Carrie (2013) – [සරදමක් ගිය දුර….]

මේ වසර තුල තිරගත වූ Evil Dead (2013) , Purge (2013), The Conjuring (2013) වැනි Horror චිත්‍රපට පසුගිය වසර වලට සාපේක්ෂව සුපිරි සාර්ථකවයක් ලගාකර කර ගැනීමට සමත්විය. Horror ගණයට අයත් මෙයද Halloween මාසය තුල ප්‍රේක්ෂකයන් හට පිදෙන අගනා තිළිණයකි.ලොව සිටින විශිෂ්ටම නවකථාකරු වන Stephen King අතින් රචිත අතිශයින් ජනප්‍රියම වූ ‘Carrie’ නවකථාව පදනම්ව නිර්මාණය කරන ලද Carrie (2013) සිනමා සිත්තම ඔක්තෝබර් 18 වැනිදා ලොව පුරා තිරගතවීම් ආරම්භ කරයි.මෙම සිනමා කෘතිය සදහා අධ්‍යක්ෂණයෙන් දායක වන්නේ Kimberly Peirce (Boys Don’t Cry, Stop-Loss) සහ නිර්මාණාත්මක දායකත්වය Kevin Misher (Public Enemies) , J. Miles Dale (The Vow) ගෙනි.

මෙහි කතාව ගොඩනැගී ඇත්තේ පාසල් ශිෂ්‍යාවක වන Carrie (Chloë Grace Moretz) අත්වන බිහිසුණු ඉරණමක් වටාය.ඇගේ මව Margaret White (Moore) දැඩි ආගමික භක්තිමත් ගතානුගතික කාන්තාවන් වූ හෙයින් එයින් Carrie ගේ ජිවිතය දැඩි ලෙස පීඩාවට පත්වේ.එසේම දැඩි ආගමික බව නිසාම ඇයට දැඩි අදුරු මානසික බලයන් ද උපතින්ම උරුම වි ඇති අතර ඇය ඒ බව මානව මැඩපවත්වා ගනිමින් ජීවිතය සාමාන්‍ය ලෙස ගත කිරීමට උත්සහ ගනී.සොදුරු බවින් පිරුණු Carrie තම මවට දැඩි යටහත්පහත් ලෙස ජීවිතය ගෙවූ හෙයින් ඇය සමාජශීලි තැනැත්තියක් නොවුවාය.මේ නිසා ඇයට පාසලේදී මෙන්ම සමාජශීලි අවස්ථාවලදී දැඩි අපහාසයන් ට මෙන්ම හිරිහැරයන්ට ගොදුරු වන්නටත් සිදුවිය.

එසේම Carrie ව පාසලේදී හිරිහැරයන්ට ලක්වූයේ පාසලේ ජනප්‍රිය අහංකාර ළමයෙකු වූ Chris Hargenson (Portia Doubleday, Youth in Revolt) අතිනි.නමුත් Chris ගේ හොදම යහළුවෙකු වූ Sue Snell (Gabriella Wilde, The Three Musketeers) ඇගේ නොමනා හැසිරීම ගැන පසුතැවිලි විය.ඇය එය වරද සාදාගන්න ක්‍රමයක් ලෙස Sue ඇගේ පෙම්වතාවූ Tommy Ross (newcomer Ansel Elgort) ගෙන් ඉල්ලීම් කරනු ලබනවා Carrie ව වාර්ෂික පවත්වන පාසලේ Prom එක සදහා කැදවා ගෙන එන ලෙසට.නමුත් එහිදී පාසලේ ළමුන්ගේ දැඩි පිඩාවට ලක්වෙන ඇයගේ ඉවසීම ඉක්මවා යනවා.එහිදී ඇගේ අදුරු මානසික බලයන් උපයෝගී කොට ගෙන ඇය හට හිරිහැර කල සියලු දෙනා හට දැඩි දඩුවම් දෙනවා.

ඊට පසුව කුමක් සිදුවේවිද.? ඇය සියලුම දෙනා මරා දමයි ද?

Sameerabuwa

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.