Captain America The Winter Soldier (2014) – ඇමෙරිකානු සුපිරි සොල්දාදුවා නැවතත් සටනට…

Marvel කොමික් රසිකයන්ට 2013 වගේම ඉදිරි වසරත් කාර්යබහුල වර්ෂයක් බවට පත් කිරීමට Marvel මව් සමාගම කටයුතු සුදානම් කරලා.ඒ Guardians of the Galaxy ,Captain America 2 වැනි සුපිරි නිර්මාණයන් රැසක් පෙළ ගැස්විමෙනුයි.ඒ අතරින් 2014 මුල් කාර්තුවේ තිරගත වීම් අරඹන Captain America හි දෙවන සිනමා ආගමනය බොහෝ රසිකයන්ගේ කතා බහට ලක් වී තිබෙනවා.Anthony Russo and Joe Russo සහෝදරයන් ගේ අධ්‍යක්ෂණයෙන් හැඩ ගැන්වෙන මෙය ‘Captain America: The Winter Soldier’ නමින් 2014 වසරේ අප්‍රේල් මස 4 වන දින ලොව පුරා තිරගත කිරීමට සැලසුම් සකස් කර තිබෙනවා.The Avengers හි සිදුවුණු New York හි මහා ව්‍යසනකාරී සටනින් පසු Steve Rogers[ Chris Evans] aka Captain America ඇමෙරිකාවේ Washington, D.C අධි ආරක්ෂක කලාපයේ නිහඩව නවීන ලෝකයට අනුගතව ජිවත්වීමට උත්සහ කරනවා.

(Captain America යනු World War II අවදියේදී ඇමෙරිකානු හමුදාවේ සිටි සුපිරි සොල්දාදුවන් සැදීමේ වැඩසටහන මගින් නිර්මාණය කරන ලද ප්‍රථම සුපිරි සොල්දාදුවාය.එහිදී Hydra නමැති හමුදාව සමගින් ඇතිවූ සටනකදී ඔහුගේ යානය ඇන්ටාක්ටිකාවට කඩා වැටීම නිසා ඔහු වසර 70ක් පමණ එහි අයිස් තුල සිරවී සිටියේය.Captain America පළමු සිනමා නිර්මාණය නරඹන්න) නමුත් Steve Rogers හට නවීන ලෝකයේ කවුරු විශ්වාස කරම්දෝ දැඩි ප්‍රශ්නයකට මුහුණපානවා.මෙයින් ඔහුගේ ජීවිතය දැඩි අනතුරකට ලක්වෙනවා.මෙය තවත් උග්‍ර වන්නේ නවීන ලෝකයේ දේශපාලන හස්තය ඔහුගේ ජීවිතයට අත පෙවීමත් සමගින්.
ඒ අතර S.H.I.E.L.D ආරක්ෂකයන් අදිසි හස්තයකගේ ප්‍රහාරයනට මුහුණපානවා.මේ අතර Steve Rogers ව එරෙහිව කුමන්ත්‍රණයක් ක්‍රියාත්මක වෙනවා එහි අවසාන අරමුණ වන්නේ ඔහුව ලොව සාමයට තර්ජනයක් ලෙස හුවාදැක්වීමට. S.H.I.E.L.D.අධ්‍යක්ෂක Nick Fury (Samuel L. Jackson) මේ නිසාම Steve ගෙන් ප්‍රශ්න කර සිටිනවා ඔහු අතීතයේ ක්‍රියාකාරී සාමාජිකයෙකු වූ රහස් සංවිධානයක් පිළිබඳව.මේ අතර ලොව බිහිසුණු සාහසිකයන් රැසක් වරින් වර උත්සහ කරනවා Captain America ව ඝාතනය කිරීමට.නමුත් කවුරුන් මේ සදහා සාහසිකයන් යොදවනවාද යන්න සොයා ගැනීමට නොහැකි වෙනවා.

මේ නිසා Black Widow (Scarlett Johansson) සහ එකතුව සොයද්දී ඔවුන්ට අනාවරණය කර ගැනීමට හැකිවෙනවා බුද්ධිසේදීමකට(brainwashed) ලක්වූ Bucky Barnes (Sebastian Stan) aka The Winter Soldier ව.සුපිරි සොල්දාදුවෙක් වන Winter Soldier සමග සටනේදී Black Widow,Cap සහයට නවතම සුපිරි වීරයෙකු වූ Falcon (Anthony Mackie) පැමිණෙනවා.

**** Falcon ගේ Armor 1 ක නිපදවන්නේ Tony Stark [Iron Man] විසිනි.සුපිරි ආයුද වලින් සමන්විත එය පියාසර කිරීමේ හැකියාවෙන් සමන්විත වේ.(Marvel කොමික් වලට අනුව)************************************

සියල්ලම නොසිතු ලෙස S.H.I.E.L.D ආරක්ෂකයන් පිරිසක් ද Falcon ,Cap ඇතුළු පිරිසට පහර දෙනවා. ඊයේ නිකුත්කරන ලද මෙහි පළමු Trailer හි සුපිරි සටන් ජවනිකා වලින් යුක්තයි.එසේම නවීනතම තාක්‍ෂණයෙන් සමන්විතව ඔබ වෙත ගෙන ඒමට marvel චිත්‍රාගාරය දැඩි පිරිවැයක් ද මේ නිර්මාණය සදහා වැය කොට තිබෙනවා.පළමු Captain America වඩා හාත්පසින්ම වෙනස් කතාමලාවක් ඔස්සේ දිවයන මේ නිර්මාණය පළමු කොටස වඩා 100% ක්ම සාර්ථකව වනු ඇතැයි Trailer කොමික් රසිකයන්ගේ හා විචාරකයන් ගේ විශ්වාසය වී තිබෙන්නේ.

Sameerabuwa

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.