Agents of SHIELD | අද නැත….

ඔන්න එහෙනම් මම ගිය සුමානේ කියපු විදියටම අද ඒජන්ට් ඔෆ් ශිල්ඩ් එන්නේ නැහැ. මගෙනම් සන්තෝසේ ඉහ වහා ගියාට අපේ ශිල්ඩ් රසිකයෝනම් බොහොම කනගාටු වෙනවා ඇති, එත් බය වෙන්න දෙයක් නැහැ. ආයේ ලබන සුමානේ එයාලා එනවා. ලබන සුමානේ කිවුවට ලබන සුමානෙමත් නෙමේ නොවැම්බර් 5වෙනිදා තමයි එයාලා ආයේ රුපවාහිනියට එන්නේ. එයාලා කියන්නේ නම් එයාල පොඩි බ්‍රේක් එකක් ගත්තා අපි ආයේ එනවා කියලා. මම නම් කියන්නේ අනේ ඔහේ කමක් නැ අයියෝ කැමතිනම් ලබන මාසේ වෙනකම්ම උනත් බ්‍රේක් එකක් ගමු කියලයි. එහෙම හොද නැද්ද මම අහන්නේ ? 😉 නැහැ නේ එහෙම හොද නෑ පස් වෙනිදටම එන්න හොදේ ආයේ..

එතකන් ඔන්න ඔයාලට අද අරන් ආවේ පස් වෙනිදාට වෙන්නේ මොනාද කියල බලාගන්න අහක් වෙන වීඩියෝ කෑල්ල අරන්, ඊලග කෑල්ලේ නම තමයි “FZZT” මට නම් නමේ මෙලෝ අටමගලක් තිරෙන්නේ නැහැ. බලනකම්ම ඉන්න වෙනවා. ඒ අතරින්ම මම පහුගිය දොහේ වෙච්චි දෙ ගැන දරන අදහස් ටිකක් කියල යන්නම්කො. මෙච්චාර කල් ඕනවට එපාවට වැනි වැනි ගිය කතාව යම්කිසි ස්ථාවරත්වයකට පත්වේගෙන එන ආකාරයක් පෙන්නුම් කරනවා. ඒ වගේම එයාලා මාවල් විශ්වයේ ඉන්න චරිත ටිකෙන් ටික එලියට අරගන්න පාටක් තමයි පෙන්න තියෙන්නේ. මම දන්නා හැටියට ගිය සුමානේ ආපු අපේ දවා හළුකරන්නා එහෙම මාවල් විශ්වයේ ඉන්න චරිතයක්. මෙහෙම ගිහින් මාවල් විශ්වයේ අවෙන්ජර්ස් කණ්ඩායමේ කෙනෙක් එහෙම රුපවාහිනියට එයිද කියන්නත් බැහැ ඉතින්. එත් මම නම් හිතන්නේ නැහැ රිදී තිරයේ දැවැන්ත චරිතයක් රුපවාහිනියට ගෙන්න ලේසි වෙයි කියලා. මොකද අපේ රටේ වගේ නෙමෙයිනේ එයාලගේ රටේ පුංචි තිරයට එන්නේ නැහැනේ රිදී තිරයේ ලොකු ලොකු ආයෝ ආවත් abc නාලිකාවට බරපැන දරන්න පුළුවන් වෙයිද කියලත් සැකයි ඉතින් මේ යන විදියට.

මෙයාලගේ ප්‍රේක්ෂක ප්‍රතිචාර ගැන බැලුවොත් එහෙම පළමු කතාන්ගයට මිලියන 12.12 ක්. දෙවැන්නට 8.66ක්. තෙවැන්නට 7.87ක්. සිවුවැන්නට 7.85ක්. පස්වැන්නට 7.39 ක් යන ආකාරයෙන් රුපවාහිනී ප්‍රේක්ෂකයින් පිරිස ගිලිහි යන ආකාරයක් පෙන්නුම් කරනවා. එයාලට මේක ගැටළුවක් වේගෙන එන පාටක් තමා පෙන්නුම් කරන්නේ. ඉතින් ඒ නිසා එයාලා අඩියක් පිටුපසට ගෙන ආරක්ෂිත උපක්‍රමයක් පාවිච්චි කරමින් තම විකට්ටුව ආරක්ෂා කරගැනීමේ ප්‍රයත්නයක සිටින බවක් තමයි පෙනෙන්න තියෙන්නේ. ඉතින් අපි බලමු පස්වෙනිදට මෙයාලා පස් වෙයිද ගොඩ එයිද කියල නේ 😉