The Spy Who Loved Me (1977) | ජේම්ස් බොන්ඩ් හා දියයට ජනපදය….

අද මේ කියන්න යන්නේ බයිස්කෝප් අඩවියේ 001 ඔබ වෙත ගෙන එන්න නියමිත 10 වන 007 චිත්‍රපටිය පිලිබදවයි. නමුත් මුලින්ම කියන්න ඕනේ මේ සතියේ උදා සහෝ නැති නිසා ඒ වගේබොහොම විස්තර තියන හරවත් ලිපියක් නම් දෙන්න බැරි වීම ගැන කනගාටු වෙනවා. හැරෙමු චිත්‍රපටියේ විශේෂතා වෙත: මේ චිත්‍රපටිය පාදක වෙන්නේ ඉයන් ෆ්ලෙමින් රචිත The Spy Who Loved Me ග්‍රන්ථය, නමුත් කාරණය තමයි පොතේ නම පමණයි අරගෙන තියෙන්නේ, පොතේ කතා ස්වරුපයේ පවතින කිසිම මුලිකාංගයක් යොදාගෙන නැහැ කියල තමයි වාර්තා වෙන්නේ. කොහොම නමුත් මෙවරත් ඇමරිකානු ඩොලර් මිලියන 14 වගේ මුදලක් වියදම් කරලා ඩොලර් මිලියන 184 වගේ අතිශය ඉහල අදායමක් උපයා ගන්න මෙවරත් 007 සමත් වෙලා තියනවා. 

මෙවරත් Roger Moore තමයි ජේම්ස් බොන්ඩ් ලෙස එකතු වෙන්නේ. නමුත් නළුවාගේ ප්‍රශ්නය එහෙම විසදුනා වුනත් මේ සලරුව නිමවුණේ තිරයෙන් පිටුපස බොන්ඩ් බොහොම අමාරු කාලයක් ගෙවනා සමයක. මුලින් 1975  Harry Saltzman තමන් සතු බොන්ඩ් සන්නමේ සම අයිතිය විකුණා දැමීම. අනික තමයි මේ කාලේ බොහොම අමාරු වැඩක් වෙලා තියනවා බොන්ඩ් සඳහා අධ්‍යක්ෂකවරයෙක් සොයාගැනීම. මේ වතාවේ Steven Spielberg වෙත තමයි නිෂ්පාදකයන් ගිහින් තියෙන්නේ. නමුත් ඔහු මේ සමයේ Jaws පසු නිෂ්පාදන කටයුතුවල නිරත වුන සමය, ඉතින් ඔහු ඒ චිත්‍රපටය කොහොම වේවිද බලන්න 007 අමතක කරලා තියනවා. නමුත් මේ සලරුවෙත් JAWS ඉන්නා බව මතක තියාගන්න මම ඒ ගැන නම් කියන්නේ නැහැ ඔහු දකින්න ලැබේවි ඔබට. ඊළගට පහුගිය වතාවේ අධ්‍යක්ෂක වරයා වුන Guy Hamilton තමයි මුලසුන ගන්නේ. නමුත් 1978 තිරගතවුන Superman චිත්‍රපටයේ අධ්‍යක්ෂක දුරය ලැබීමත් එක්ක ඔහු 007 අතහැර යනවා (නමුත් අවසානයේ ඔහුගෙන් Superman ව්‍යාපෘතිය Richard Donner ලබාගන්නවා.). කොහොම කොහොම හරි අන්තිමට නිෂ්පාදකයන්  Lewis Gilber වෙත හැරෙනවා ඔහු තමයි මිට කලින් You Only Live Twiceහි අධ්‍යක්ෂකවරයා වුනෙත්. අවසානයේ ඔහු නම් මේ සලරුව මග දමා යන්නේ නැහැ.

පිටපත තමයි ඊලග අමාරුම වැඩේ වෙලා තියෙන්නේ, මේ පිටපත බොහොම පිරිසක් අතින් අතර ගිහින් එක එක වෙනස් කම් වුන පිටපතක්.  Stirling Silliphant, John Landis, Ronald Hardy, Anthony Burgess, හා Derek Marlowe යන පිරිස පිටපතේ වැඩ කරලා තියනවා. පිටපත එක්ක යනකොට ඇති වෙලා තියන අනික් බාධාව තමයි SPECTRE සංවිධානය. අමතක නැතුව ඇති මුල් කතාවල අපි දැක්ක ලෝක ව්‍යාප්ත ත්‍රස්ත සංවිධානය, ඒ සංවිධානයේ අයිතිය නීතිමය වැඩ කටයුතු ගොඩක් එක්ක සංකීර්ණ වෙලා බොහොම විකාරයක් වෙලා තිබ්බ කාලයක් මේක. නමුත් මුල් පිටපත් අවසාන වෙන්නේ 007 ටත් SPECTRE සංවිධානය වදයක් වෙලා. ඉතින් මෙවර සතුරා වෙන්නේ Karl Stromberg . Karl Stromberg ලේඅස මෙවර එකතු වෙන්නේ Curd Jürgens.

මෙවර බොන්ඩ් සුරුපිනිය බවටපත් වෙන්නේ Barbara Bach වැඩේ කියන්නේ ඇය රුසියානු KGB ඒජන්තවරියක්, නමුත් ඉතින් මේ ඇමරිකා රුසියා සිතල යුද්ධයත් නිම වෙලා තියන එකේ ලෝකේ බේරගන්න, වතුර යට අලුතෙන් ජිවත් වෙන්නේ කැමති නැනි නිසා වෙන්න ඕනේ බොන්ඩ් ඇයත් එක්ක එකතු වෙලා තමයි මේ වතාවේ ලෝකේ බේරාගන්න සුදානම් වෙන්නේ. මෙවර රූපගත කිරීම් සිදුකරලා තියෙන්නේ ඊජිප්තුවේ, ඉතාලියේ කියන රට වල, නමුත් ඒ ගොඩබිම වැඩ විතරයි වතුර යට රූපගත කිරීම් කරලා තියෙන්නේ බහමාස් වල ඒ වගේම බොන්ඩ් Pinewood හි චිත්‍රාගාරයත් මෙවර කරලියට එනවා බොන්ඩ් නිමවෙන්න. Pinewood චිත්‍රාගාරය දැනටත් ලෝකේ තියන විශාලතම චිත්‍රාගාර වලින් එකක්. ඉතින් මේ තමයි එහි කුළුදුල් බොන්ඩ් රූපගත කිරීම් වුන චිත්‍රපටය.

මේ වතාවේ ගැජට් තියනවා කිහිපයක්ම,  එකක් තමයි KGB music box රේඩියෝව, එකෙන් තමයි XXX නියෝජිත වරිය මොස්කව් හා සම්බන්ධ වෙන්නේ.

ඉතින් එයා එහෙන් සම්බන්ධ වෙනකොට මෙහෙන් බොන්ඩ් MI-6 හා සම්බන්ධ වෙන්නේ ඔහුගේ ඔරලෝසුවෙන්,  ලේසි නැහැ මේකේ පණිවුඩය මුද්‍රණය වෙලාම එනවා පටියක.

තව බොහොම කදිම තුවක්කුවක් බලාගන්න ලැබේවි අද ඔබ හැමටම. Microfilm viewer එහෙමත් තියනවා මේකෙන් වෙන වැඩෙත් දකින්න ඉතිරි කරනවා මම. දුම්බීම ශරීරයට අහිත කරයි නමුත් නින්ද යන්න දුමක් පිටකරන සිගරට් කොහොමද දන්නේ නැහැ නේ.. ඒකත් අද දකින්න ලැබේවි… තව ඔය ඊජිප්තුවේ Q කාර්යාලයේ තියනවා මාරු බඩු ටිකක්. දකින්න ලැබේවි, Q ගේ බඩු වගේම කාර්යාලයත් තියෙන්නේ මරුම තැනක…

සතුරා වෙත හැරෙනවා නම් Strombergට තියනවා මාරු තිප්පොළක්. ඒ තමයි අට්ලන්ටිස්ට්. මේක තියෙන්නේ මුහුදේ…එහෙනම් ඔය ඇති මම හිතන්නේ… මුලින් කිව්වා මගේ මම මේ වැඩේට උදා තරම්ම දක්ෂ නැහැ නෙව, ලබන සතියේ එයා අල්ලා ගන්න එහෙනම් ඔන්න.

මගේ දෙවියනේ තව පොඩ්ඩෙන් බොන්ඩ් මේ සලරුවේ යොදාගන්නා සුපිරි මෝටර් රථය අමතක වෙනවා, ඒ තමයි The Lotus Esprit රථයක්, මේකේ විශේෂත්වය වෙන්නේ මේ කාර් එකට ගොඩබිම වගේම වතුර යටත් ගමන් කරන්න තියන හැකියාව…. ඔය ඔක්කොම එක්ක සිංහල උපසිරසිත් තියන නිසා සලරුව රසවිදින්න කියලා ආරාධනා කරනවා.