Maleficent (2014) – [රුදුරු දෙවඟන…]

ඔන්න මේ කියන්න සුදානම් වෙන්නේ 2011 වසරෙන් පසුව Angelina Jolie නම් සුපිරි නිළිය මුලින්ම නැවතත් රිදී තිරයේ දැකගන්න ලැබෙන සලරුව ගැන. ඇය මේ වතාවේ එන්නේ  Walt Disney Pictures හි අලුත්ම චිත්‍රපටය වන Maleficent (2014) හි Maleficentගේ චරිතයත් එක්ක. මේ චිත්‍රපටයේ නිර්මාණය සඳහා ඇමරිකානු ඩොලර් මිලියන 200ක් වගේ විශාල මුදල් වියදම් වෙලා තියනවා කියලා තමයි දැනගන්න ලැබෙන්නේ. චිත්‍රපටයේ වැඩ ආරම්භවෙලා තියෙන්නේ 2012 වසරේ ජුනි මාසේ 18 වනදා.

මේක තමයි Robert Strombergගේ කුළුදුල් සිනමා නිර්මාණය නමුත් ඔහු ලොව සුපතල සිනමාවේ කෝඩුකාරයෙක් නෙමෙයි ඔහු තමයි Alice in Wonderland, Avatar, Oz the Great and Powerful වගේ සුප්‍රසිද්ධ චිත්‍රපටවල කළා අධ්‍යක්ෂකවරයා වුනේ, නිකම්ම නෙමෙයි මේ වැඩ වලට ඔහු ඔස්කා සම්මාන දෙකක් පවා ලබාගෙන තියනවා.මේ කතාව වෝල්ට් ඩිස්නිගේ 1959 සැකිලි රු නිමවුමක් වන  “Sleeping Beauty” හි නැවත නිමවුමක් හා එහි වෙනස් කතාවක් කියලා තමයි දැනගන්න තියෙන්නේ. මේක මෙතෙක් හරියට නොකියවූ ඩිස්නි සැකිලිරු කරලියේ ඉන්න විශේෂම හා අසමානම දුෂ්ට චරිතය වටා තමයි ගොදනගිලා තියෙන්නේ.

Angelina Jolieට අමතරව මෙහි Elle Fanning, Sharlto Copley, Brenton Thwaites, Sam Riley, Jamie Sives හා තවත් විශාල පිරිසක් රංගනයෙන් දායක වෙනවා. මිනිත්තු 135 පුරා දිවයන මේ සලරුව Action, Adventure, Drama යන කාණ්ඩවලට තමයි අයත් වෙන්නේ.

කතාව වෙන්නේ මෙහෙමලු, Maleficent කියන පියකරු, කාරුණික තරුණිය වන රජදහනේ බොහොම  සමාදානයෙන් ජීවත්වෙලා තියනවා. නමුත් දවසක් දා දුෂ්ට හමුදාවක් ඇතිව මේ ඉඩම් බලෙන් ලබාගන්න හදලා තියනවා, ඉතිනේ Maleficentමේ ක්‍රියාවට විරුද්ධව නැගී ඉදලා තියනවා, නමුත් ඇයට අවසානයේ උරුම වෙන්නේ පාවාදීමක්. ඉතින් මේ කාරුණික තරුණියගේ හදවත ගලක් බවටපත් වෙනවා, ඇය පළිගැනීමේ මාවත තෝරාගන්නවා. රජුගෙන් පලිගන්න ඇය තෝරාගන්නේ ඔහුගේ අනුප්‍රාප්තිකයා වන අරෝරා කුමාරිය… ඉතින් මේ ඇති නේද චිත්‍රපටය ආවහම සම්පුර්ණ කතාව බලාගන්න හැකි වේවි නේ.

නිකුත්වන දිනය : 2014 මැයි 30

සමීර කරුණාරත්න (84 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.