The Hobbit :The Desolation of Smaug- [හොබිට්වරුන්ගේ දෙවන ගමන…]

“අත්භූත හුදෙකලාවෙන් පිරි කදුකරය ඔවුන් එනතුරු නිහඬව බලා සිටී…එතරම්ම අපේක්ෂාවෙන් මකරාගේ ලෙනද නිශ්ශබ්දතාවයෙන් පිරී පවතී..”

බලනවා ඇති මොන පිස්සෙක් ද කියලා නේ… Arrow ලිපියෙන් පස්සේ Film එකක් ගැන දාන්ඩ හිතුනා. අළුත්ම trailer 1ක් ඊයේ අන්තර්ජාලයට දාල තිබ්බත් දැක්කේ අද. J.R.R Tolkien ගේ ප්‍රසිද්ධ නවකතාවක් පාදක කරගෙන Peter Jackson විසින් අධ්‍යක්ෂණය කරන Hobbit ත්‍රීත්වයේ දෙවෙනි සිනමාරුපී දිගහැරුම  The Hobbit: The Desolation of Smaug නමින් එළඹෙන දෙසැම්බර් මාසයේ 13 තිරගතවීම් ඇරඹීමට සියලුකටයුතු සුදානම්ව ඇති බවයි ආරංචිය..

මෙහි මකරාට හඩකවන්නේ ‘Sherlock’ සහ ‘Star Trek Into Darkness’ නළු  Benedict Cumberbatch බවයි අනාවරණය වන්නේ. ඒවගේම Lord of The Rings ත්‍රීත්වයේ රගපෑ Orlando Bloom [Legolas ], Luke Evans [ Bard the Bowman ], Lee Pace [ Thranduil ] ආගමනය සිදුවීමත් මෙහි සුවිශේෂීත්වය වැඩි කිරීමටද හේතු වන බව රසිකයන්ගේ අදහස වී තිබෙනවා.

එමෙන්ම Bilbo [Martin Freeman] Gandalf the Grey [ Ian McKellen ] Thorin Oakenshield (Richard Armitage) සහ අගුටු වාමනයන් 13 දෙනා තමන්ගේ ත්‍රාසජනක චාරිකාවේදී ඉතාමත් උද්වේගකර මෙන්ම බිහිසුණු සිද්දි දාමයකට මෙහිදීද මුහුණ දීමට සිදුවන බව නවතම  Tailer එකේ දැකගත හැකියි. එසේම Lord of The Rings හි නොවිසිදුනු පැනයන්ට මෙහිදී යම් තරමක පිළිතුරු ලබාගැනීමට ද හැකි බව අධ්‍යක්ෂක Jackson පවසා තිබේ.

Sameerabuwa

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.