේ ආදරය සහ තමන් උදවු කර හදපු මේ කපටි පාලකයාගේ පාලනයට එරෙහිව සටන ආරම්භ කරන්නේ. ත්‍රාසය භීතිය සහ සටන් ජවනිකාවන්ගෙන් පිරි මේ රෝම පුරාවෘත්තයේ සජිවිකරණය අපට දැක ගන්න ලැබෙන්නේ 2014 වසරේදී.

මේ චිත්‍රපටය අධ්‍යක්ෂණය වෙන්නේ Renny Harlin නැමති අධ්‍යක්ෂක වරයා විසින්. ඔහු ගැන කියනවා නම් රූපවාහිනී කතා මාලාවන් සහ චිත්‍රපට 27පමණ දායකත්වය ලබා දුන් පුද්ගලයෙක්. ඔහුගේ නිර්මාණ ගැන මතක් කලොත් Die Hard 2(1990), Cliffhanger(1993), Deep Blue Sea(1999), 12 Rounds(2009), 5 Days of War(2011) චිත්‍රපට සහ Graceland, Covert Affairs සහ Burn Notice වගේ රූපවාහිනී කතාමලාවන් ඉදිරිපත් කරන්න පුළුවන්.ඒ වගේම මෙහි හර්කියුලිස් චරිතයට පණ පොවන්නේ Kellan Lutz විසින්. නවක නළුවෙක් බයිස්කෝප් සිංහලෙන් අඩවියට ගොඩ වැදුන කෙනෙක් නම් මේ නළුවා අමතක වෙන්න විදිහක් නැහැ මොකද Java Heat (2013) චිත්‍රපටය තුල ප්‍රධාන භූමිකාව රඟ දැක්වුයේ Lutz විසින්.

ඒ වගේම මෙහි හර්කියුලිස් උදවු කරලා අමාරුවේ වැටෙන King Amphitryon චරිතය රඟ දක්වන්නේ දක්ෂ සටන් නළුවෙක් වෙන Scott Adkins විසින්. ඒ වගේම ස්පාටකස් රූපවාහිනී කතා මාලාව නරඹපු දැකලා හුරු පුරුදු කෙනෙකුත් මෙහි රංගනයෙන් දායක වෙනවා. ඔහු තමයි Liam McIntyre එහෙම නැත්තන් ස්පාටකස් චරිතයට පණ පොවපු නළුවා. Liam ස්පාටකස් චරිතයට පසුව රංගනයෙන් එකතු වෙන පළමු අවස්ථාව තමයි මේ චිත්‍රපටය. ඒ වගේම ඔහුගේ චරිතය වන්නේ හර්කියුලිස්ගේ මිත්‍රයෙක් වෙන Sotiris කියන චරිතයයි.

එහෙමනම් ආයෙත් දවසක මේ වගේ  චිත්‍රපටයක් ගැන නවමු තොරතුරක් සමඟ හමුවෙමු. ඔබ සැමටම ජයෙන් ජය ඒ වගේම චිරං ජයතු බයිස්කෝප් මංසල!!!

හසන්ත වික්‍රමරත්න (69 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

හසන්ත වික්‍රමරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.