The Avengers (2012) නොදුටු දසුන්…
අද අපේ මව් විබපළ ලිපි 2000’ක කඩඉමට සම්ප්‍රාප්ත වුණා. ඒ සමගින් ඔබ වෙත විශේෂයෙන් ගෙන එන රූපවාහිනී වාර්තාරංගය සිංහල උපසිරැසි සමගින් අද දවස පුරා ඔබ’තට පත් කරන්නට අපේ මුල් පෙළ උපසිරැසි කරුවන් පිරිසක් එක්කාසු වුණා. ඉතින් අපේ මව් විබපළ සටහන් කරන සමරු අවස්ථාව වෙනුවෙන් Avengers සිනෙපටය ආශ්‍රිත නිර්මාණ කාර්යය පිළිබදව අලුතින් හෙළි දරව් කළ රූපපෙළක් ඔබ වෙත ගෙන එන්නට අපත් අදහස් කළා…
එහෙමනම් මේ ගෙනෙන සිව්වන නොදුටු දසුනත් සමග “Avengers (2012) නොදුටු දසුන්…” හමාර කරනවා.
රැදී සිටියාට ස්තුතියි!
Avengers: Evil Jarvis & Stark Tower Battle
Avengers (2012)’හි අඩංගු නොවූ තවත් එක් රූපරාමු පෙළක් තමයි මේ. මෙහි දැක්වෙන පරිදි IM හෙවත් Tony Stark ගේ අණ ඉක්මවා යන රුදුරු කෘතිම බුද්ධියක් ගැන සුළු ඉගියක් ඇතුළත්. (අප මින් පෙර කී පරිදි චිත්‍රකතාවන්හි දැක්වෙනවාට වඩා වෙනස් උප්පත්ති කතාවක් Avengers 2: Age of Ultron ‘හි දුෂ්ඨයා වන Ultron වෙනුවෙන් සූදානම් කරමින් යන බවට විවිධ මත ඉදිරිපත් වී තිබෙනවා. මේ අනුව එය සිදුවිය හැකිවා වාගේයි. ඇරත් අධ්‍යක්ෂක Josh Whedon පදනමක් නැතුව Ultron චරිතය Ant-Man’ගෙන් වෙන් කරන්නට නොසිතන බව අමුතුවෙන් කිව යුත්තකුත් නොවෙන නිසා, ඒ මූලශ්‍රය IM වෙත යොමු කරලා එක ගලෙන් කුරුල්ලෝ දෙතුන්දෙනෙක් එළා ගන්න Marvel Studios සැරසෙන බවකුයි පෙනෙන්නේ…)
එමෙන්ම Loki’ගේ බලයට නතු වී IM ඔහුගේ රූකඩයක් බවට පත්වන ආකාරයේ අවස්ථාවක් තමයි මෙහි දැක්වෙන්නේ. Avengers චිත්‍රපටයට අනුව ඔහුගේ සිරුරෙහි ඔබ්බවා තිබෙන Arc-Reactor’යෙන් Loki සතු බලය කපා හැරෙනවා. මෙයට අනුව පෙන්නුම් කෙරෙන්නේ ඔහු ඊට නතුවන අයුරකුයි. Stark කුළුණ මත සිදුවන ගැටුමෙහි ස්වභාවය පවා මෙයට අනුව වෙනස් මුහුණුවරක් ගන්නවා. එපමණක් නොවෙයි මෙහි IM’ගේ යකඩ ඇදුම අසුරා ඇති පිළිවෙළත් වෙනස්.
