The Walking Dead :Season 4….

මේ අවුරුද්දේ සැප්තැම්බර් / ඔක්තෝබර් මේ කාල සිමාව TV Series රසිකයන් හට ඉතාමත් කාර්යබහුල කාල සීමාවක් බවට පත්ව තිබෙනවා.ඒ ඉතා විශිෂ්ට ටීවී Series රැසක්ම මේ කාලය තුල විකාශය ආරම්භ කිරීම නිසායි.ඒ අතරට ඇමෙරිකානු AMC නාලිකාව මගින් විකාශය කරනු ලබන අද්විතීය Walking Dead රූ සිත්තමත් අයත් වෙනවා. ලොව පුරා සිටින Zombie රසිකයන් නොඉවසිල්ලෙන් බලා සිටින AMC නාලිකාව මගින් විකාශය කරන The Walking Dead හි සිව්වැනි දිගහැරුම ඔක්තෝබර් මස 13 වන දින විකාශය ඇරඹීමට නියමිතව තිබෙනවා.

Walking Dead හි තෙවැනි අදියරදී බිහිසුණු දෛවෝපගත මරණයේ සෙවණැලි වලින් යම්තම් ජීවිතය බේරාගත් Rick(Andrew Lincoln)ඇතුලු පිරිස නව අදියරේදී ඔවුන්ගේ එදිනෙදා ජීවිතය විශාල වශයෙන් වෙනස්වීම් වලට ලක්කර ගන්නා බව Walking Dead හි කොමික් නිර්මාතෘවරයා වන Robert Kirkman සදහන් කර තිබෙනවා.එසේම Season 3 හි Andrea, Milton සහ The Governor නිසා ඔවුන් මුහුණ පෑ සිද්දීන් හේතුවෙන් රික් ඇතුළු පිරිස සිරගෙදර ජීවිතය සාමූහිකව ගෙන යෑමටද උත්සහ ගන්නා බවත් සදහන්. තවද රික් ගේ පුත් Carl (Chandler Riggs) ඉතා හිතුවක්කාර ළමා සොල්දාදුවෙකුගේ තත්වයට පත් වීමද රික් ඒකාධිපති මානසිකත්වයෙන් මිදීමත් සිව්වැනි අදියරේදී දැකිය හැකි ප්‍රධාන සිදුවීම් ලෙස පෙන්වා දී ඇත.

Walking Dead හි නිෂ්පාදක David Alpert මාධ්‍ය හමුවකදී “New Walkers” නමැති සොම්බි විශේෂයක් සදහන් කොට තිබෙනවා.ඒ නමින් හදුන්වන්නේ සුපිරි බලයන් ඇති සොම්බි විශේෂ බැවි ගොඩ දෙනෙකුගේ අදහසයි.Resident Evil චිත්‍රපට පෙල උදාහරණයක් ලෙස දැක්විය හැකියි. එසේම season 3 අවසාන කොටස මිලියන 13 ප්‍රේක්ෂක ආකර්ෂණයක් ලබා ගත් නිසාම මෙහි සිව්වැනි දිගහැරුම ඉතාමත් සිත්ගන්නා ලෙස නිර්මාණය කොට ඇති බවද නිෂ්පාදකවරයා පවසා තිබේ.

එසේම සිව්වැනි දිගහැරුම ආරම්භ වන්නේ රික් සහ පිරිස සිරගෙදර තුල මසක් පමණ ආරක්ෂිතව සිටියත් එසේ සිටීමෙන් පිරිස අතර යම් නොසන්සුන්කාරී තත්වයක්ද ආරම්භ කරමිනි.ඒ තත්වයක් සමගම ඔවුන්ගේ ආහාර වැනි අත්‍යවශ්‍ය භාණ්ඩ හිග වීමත් නිසා කාණ්ඩයක් පිටත්ව යනු ලබනවා අත්‍යවශ්‍ය භාණ්ඩ සොයා ගෙන ඒම සදහා.මේ කන්ඩායම විවිධාකාර බාධාවන්ට ලක් වෙනවා. ඒ අතර හිරගෙය තුල වාතාවරණය නරක අතට හැරෙනවා….එසේම අලුත්ම සතුරෙකු ඔවුන්ගේ අතරට පැමිණීමත් කතාමාලාවට අදුරු මාවතකට යොමුකරනවා.

නවතම චරිත විශාල ප්‍රමාණයක් සමග ප්‍රේක්ෂකයා හමුවට එන Walking Dead සිව්වැනි දිගහැරුම
හරියට තව දින 7 කින් ඔබ හමුවේවි.

[youtube]http://www.youtube.com/watch?v=F_h4XxlmXjA[/youtube]

කෝකටත් මේ පුර්ව ප්‍රචාරක පටය බලලා අදහසක් අරගෙන සුදානමෙන් ඉන්න…!!!

Sameerabuwa

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.