Ghost Recon සලරුවක් ලෙස රිදී තිරයට….

Ghost Recon ක්‍රීඩාකර තියනවා ද? බොහොම දෙනෙක් ඔව් කියාවි, ඒකට හේතු ගොඩක් තියනවා… එකක් තමයි මෙම පරිගණක ක්‍රීඩාව අපි අතට පත්වුණා කාලය, අදක ඊයෙක නෙමෙයි ඒ 2001 නොවැම්බර් 13 වනදා, පුරා වසර 12 කට අධික කාලයක් වේගයෙන් වෙනස් වන පරිගණක ක්‍රීඩා ක්ශේත්‍රයේ රැදී ඉන්න බැහැ විශිෂ්ට ක්‍රීඩාවක් නොවන්න. මුල්ම Ghost Recon ක්‍රීඩාවෙන් පසුව Ghost Recon: Desert Siege,  Ghost Recon: Island Thunder, Ghost Recon: Jungle Storm, Ghost Recon 2, Ghost Recon 2: Summit Strike, Ghost Recon: Advanced Warfighter, Ghost Recon: Advanced Warfighter 2, Ghost Recon Predator, Ghost Recon: Shadow Wars, ආදී වශයෙන් මෙතෙක් විවිධ මාදිලියේ උපාංග සඳහා වීඩියෝ ක්‍රීඩා නිකුත් කොට තිබෙනවා.

ඔවුන්ගේ අලුත්ම පරිගණක ක්‍රීඩාව වෙන්නේ Ghost Recon Future Soldier….ඒක 2012 තමයි වෙළෙදපොළට නිකුත් වුනේ. ඔය විතරක් නෙමෙයි David Michaels   නම් ලේඛකයා අතින් Ghost Recon පදනම් කරගෙන නවකතාවක් පවා ලියවුනා. මේ ඔක්කොම හොද ආරංචි එක්ක මේ ඔක්තෝබර් 01 වනදා Tom Clancy මිය ගියා.. කවුද මේ Tom Clancy…? ඔහු තමයි Ghost Recon නිර්මාපකයා… මේ පරිගණක ක්‍රීඩාවත් අයත් වෙන්නේ Ubisoft ආයතනයටමයි. නමුත් මේ සුදානම් ඔහුගේ මරණයේ දුක බෙදාගන්න නෙමෙයි, Assassin’s Creed ලගට එන්න තියන Ubisoft Motion Pictures ගෙන එන ඔවුන්ගේ Ghost Recon චිත්‍රපටය ගැන කියන්න.

මේ චිත්‍රපටය අපි වෙත ගෙන එන කතාව නම් ගොඩක් පරණ එකක්, ගොඩක් පරිගණක ක්‍රීඩා ආශ්‍රිත චිත්‍රපට වගේ බොහොම කාලෙක ඉදලා පිඹුරුපත් වලට සිමාවුන දෙයක්. නමුත් UMP එකෙන් Assassin’s Creed රිදී තිරයට ගෙන එන වේගය වැඩි කළා හා සමානවම ඔන්න Ghost Recon වෙතත් අවධානය යොමු කරලා, මුලිකම දේ වෙන හොඳ පිටපතක් සාදා ගැනීමේ කාර්යය ඔන්න ඔවුන් විසින් Stephen Scaia හා Matthew Federman යන දෙපලට බාර කරලා තියන බවයි නිවේදනය කරලා තියෙන්නේ. මොවුන් දෙන්න බොහොම එකට වැඩ කරලා පුරුදු උදවිය Human Target, Charlie’s Angels, Warehouse 13, Jericho වගේ සුප්‍ර සිද්ධ ටෙලි කතා මාලා අධ්‍යක්ෂණය හා පිටපත් නිර්මාණය සිදු වෙලා තියෙන්නේ මොවුන් දෙදෙනාගේ එකතුවෙන්.

මේ වෙනකොටත් මොවුන් දෙදෙනා  Y: The Last Man හි පිටපත නිර්මාණයේ යෙදී සිටිනවා, බලමු මොවුන් දෙදෙනා Ghost Recon කෙසේ රිදී තිරයේ මවාවිද කියලා. UMP අනුව Assassin’s Creed 2015 වසර මැද අපිට දැකගන්න ලැබුනහොත් Ghost Recon 2015 වසර අග හෝ 2016 වගේ වසර වලදී දැකගන්න ලැබේවි, ඉවසගෙන ඉමු කොමික් කතා සිනමාව ආක්‍රමණය කර ජයගත්තා වගේ පරිගණක ක්‍රීඩා සිනමාවේ රජ කරනතුරු….

සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.