මිසයිල ප්‍රහාරයක්…

මුහුදු මට්ටමින් අඩි 500ක් ගැඹුරෙහි මෙහෙයුමෙහි නිරත කොලරාඩෝ කිමිදිකයට(Submaerine) රජයෙන් අණ ලැබෙන්නේ පකිස්ථානයට මහාද්වීපික මිසයිල ප්‍රහාරයක් එල්ල කරන්ඩයි. අණ දෙන නිලධාරියාට මේ නියෝගය සනාථ කරගන්ඩ අවශ්‍ය වෙනවා මේ පහර දීම සිදු කරන්ඩ කලියෙන්. මේ නිසා වහාම සේවයෙන් පහ කෙරෙන ඔහුගේ තැන ගන්නා දෙවැන්නාටත් මුහුණ දෙන්නට සිදු වන්නේ ඒ උභ‍තෝකෝටිකයටමයි.

ලැබූ අණ එකවර ඉ‍ටු නොකර, එය සනාථ කර ගැනීම තම රාජකාරි පිළිවෙත වන නිසාවෙන් ඔහුත් එම ඉල්ලීමම සිදු කළහම, ප්‍රතිචාර ලැබෙන්නේ වෙඩි උණ්ඩ සහ ප්‍රහාර වලින්. හානි වෙච්ච කිමිදිකයෙන් පැනගෙන පණ බේරාගන්ඩ ක්‍රමයක් හොයාගන්ඩ විතරක් නෙමෙයි, හැංගිලා ඉන්ඩ තැනකුත් හොයාගන්ඩ වෙලා. හේතුව තමන්ගේම රටේ රජය ඔවුනට එරෙහිව අවි එසවීම.

අසල තිබෙන දූපතකට කොලරාඩෝ කිමිදිකයේ නාවික භටයන් සියළු දෙනා ගොඩබහින්නේ එය තමන්ගේ එකම පිළිසරණ වන්නට යන බව දැනගෙන. නාවික SEAL කණ්ඩායමක් විදිහට තමන්ගේ නව ජීවිතය මෙහි අරඹන්නටයි ඔවුන්ගේ අභිලාෂය. ඔබටත් අවශ්‍යනම් ඔවුන්ගේ ඒ අත්දැකීම විඳ ගන්නට, ඒකට තියෙන්නෙ එකම එක ක්‍රමයයි. ඒ The Last Resort (2012) ටෙලි කතා මාලාව විතරයි.

උදා