Upcoming Video Game TV Shows & Movies | ඉදිරියේදී නිකුත් කෙරෙන වීඩියෝ ගේම් පාදක කරගත් කතාමාලා හා චිත්‍රපට

කොමික් පොත් වලින් දකින්න ලැබෙන දේවල් ඇනිමේෂන් හො ලයිව්-ඇක්ෂන් චිත්‍රපට, කතාමාලා වලට නිර්මාණය වෙනවා දකින්න ආසාවෙන් ඉන්නවා වගේම තමයි තවත් ලොකු පිරිසක් ඉන්නවා වීඩියෝ ගේම් පාදක කරගත් ඇනිමේෂන් හො ලයිව්-ඇක්ෂන් විදිහට චිත්‍රපට, කතාමාලා නිර්මාණය වෙනවා දකින්න. ඉදිරි වසර කිහිපය පුරාවට මේ වගෙ නිකුත් කරාවි කියලා බලාපොරොත්තු වෙන්න පුලුවන් චිත්‍රපට 20ක් හා කතාමාලා 23ක එකතුවක් ගැන මේ කියන්න හදන්නෙ.

කතාමාලා

01. The Witcher Season 2 (Netflix)

හොදකාවරම දන්න, තවත් ගොඩ දෙනෙක් බලාගෙන ඉන්න කතාවකින් තමයි වැඩේ පටන් ගන්නෙ. ඒ තමයි The Witcher දෙවැනි කතාසමය. කොවිඩ්-19 වසංගතය නිසා ඇතිවෙච්ච නොයෙකුත් බාධාක නිසා මුල් කතාසමය නිකුත් වෙලා වසර දෙකකට පස්සෙ තමයි The Witcher දෙවැනි කතාසමය නිකුත් වීමට නියමිතව තියෙන්නෙ. මුල් කතාසමය වගේම කොටස් අටකින් සමන්විත දෙවැනි කතාසමය මේ වසරේ දෙසැම්බර් 17’වැනිදා Netflix ඔස්සෙ නිකුත් වීමට නියමිතයි.

 

02. The Witcher: Blood Origin (Netflix)

Netflix යටතේ ආරම්භ කල The Witcher විශ්වයෙ සිදු කෙරෙන පුළුල් කිරීමක් විදිහට තමයි ‘The Witcher: Blood Origin’ නමින් තවත් ලයිව්-ඇක්ෂන් කතාමාලාවක් මේ විදිහට නිර්මාණය වෙන්නෙ. මේකෙදි කතාවට ලක් වෙන්නෙ පොත්වල තිබුණු දෙයක්මයි. ඒ වසර 1200කට පෙර සිදුවීම් පාදක කරගෙන. ගැරල්ට්ට කලින් රාක්ෂයින්ගෙ පිරුණු ලෝකෙක, මිනිස්සු, එල්ව්ස්ලා වගේම මුල්ම මායාකරුව (Witcher) නිර්මාණය වුන කාලය පාදක කරගෙන තමයි මේ කතාමාලාව නිර්මාණය වෙන්නෙ.

මේ කතාවේ එන “Éile” නම් චරිතය වෙනුවෙන් රංගන ශිල්පිනියක වන Jodie Turner-Smith සම්බන්ධ වෙලා තියෙනවා. තහවුරු නොවූ තොරතුරු වලට අනුව මේ වෙනුවෙන් Jason Momoa පවා සම්බන්ධ වෙන කතාව ඇතැම් දෙනා විශ්වාස කරනවා.

කොටස් හයකින් සමන්විත මේ කතාමාලාවේ නිර්මාණයට දායක වෙන්නෙත් The Witcher කතාමාලාවේ නිර්මාණ කටයුතු වලට සම්බන්ධ වුන Lauren Schmidt Hissrich, ගා Declan de Barra යන තිදෙනායි. දැනට නිකුත් වන දිනයක් නැති වුනත් මේ නිර්මාණය හරහා වැදගත් දේවල් සෑහෙන ප්‍රමාණයක් දැකගන්න ලැබේවි.

දැනට මෙතනින් The Witcher විශ්වයෙ නිර්මාණ කටයුතු අවසන් වෙනවා. මීට අමතරව තවත් එක් ඇනිමේ නිර්මාණයක් තියෙනවා The Witcher විශ්වයට සමගාමිව නිර්මාණය වුන. ඒතමයි The Witcher: Nightmare of the Wolf කියන්නෙ. මගහැර ගන්නෙ අනිවාර්යෙන්ම බලන්න. මොකද මේකත් වටින පෙර කතාවක් (ඔරිජින්) ඇතුලත් වෙච්ච චිත්‍රපටයක්.

 

03. Tomb Raider (Netflix)

රීබූට් වෙමින් නිර්මාණය වූ Tomb Raider වීඩියෝ ගේම් ත්‍රිත්වය පාදක කරගෙන තමයි මේ ඇනිමේ කතාමාලාව නිර්මාණය වෙන්නෙ. Lara Croft කියන චරිතය නිරූපණය වෙලා වසර 25කට පසු සිදුවූ දෑ පාදක කරගෙන තමයි මේ ඇනිමේ සීරිස් එක නිර්මාණය වෙන්නෙ. ‘The Witcher: Blood Origin’, ‘Red Sonja’ ඇනිමේ සිනමා රචක “Tasha Huo” යටතේ මේ කතාමාලාවේ රචනයත් වගේම විධ්යාක නිෂ්පාදන කටයුතුත් සිදු වනවා.

මීට අමතරව ‘Sonic the Hedgehog’ සිනමා නිෂ්පාදක “Dmitri M. Johnson” මෙහි නිර්මාණ කටයුතු සදහා සම්බන්ධ වනවා. දැනට නිකුත් වෙන දිනයක් ගැන සදහන් වෙන්නෙ නම් නැහැ.

 

04. Skull Island (Netflix)

Monsterverse එකට සමගාමිව එම විශ්වය පුරාවට දකින්න ලැබෙන සත්වයින් හා පුරාවෘත පාදක කරගෙන තමයි මේ ඇනිමේ කතාමාලාව නිර්මාණය වෙන්නෙ. ‘Love and Monsters’, ‘Underwater’ සිනමා රචක “Brian Duffield” යටතේ මේ කතාමාලාවේ රචනයත් වගේම විධායාක නිෂ්පාදන කටයුතුත් සිදු වනවා.

‘Castlevania’, ‘Blood of Zeus’ වැනි ඇනිමේ සීරිස් වල ඇනිමේෂන් ස්ටුඩියෝව විදිහට කටයුතු කල “Powerhouse Animation” ආයතනයත් මෙහි නිර්මාණ කටයුතු වලට සම්බන්ධ වනවා.

 

05. Splinter Cell (Netflix)

ජෝන් වික් සිනමා නිර්මාතෘ Derek Kolstad යටතේ මේ කතාමාලාවේ රචනයත් හා විධායක නිෂ්පාදනයත් සිදුවෙන Splinter Cell වීඩියෝ ගේම් ඇසුරින් නිර්මාණය වන මේ ඇනිමේ කතාමාලාව කොටස් 16කින් සමන්විත වනවා. දැනටමත් ඔහු කතාසමයන් දෙකක් වෙනුවෙන් ගිවිසුම් අත්සන් කරලා තියෙනවා වගේම බොහෝදුරට 2021 වසර ඇතුලතම මේ ඇනිමේ කතාමාලාවනිකුත් වීමට ඉඩ තියෙනවා.

මීට පෙර රංගන ශිල්පී Tom Hardy එකතු කරගෙන Splinter Cell චිත්‍රපටයක් නිර්මාණය කිරීමට ආරම්භ වෙලා තිබුනත් ඒ ව්‍යාපෘතියෙ නිර්මාණ කටයුතු මේ වෙද්දී ක්‍රියාකාරී මට්ටමක නැහැ.

 

06. Assassin’s Creed (Netflix)

Ubisoft හා Netflix අතර පවත්න ගිවිසුම්වල ප්‍රතිඵලයක් ලෙසින් Netflix ආයතනය Assassin’s Creed වීඩියෝ ගේම් පාදක කරගත් වෙනමම විශ්වයක් ඔවුන්ගෙ ස්ට්‍රිමින් සේවාව යටතේ ගොඩනගන බවට නිවේදනය කරනවා. ඒ ලයිව්-ඇක්ෂන්, ඇනිමේෂන් හා ඇනිමේ යන ත්‍රිත්වයෙන්ම නිර්මාණ ලබාදෙන පොරොන්දුව ඇතිව.

මේ මුල් ලයිව්-ඇක්ෂන් සීරිස් එක වෙනුවෙන් Ubisoft ආයතනයෙ Film & Television අංශයෙ Jason Altman, Danielle Kreinik දෙදෙනා මේකෙ විධායක නිෂ්පාදකවරුන් විදිහට කටයුතු කිරීමට නියමිතයි.

 

07. SONIC Prime (Netflix)

SONIC වීඩියෝ ගේම් පාදක කරගත් නවතම ඇනිමේෂන් කතාමාලාවක් Sonic Prime නමින් Netflix යටතේ නිර්මාණය වනවා. සම්පුර්ණ කොටස් 24කින් සමන්විත මේ කතාමාලාව 2022 වසරේදී නිකුත් වීමට නියමිතයි.

මේ කතාමාලාවේ ශෝරනර්ලා විදිහට කටයුතු කරන්නෙ “Ben 10” හා “Big Hero 6” වෙනුවෙන් කටයුතු කරපු ‘Man of Action Entertainment’ ආයතනයෙ ටීම් එකමයි. කතාමාලාවේ ඇනිමේෂන් කටයුතු Vancouver studio හා SEGA and WildBrain ආයතනවල එකතුවෙන් සිදුවනවා.

 

08. Resident Evil (Netflix)

මෙතෙක් නිකුත් වූ Resident Evil චිත්‍රපට වලට හො මේ වසරේදී නිකුත් වීමට නියමිත Resident Evil: Welcome to Raccoon City චිත්‍රපටයෙන් වෙන් වූ වෙනමම Resident Evil ලයිව්-ඇක්ෂන් කතාමාලාවක් Netflix යටතේ නිර්මාණය වනවා.

එක කොටසක් පැය ගානෙ ධාවනය වෙන කොටස් අටක් මුල් සීසන් එකෙ ඇතුලත් වෙනවා. Supernatural සීරිස් එකේ ෂෝරනර් කෙනෙක් වගේම රචකයෙකු වන “Andrew Dabb” වගේම The Walking Dead රිස් එකේ ෂෝරනර් කෙනෙක් වගේම රචකයෙකු වන “Bronwen Hughes” තමයි මුල් කොටස් දෙක අධ්‍යක්ෂණය කරන්නෙ. මීට අමතරව මේ දෙන්නා Robert Kulzer and Oliver Berben of Constantin Film,හා Mary Leah Sutton යන හැමෝම එක්ක මේ කතාවේ විධායක නිෂ්පාදකවරුන් විදිහට කටයුතු කරනවා.

රංගනයෙන් සම්බන්ධ වන නළු/නිලියන්

මෙහි රංගනයෙන් Lance Reddick, Ella Balinska, Tamara Smart, Siena Agudong, Adeline Rudolph, Paola Nunez යන නළු/නිලියන් සම්බන්ධ වී තියෙනවා. 2022 වසර ඇතුලත මේ කතාමාලාව නිකුත් වීමට නියමිතයි.

මීට අමතරව Netflix ආයතනය කොටස් හතරක ඇනිමේ කතාමාලාවක් විදිහට මේ වසරේදී Resident Evil: Infinite Darkness නමින්ද කතාමාලාවක් නිකුත් කලා Resident Evil 4 හා Resident Evil 5 වීඩියෝ ගේම් අතරමැදට සම්බන්ධ වූ නිර්මාණයක් ලෙසින්.

 

09. Angry Birds: Summer Madness (Netflix)

Angry Birds සිනමාපට ලැබූ සාර්ථකත්වය මතම වීඩියෝ ගේම් පාදක කරගත් නවතම 3D ඇනිමේෂන් කතාමාලාවක්ද Netflix යටතේ නිර්මාණය වනවා. “Angry Birds: Summer Madness” ලෙසින් නම් කර ඇති මේ කතාමාලාව රෙඩ්, බොම්බ් හා චක් යන චරිතවල යෞවන අදියරෙන් දැකගන්න ලැබෙනවා.

කොටස් 40කින් සමන්විත වන මේ කතාමාලාව 2021 වසර තුල නිකුත් වන බවටයි බොහෝ තොරතුරු මුලාශ්‍රවල සදහන් වෙන්නෙ.

 

10. Arcane (Netflix)

Riot Games යටතේ නිකුත් වූ ජනප්‍රියම වීඩියෝ ගේම් එකක් වන “League of Legends” විශ්වයට සමගාමිව නිර්මාණය වන ඇනිමේෂන් කතාමාලාවක් තමයි Arcane කියන්නෙ. Piltover හා Zaun චරිත පාදක කරගෙන නිර්මාණය වන මේ ඇනිමේෂන් කතාමාලාව මේ වසරේ අවසාන කාල සීමාව තුලදී නිකුත් වීමට නියමිතයි.

 

11. Far Cry (Netflix)

අතිශය ජනප්‍රිය හා සාර්ථක Far Cry වීඩියෝ ගේම් පාදක කරගත් නවතම ඇනිමේ කතාමාලාවක්ද Netflix ඔස්සෙ නිර්මාණය වනවා. හුගාක් අඩුවෙන් තොරතුරු වාර්තා වන මේ කතාමාලාව දැනට නිකුත් කරන කාල සීමාවක් ගැන නම් සදහන් වෙන්නෙ නැහැ.

 

12. Captain Laserhawk: A Blood Dragon Remix (Netflix)

Far Cry වීඩියෝ ගේම් පෙලෙහි ස්පින්-ඕෆ් එකක් ලෙසින් නිර්මාණය වන මේ ඇනිමේ කතාමාලාව කොටස් හයකින් සමන්විත වන බව Netflix ආයතනය මේ වසරේදී නිවේදනය කලා. මේ ඇනිමේ කතාමාලාව ප්‍රධාන වශයෙන් පාදක වෙන්නෙ Far Cry තුන්වන වීඩියෝ ගේම් එකටයි.

දැනට නිකුත් කරන කාල සීමාවක් ගැන නම් සදහන් වෙන්නෙ නැහැ.

 

13. Castlevania Spinoff (Netflix)

අතිශය ජනප්‍රිය Castlevania වීඩියෝ ගේම් ඇසුරින් නිර්මාණය වූ ඇනිමේ කතාමාලාව කොටස් 32කින් මේ වසරේදී අවසන් කරද්දීම Netflix ආයතනය නිවේදනය කරනවා Castlevania විශ්වයට සමගාමිව නවතම ස්පින්-ඕෆ් කතාමාලාවක්ද නිර්මාණය කර නිකුත් කරන බවට. ප්‍රංශ විප්ලවය කාල සීමාව පාදක කරගෙන නිර්මාණය වන මේ ඇනිමේ කතාමාලාවේ නිල නාමයක් හො නිකුත් කරන කාල සීමාවක් ගැන නම් සදහන් වෙන්නෙ නැහැ.

 

14. The Cuphead Show! (Netflix)

2017 වසරේදී නිකුත් වූ The Cuphead වීඩියෝ ගේම් ඇසුරින් නිර්මාණය වන ඇනිමේෂන් කතාමාලාවක් තමයි The Cuphead Show! කියන්නෙ. Studio MDHR යටතේ නිර්මාණය වූ වීඩියෝ ගේම් එකෙහි අධ්‍යක්ෂකවරුන් ලෙසින් කටයුතු කල Chad Moldenhauer, Jared Moldenhauer දෙදෙනා යටතේ තමයි මේ ඇනිමේෂන් කතාමාලාව නිර්මාණය වෙන්නෙ.

කොටස් 10කින් සමන්විත වන මෙහි මුල් කතාසමය මේ වසරේදී නිකුත් වීමට නියමිතයි.

 

15. Cyberpunk: Edgerunners (Netflix)

2020 වසරේදී නිකුත් වූ Cyberpunk 2077 වීඩියෝ ගේම් එකෙහිම විශ්වයට සමගාමිව තමයි ” Cyberpunk: Edgerunners” නම් ඇනිමේ කතාමාලාව නිර්මාණය වෙන්නෙ.

CD Projekt Red ආයතනය නිෂ්පාදන සමාගම ලෙසත්, Studio Trigger ආයතනය මෙහි ඇනිමේෂන් ස්ටුඩියෝව ලෙසත්, Gurren Lagann, Kill la Kill, Promare වැනි ඇනිමේ කතාමාලාවන්හි නිර්මාතෘ Hiroyuki Imaishi මෙහි අධ්‍යක්ෂක ලෙසත්, Silent Hill (2006) චිත්‍රපටයෙ පසුබිම් සංගීත නිර්මාතෘ Akira Yamaoka මෙම කතාමාලාවේ පසුබිම් සංගීත නිර්මාතෘ ලෙසත් කටයුතු කිරීමට නියමිතයි.

කොටස් 10කින් සමන්විත මෙහි මුල් කතාසමය 2022 වසරේදී නිකුත් වීමට නියමිතයි.

 

16. Devil May Cry (Netflix)

2018 වසරේදී Castlevania කතාමාලාවේ නිෂ්පාදක Adi Shankar සදහන් කරනවා Capcom යටතේ නිකුත් වූ ” Devil May Cry” වීඩියෝ ගේම් පෙල ඇසුරින් නවතම ඇනිමේෂන් කතාමාලාවක් නිර්මාණය කර Netflix ඔස්සෙ නිකුත් කරන බවට. නමුත් ඒ නිවේදනයත් සමගම අද දක්වා මේ කතාමාලාවේ අලුත්ම තත්වය හො නිකුත් කරන කාල සීමාවක් ගැන සදහන් වෙන්නෙ නැහැ. බොහෝදුරට නිර්මාණ කටයුතු වලින්ම නැවතිලා වෙන්න පුලුවන්.

 

17. DOTA: Dragon’s Blood Book II (Netflix)

සුප්‍රසිද්ධ DOTA වීඩියෝ ගේම් පාදක කරගනිමින් මේ වසරේදී නිකුත් වූ “Dota: Dragon’s Blood” ඇනිමේ කතාමාලාවෙ මිලග පරිච්ඡේදය, එහෙම නැත්තම් දෙවැනි කතාසමය විදිහට තමයි “DOTA: Dragon’s Blood Book II” ඇනිමේෂන් කතාමාලාවද නිර්මාණය වෙන්නෙ. නිකුත් වන කාල සීමාවක් ගැන සදහනක් නැති වුනත් මුල් කතාසමය තුලදී වගේම කොටස් අටක හො ඊට වඩා ප්‍රමාණයක ඇනිමේෂන් කතාමාලාවක් මේ වතාව තුලත් බලාපොරොත්තු වෙන්න පුලුවන්.

 

18. Final Fantasy (Netflix)

ජනප්‍රිය ‘Final Fantasy’ වීඩියෝ ගේම් පාදක කරගත් ලයිව්-ඇක්ෂන් කතාමාලාවක්ද Netflix යටතේ නිර්මාණය වනවා. Sony Pictures, Square Enix, Hivemind, Netflix යන ආයතනවල එකතුවෙන් Final Fantasy XIV පාදක කරගෙන තමයි මේ කතාමාලාවේ නිර්මාණ කටයුතු සිදුවෙන්නෙ.

දැනට මෙහි අතුලත් වන කොටස් ප්‍රමාණය හො නිකුත් කරන කාල සීමාවක් ගැන නම් සදහන් වෙන්නෙ නැහැ.

 

19. Fallout (Amazon)

Amazon Prime වෙනුවෙන් Westworld කතාමාලාවේ නිර්මාතෘවරුන් වන Jonathan Nolan හා Lisa Joyයටතේ සුප්‍රසිද්ධ “Fallout” වීඩියෝ ගේම් පාදක කරගත් ලයිව්-ඇක්ෂන් කතාමාලාවක් විදිහට තමයි මේක නිර්මාණය වෙන්නෙ.

Kilter Films, Amazon Studios සමග Bethesda Game Studios, Bethesda Softworks යන ආයතන එකතුවෙන් මේ කතාමාලාවේ නිෂ්පාදන කටයුතු සදහා එකතු වනවා. දැනට නිකුත් කරන කාල සීමාවක් ගැන නම් සදහන් වෙන්නෙ නැහැ.

 

20. Halo (Paramount+)

ජනප්‍රිය Halo වීඩියෝ ගේම් පාදක කරගත් ලයිව්-ඇක්ෂන් කතාමාලාවක්ද මේ වනවිට Paramount+ ඔස්සෙ නිර්මාණය වෙමින් පවතිනවා.

Showtime නිකුත් කරන බලාපොරොත්තුවෙන් තමයි 2018 වසරේදී තමයි කොටස් දහයක “Halo” ඇසුරින් Live-Action කතාමාලාව ගැන නිවේදනයක් කරන්නෙ. නිර්මාණ කටයුතු වලට එකතු වෙන බොහෝදෙනා ඉවත් වුන නිසා සෑහෙන කාලයක් පුරාවට නිෂ්පාදන කටයුතු කල් යෑමක් සිදුවුනා. ඇ.ඩො. මි. 40කට ආසන්න ප්‍රමාණයක් මේ කතාමාලාව වෙනුවෙන් වැයවෙලා තියෙනවා වගේම COVID-19 වසංගතය හමුවේ වැඩ කටයුතු අතරමග නවතින්නෙ කොටස් පහක රූගත කිරීම් අවසන් කරලා. හයවෙනි කොටසෙ ඉදලා රූගත කිරීම් Ontario, Canada හිදී නැවත ආරම්භ කරද්දී නැවත රූගත කිරීම් (Reshoots) කිහිපයක්ද සිදු වුනා.

කොටස් 10කින් සමන්විත මෙහි මුල් කතාසමය 2022 වසරේ මුල් කාර්තුව ඇතුලත මේ කතාමාලාව Paramount+ හරහා විකාශය වන බවයි සදහන් වෙන්නෙ.

 

21. The Last of Us (HBO)

කවුරුත් දන්නා කියන ‘The Last of Us’ වීඩියෝ ගේම් පාදක කරගත් ලයිව්-ඇක්ෂන් කතාමාලාවක් HBO නාලිකාව යටතේ නිර්මාණය වෙනවා. එදාමෙදා කාලය තුල නිර්මාණය වූ හා ඉදිරියේදී නිකුත් වෙන සුවිශේෂම කතාමාලාවක් විදිහට ‘The Last of Us’ සලකන්න පුලුවන්. ඒ මේ කතාමාලාව වෙනුවෙන් සම්බන්ධ වන ජනප්‍රිය නළු/නිලියන්, යොදවන පිරිවැය වැනි හේතු ගණනාවක් නිසා.

Craig Mazin විසින් මෙහි පිටපත් රචනය සදහාත්, විධායක අධ්‍යක්ෂණය සදහාත් එකතු වෙනවා. මීට අමතරව BAFTA සම්මානලාභී, වීඩියෝ ගේම් එකෙහි Developer සමාගම වන Naughty Dog’හි Neil Druckmann විසින් කතාමාලාවේ විධායක අධ්‍යක්ෂණය සදහා එකතු වනවා.

රූගතකිරීම් අතරතුර – පළමු දිනය

මේ කතාමාලාවේ එක් කොටසක් වෙනුවෙන් ඇ.ඩො.ම්. 10ක් වැනි විශාල මුදලක් යොදවනවා වගේම මුල් සීසන් එක කොටස් 10කින් සමන්විත වෙනවා. ඒවගේම සීසන් කිහිපයක් දක්වාම මේ සීරිස් එක නිර්මාණය කරන්න එහි නිර්මාතෘවරුන් බලාපොරොත්තු තියාගෙනයි ඉන්නෙ. මෙහි “Pedro Pascal” විසින් Joel චරිතයත්, “Bella Ramsey” විසින් Ellie චරිතයත් වගේම “Gabriel Luna” විසින් Tommy චරිතයත් නිරූපණය කරනවා.

මේ වෙද්දී මුල් කොටසට අදාල රූගත කිරීම් පවා අවසන් කර ඇති මේ කතාමාලාවේ මුල් කතාසමය 2022 වසරේදී HBO හරහා නිකුත් වීමටද නියමිතයි.

 

22. Brothers in Arms

අතිශය ජනප්‍රිය හා සාර්ථක තවත් වීඩියෝ ගේම් පෙළක් තමයි Brothers in Arms කියන්නෙ. මේ ඇසුරින්ද කතාමාලාවක් නිර්මාණය කරන නිකුත් කරන බවට මේ ගේම් පෙලෙහි ඩිවලොපර් ලෙසින් කටයුතු කල Gearbox ආයතනය 2020 වසරේදී නිවේදනය කරනවා. මුල් කතාසමය දෙවන ලෝක යුධ සමයෙ Exercise Tiger පාදක කරගෙන නිර්මාණය වනවා. Gearbox ආයතනයෙ Randy Pitchford මේ කතාමාලාවේ නිර්මාතෘ ලෙසින් කටයුතු කරද්දී Ubisoft Pictures ආයතනයෙ CEO වන Jean-Julien Baronnet, Richard Whelan, Sean Haran ඇතුළු සියලුම දෙනාම මෙහි විධායක නිෂ්පාදකවරුන් ලෙස සම්බන්ධ වනවා.

නිකුත්වන කාල සීමාවක් හො මේ කතාමාලාව බෙදාහැරෙන ෆ්ලැට්ෆෝම් එක ගැන සදහනක් නම් නැහැ. නමුත් Ubisoft ආයතනය ඔවුන් යටතේ නිර්මාණය වන කතාමාලා හා චිත්‍රපට ස්ට්‍රිමින් සේවාවේ දැවැන්තයා Netflix යටතේ නිකුත් කරන නිසා Brothers in Arms කතාමාලාවත් ඔවුන් යටතේම නිකුත් වීමේ ඉඩකඩක් තියෙනවා.

 

22. Twisted Metal

ජනප්‍රිය ‘Twisted Metal ‘ වීඩියෝ ගේම් පාදක කරගත් නවතම ලයිව්-ඇක්ෂන් කතාමාලාවක නිර්මාණ කටයුතු සිදුවන බවට SONY ආයතනය මේ වසරේදී නිවේදනය කරනවා. ඒ Deadpool හා Zombieland සිනමා රචකයින් වන Paul Wernick, Rhett Reese දෙදෙනා යටතේ. මොවුන් දෙදෙනා යාටතේම නිෂ්පාදනයට Cobra Kai කතාමාලාවේ නිර්මාතෘවරයෙකු වන Michael Jonathan Smith පවා රචනයෙන් සම්බන්ධ වනවා.

මේ විදිහට නිර්මාණය වන මේ කතාමාලාවේ කොටස් ප්‍රමාණය, නිකුත් කරන කාල සීමාවක් ගැන හො ව්ශේෂයෙන්ම නිකුත් කිරීමට බලාපොරොත්තු වන ස්ට්‍රිමින් සේවාව ගැනවත් සදහන් කිරීමක් ඇතුලත් වෙන්නෙ නැහැ.

 

23. Sly Cooper

සෝනි ආයතනයෙ ජනප්‍රිය ‘Sly Cooper ‘ වීඩියෝ ගේම් පාදක කරගත් ඇනිමේෂන් කතාමාලාවක්ද නිර්මාණය වන බවට 2017 වසරේදී නිවේදනය කලා. කොටස් 52ක් ලෙසින් 2019 වසරේදී නිකුත් කරන බලාපොරොත්තුවෙන් නිර්මාණය වුන මේ ඇනිමේෂන් කතාමාලාව සම්බන්ධයෙන් Sly Cooper ඔවුන්ගේ වෙබ්අඩවියෙ පවා සදහන් කලත් Technicolor Animation Productions හා PGS Entertainment ආයතන දෙක ඔවුන් ඉදිරියේදී නිකුත් කරන බවට සදහන් කල නිර්මාණ අතරින් මේ කොටස් 52 ඇනිමේෂන් කතාමාලාව ඉවත් කර තිබෙනවා. 2021 වසර වෙද්දී මේ සම්බන්ධයෙන් කිසිම ආරංචියක් නම් ලැබෙන්නෙ නැහැ.

 

24. Driver (Binge)

ප්‍රධාන වීවලොපර් විදිහට වසර ගණනාවක පටන් Ubisoft ආයතනය යටතේ නිර්මාණය වූ ‘Driver’ වීඩියෝ ගේම් පාදක කරගත් නවතම ලයිව්-ඇක්ෂන් කතාමාලාවක් නිර්මාණය කරන බවට Ubisoft Film & Television අංශය විසින් නිවේදනය කරනවා. මේ කතාමාලාව විශේෂයෙන්ම නිර්මාණය කරන්නෙ ලබන වසරේ සිට ස්ට්‍රිමින් යුද්ධයට එකතු වන Binge නම් වීඩියෝ ගේම් පරිශීලකයන් පාදක කරගනිමින් අලුත්ම කන්ටෙන්ට් නිර්මාණය කරලා නිකුත් වීමට නියමිත ස්ට්‍රිමින් සර්විස් එකක් වෙනුවෙන්.

මීට  පෙර, 2007 වසරේදී ‘Driver’ වීඩියෝ ගේම් පාදක කරගත් ලයිව්-ඇක්ෂන් චිත්‍රපටයක් නිර්මාණය වෙමින් තිබුනත්, එහි මූලික නිෂ්පාදන කටයුතු වලින් නවතා දමන්නට ස්ටුඩියෝවට සිද්දවෙනවා.

 

චිත්‍රපට

 

01. Tom Clancy’s The Division (Netflix)

2019 වසරේදී පැවැත්වූ E3 ඉවෙන්ට් එකේදී Ubisoft සමාගම තමන්ගේ ඉදිරිපත් කිරීම අතරතුර නිවේදනය කරනවා ඔවුන් Tom Clancy’s The Division විඩියො ගේම්‍ ඇසුරින් ලයිව්-ඇක්ෂන් චිත්‍රපටයක් කර එහි බෙදාහැරීමේ අයිතිය Netflix සමාගමට ලබා දෙනවා කියලා. මේ ඉවෙන්ට් එක අතරතුරම චරිත දෙකක් වෙනුවෙන් නළුවෙක් වගේම නිලියක්වත් මේ අය නම් කරනවා.

එක්කෙනෙක් තමයි Interstellar (2014), Dark Phoenix (2019), සිනමාපටවල රග පෑ Jessica Chastain. අනික් කෙනා තමයි ඔයාලා කොයි කවුරුත් දන්න කියන Jake Gyllenhaal. ඒවගේම John Wick (2014), Once Upon A Deadpool (2018) චිත්‍රපට නිර්මාණයට දායක වූ David Leitch තමයි මේ සිනමාපටය අධ්‍යක්ෂණය කරන්නෙ.

දැනට නිකුත් වෙන දිනයක් ගැන සදහන් වෙන්නෙ නම් නැහැ.

 

02. Resident Evil: Welcome to Raccoon City (SONY Pictures)

මෙතෙක් දකින්න ලැබුණු Resident Evil චිත්‍රපට වලින් වෙනස් විදිහේ කතාවක් අරගෙන එන අරමුණින් තමයි රීබූට් එකක් විදිහට Resident Evil: Welcome to Raccoon City චිත්‍රපටය නිර්මාණය වෙන්නෙ. 47 Meters Down සිනමා නිර්මාතෘ Johannes Roberts යටතේ තමයි මේ ලයිව්-ඇක්ෂන් චිත්‍රපටයෙ අධ්‍යක්ෂණය සිදුවෙලා තියෙන්නෙ.

චිත්‍රපටයෙ ප්‍රධාන චරිත Kaya Scodelario, Hannah John-Kamen, Robbie Amell, Tom Hopper, Avan Jogia, Donal Logue, Neal McDonough යන නළු නිලියන්ගෙ සම්බන්ධ වීමෙන් සිදුවන අතර මේ වසරේ නොවැම්බර් 24’වැනිදා SONY Pictures යටතේ සිනමාශාලා ඔස්සෙ තිරගත කිරීමට පමණක් සූදානම් කරලා තියෙනවා.

 

03. Uncharted (SONY Pictures)

සංස්කරණ 10ක් දක්වාම නිර්මාණය වූ ජනප්‍රිය Uncharted වීඩියෝ ගේම් පාදක කරගනිමින් තමයි මේ ලයිව්-ඇක්ෂන් චිත්‍රපටය නිර්මාණය වෙන්නෙ. Zombieland, Venom සිනමා නිර්මාතෘ Ruben Fleischer යටතේ තමයි චිත්‍රපටයෙ අධ්‍යක්ෂණය සිදුවෙලා තියෙන්නෙ. ඇ. ඩො. මි.120ක පිරිවැයකින් නිර්මාණය වූ මේ චිත්‍රපටය කිහිප වතාවක්ම කල් යෑමට සිදු වූ චිත්‍රපටයක් විදිහට ජනප්‍රියයි.

චිත්‍රපටයෙ Nathan Drake චරිතය ජනප්‍රිය රංගන ශිල්පී ‘Tom Holland’ විසින්ද, නේතන්ගෙ උපදේශක Sully චරිතය ජනප්‍රිය රංගන ශිල්පී ‘Mark Wahlberg’ ප්‍රධාන වශයෙන් නිරූපණය කරන අතර, සෙසු චරිත ලෙස Antonio Banderas, Sophia Ali, Tati Gabrielle යන අය සම්බන්ධ වී තිබෙනවා.

2022 වසරේ පෙබරවාරි 18’වැනිදා SONY Pictures යටතේ සිනමාශාලා ඔස්සෙ තිරගත කිරීමට පමණක් සූදානම් කරලා තියෙනවා.

 

04. Metal Gear Solid (SONY Pictures)

ජනප්‍රිය Metal Gear වීඩියෝ ගේම් පාදක කරගත් ලයිව්-ඇක්ෂන් චිත්‍රපටයක්ද SONY ආයතනය යටතේ නිර්මාණය වනවා. ‘Kong: Skull Island’ සිනමා අධ්‍යක්ෂක “Jordan Vogt- Roberts” යටතේ තමයි මෙහි අධ්‍යක්ෂණය සිදුවෙන්නෙ. ‘Jurassic World, Kong: Skull Island’ සිනමා රචක “Derek Connolly” යටතේ මේ චිත්‍රපටයට අදාල පිටපත ලිවිම සිදු වෙනවා. ‘Venom, Morbius’ මාවල් සිනමා නිෂ්පාදක “Avi Arad” මෙහි නිෂ්පාදකවරයෙකු වශයෙන් සම්බන්ධ වනවා.

ජනප්‍රිය රංගන ශිල්පී “Oscar Isaac” විසින් මෙම චිත්‍රපටයෙ ‘Solid Snake’ නම් වූ ප්‍රධාන චරිතය නිරූපණයට එකතු වන අතර තවමත් නිර්මාණය වෙමින් පවතින නිසා මේ චිත්‍රපටය නිකුත් කරන කාල සීමාවක් ගැන සදහන් වෙන්නෙ නැහැ.

 

05. Ghost of Tsushima (SONY Pictures)

ලොව ප්‍රකට සමුරායි වීඩියෝ ගේම් පෙලක් වන ‘Ghost of Tsushima’ වීඩියෝ ගේම් පාදක කරගත් නවතම ලයිව්-ඇක්ෂන් චිත්‍රපටයක් SONY හා PlayStation ආයතනය දෙක යටතේ නිර්මාණය වන අතර මෙහි අධ්‍යක්ෂණය ජෝන් වික් සිනමා නිර්මාතෘ Chad Stahelski යටතේ සිදු වනවා.

87Eleven Entertainment ආයතනය නියෝජනය කරමින් Chad Stahelski Alex Young, Jason Spitz මෙහි නිෂ්පාදන කටයුතු වලට සම්බන්ධ වනවා වගේම PlayStation Productions හා මේ චිත්‍රපටයට පාදක වෙන වීඩියෝ ගේම් එකේ නිර්මාණ කටයුතු කල Sucker Punch Productions ආයතනයත් මෙහි නිර්මාණ කටයුතු වෙනුවෙන් සම්බන්ධ වනවා.

තවමත් නිර්මාණය වෙමින් පවතින නිසා මේ චිත්‍රපටය නිකුත් කරන කාල සීමාවක් ගැන සදහන් වෙන්නෙ නැහැ.

 

06. Super Mario Bros. (SONY Pictures)

Nintendo ආයතනය යටතේ නිර්මාණය වූ Mario වීඩියෝ ගේම් පාදක කරගත් නවතම ඇනිමේෂන් චිත්‍රපටයක් SONY ආයතනය යටතේ නිර්මාණය වනවා. මේ නිර්මාණය වෙන්නෙ 90 කාලයෙ නිකුත් වූ චිත්‍රපටයෙ රීබූට් නිර්මාණයක් විදිහට. Despicable Me හා The Secret Life of Pets වැනි අතිශය ජනප්‍රිය සිනමා නිර්මාණ කල ස්ටුඩියෝව යටතේම නිර්මාණය වන මේ චිත්‍රපටය ‘Super Mario Bros.’ ලෙසින් නම් කර ඇති අතර මෙහි හඩකැවීම් සිදු කරන කණ්ඩායම අතරේ Sebastian Maniscalco ඇතුලත් වනවා.

දැනට නිකුත් වන කාල සීමාවක් ගැන හරිහැටි නිවේදනය කරලා නැති වූවත් 2022 වසරේ නිකුත් කරන බලාපොරොත්තුවෙන් තමයි මේ චිත්‍රපටය නිර්මාණය වෙන්නෙ.

 

07. Sonic The Hedgehog 2 (Paramount Pictures)

2020 වසරේදී නිකුත් වූ Sonic The Hedgehog මුල්ම චිත්‍රපටය කොරෝනා වසංගත තත්වයෙ වුවද ලැබූ සාර්ථකත්වය මතම, SEGA යටතේ නිර්මාණය වූ SONIC වීඩියෝ ගේම් පාදක කරගත් Sonic The Hedgehog දෙවන චිත්‍රපටයක්ද නිර්මාණය වන අතර මේ වනවිට රූගත කිරීම් මුළුමනින්ම අවසන් වෙලා ඉවරයි. මේ වසර ඇතුලත මුල්ම ට්‍රේලර් එකත් බොහෝදුරට දැකගන්න ලැබේවි.

2022 වසරේ අප්‍රේල් 08’වැනිදා Paramount Pictures යටතේ සිනමාශාලා ඔස්සෙ තිරගත කිරීමට පමණක් සූදානම් කරලා තියෙනවා. හැබැයි මේ වෙද්දී Paramount Pictures වලට මේ වෙද්දී Paramount+ නමින් ස්ට්‍රිමින් සේවාවක් තියෙන නිසාත්, ලබන වසරේ අප්‍රේල් වෙද්දීත් කොවිඩ්-19 වසංගත තත්වය අවසන් වෙලා නොතිබ්බොත් මේ චිත්‍රපටයත් Paramount+ යටතේ නිකුත් කරන්න ලොකු අවස්ථාවක් තියෙනවා.

 

08. Tomb Raider: Obsidian (Warner Bros.)

2018 වසරේදී නිකුත් වූ Tomb Raider මුල්ම චිත්‍රපටය ලැබූ සාර්ථකත්වය මතම, Crystal Dynamics යටතේ නිර්මාණය වූ Tomb Raider වීඩියෝ ගේම් පාදක කරගත් ‘Tomb Raider: Obsidian’ නමින් දෙවන චිත්‍රපටයක්ද නිර්මාණය වන අතර 2021 වසර ඇතුලත රූගත කිරීම්ද ආරම්භ කරන බවට සදහන්ව තිබෙනවා.

කාන්තා අධ්‍යක්ෂකවරියකගෙ මැදිහත් වීමක් මේ වතාවේ දැකගන්න ලැබෙනවා. ඒ Lovecraft Country කතාමාලාවේ නිර්මාතෘවරියක් ලෙසින් කටයුතු කල Misha Green යටතේ මේ චිත්‍රපටයෙ පිටපත වගේම අධ්‍යක්ෂණය සිදුවෙන නිසා. දැනට නිකුත් වන දිනයක් හරි ආකාරව නැති වුනත් 2022 වසරේ නිකුත් කිරීම වෙනුවෙන් තමයි Warner Bros. ආයතනය මේ චිත්‍රපටය නිර්මාණය කරන්නෙ.

 

09. Detective Pikachu 2 (Warner Bros.)

2019 වසරේදී නිකුත් වූ Detective Pikachu මුල්ම චිත්‍රපටය නිකුත් වන්නටත් පෙර ගත් තීරණයක් නිසාත්, ලැබූ සාර්ථකත්වය මතත්, The Pokémon Company යටතේ නිර්මාණය වූ Detective Pikachu වීඩියෝ ගේම් පාදක කරගත් ‘ Detective Pikachu’ දෙවන චිත්‍රපටයක්ද නිර්මාණය කිරීමට සැලසුම් කර තිබුනත් 2021 වසරේදී පැවති සාකච්ච්ජාවක් අතරතුර රංගන ශිල්පී Justice Smith විසින් සදහන් කරලා තියෙනවා දෙවන චිත්‍රපටයක් නිර්මාණය වෙන/නොවෙන එකගැන හරි ආකාරව බලාපොරොත්තු තියාගන්න බැහැ කියලා.

බොහෝදුරට දෙවැනි චිත්‍රපටය මුල් නිර්මාණ කටයුතු වලින්ම නැවතිලා තියෙන්න පුලුවන් වගේම එහෙම නොවෙන්නත් පුලුවන්. මොකද චිත්‍රපටය අති සාර්ථක නොවුනත් යම්තාක් සාර්ථක වුන නිසා Warner Bro.s ආයතනය සලකා බලන්න ඉඩ තියෙනවා Detective Pikachu දෙවැනි චිත්‍රපටයක්ද නිර්මාණය කරන්න. මොකද මේක පරණම චිත්‍රපට වලටත් සීක්වල් හො ප්‍රික්වල් විදිහට චිත්‍රපට නිර්මාණය වෙනවනෙ.

 

10. Five Nights at Freddy’s (Warner Bros.)

වීඩියෝ ගේම් කිහිපයක් දක්වාම Scott Cawthon යටතේ නිර්මාණය වූ Five Nights at Freddy’s වීඩියෝ ගේම් පාදක කරගත් නවතම චිත්‍රපටයක්ද Warner Bros. ආයතනය යටතේ නිර්මාණය වන අතර මෙය වසර ගණනාවක් පුරාවටම නිර්මාණය වෙන අතරතුර නිර්මාණ කටයුතු වලින්ම නැවතුනු චිත්‍රපටයක්. මගින් නැවතුනු මේ චිත්‍රපටයෙ පිටපත සදහා ස්ටුඩියෝවෙන් අවසර ලැබීමත් සමගම මේ වසර ඇතුලත රූගත කිරීම්ද ආරම්භ කිරීමට නියමිතව පවතිනවා.

තවමත් නිර්මාණය වෙමින් පවතින නිසා මේ චිත්‍රපටය නිකුත් කරන කාල සීමාවක් ගැන සදහන් වෙන්නෙ නැහැ.

 

11. Minecraft: The Movie (Warner Bros.)

වසර ගණනාවක පටන් නිර්මාණ කටයුතුවල පැවතුනු වීඩියෝ ගේම් පාදක කරගෙන නිර්මාණය වන ලයිව්-ඇක්ෂන් චිත්‍රපටයක් තමයි ‘Minecraft’ කියන්නෙ. ‘Peter Sollett’ යටතේ අධ්‍යක්ෂණය වීමට නියමිත මේ චිත්‍රපටයෙ රචනය සිදුවන්නෙ Frozen 2 සිනමා රචක ‘Allison Schreoder ‘ විසින්. 2022 වසරේ මාර්තු 04’වැනිදා චිත්‍රපටය නිකුත් කරන බවට Warner Bros. ආයතනය නිවේදනය කර තිබුනත් කොවිඩ්-19 වසංගතය නිසාම මේ වෙද්දී නිර්මාණ කටයුතු වලින්ම නැවතිලා තියෙන්නෙ.

 

12. Just Cause (Universal Pictures)

Square Enix යටතේ නිර්මාණය වූ අතිශය ජනප්‍රිය වීඩියෝ ගේම් පෙලක් වන Just Cause ඇසුරින්ද 2010 වසරේ සිට ලයිව්-ඇක්ෂන් චිත්‍රපටයක් වෙනුවෙන් නිර්මාණ කටයුතු ආරම්භ වූවත් ක්‍රියාකාරී මට්ටකට එන්නෙ පසුහිය අවුරුදු කිහිපය ඇතුලතයි. ඒ 2017 වසරේදී Rico Rodriguez චරිතය නිරූපණය සදහා රංගන ශිල්පී ‘Jason Momoa’ සම්බන්ධ කරගැනීමත් හා අධ්‍යක්ෂණය සදහා Rampage සිනමා නිර්මාතෘ ‘Brad Peyton’ සම්බන්ධ වීමත් සමගයි. මීට අමතරව ජෝන් වික් සිනමා රචක ‘Derek Kolstad’ යටතේ චිත්‍රපටයට අදාල පිටපත නිර්මාණය වන බව සදහන් වුනත් 2020 වසර වනවිට Stuber සිනමා නිර්මාතෘ ‘Michael Dowse’ මෙම චිත්‍රපටයෙ නව අධ්‍යක්ෂකවරයා ලෙස සම්බන්ධ කර ගැනීමත් සමගම Just Cause චිත්‍රපටය නැවතත් ක්‍රියාකාරී මට්ටමට එනවා.

 

13. Call of Duty (Activision Blizzard Studios)

අතිශය ජනප්‍රියම හා සාර්ථකම වීඩියෝ ගේම් පෙලක් වන Call of Duty ඇසුරින් ලයිව්-ඇක්ෂන් චිත්‍රපටයක් වසර ගණනාවක ඉදන්ම Activision Blizzard Studios යටතේ නිර්මාණය වෙමින් තිබුනා. Stefano Sollima අධ්‍යක්ෂණයෙන්, Tom Hardy, Chris Pine රංගන ශිල්පින්ගෙ සම්බන්ධ වීමෙන් මුල් චිත්‍රපටය නිර්මාණය කරන බවත් Call of Duty ඇසුරින් වෙනමම සිනමා විශ්වයක් නිර්මාණය කරන බවත් Activision Blizzard Studios සදහන් කරනවා.

2018 වසරේ නොවැම්බර් වනවිට මාධ්‍ය සාකච්ඡාවක් අතරතුර ඔවුන් නිවේදනය කරනවා Black Panther, Black Panther: Wakanda Forever වැනි මාවල් සිනමා රචනා කල ‘Joe Robert Cole’ යටතේ Call of Duty දෙවන චිත්‍රපටයේද රචනය කිරීම සිදුවන බවට. 2020-2021 වසර දෙක ඇතුලත නිකුත් කිරීම වෙනුවෙන් මුල් චිත්‍රපටයෙ රූගත කිරීම්ද සැලසුම් කර තිබුනත් 2020 වසර වනවිට Stefano Sollima විසින් සදහන් කරලා තියෙනවා ඒ කාලය වනවිට Activision ආයතනයයෙ ප්‍රමුඛත්වය Call of Duty චිත්‍රපට නිර්මාණයට යොදවන්නෙ නැහැයි කියලා.

වීඩියෝ ගේම් ඇසුරින් නිර්මාණය කරන චිත්‍රපට සාර්ථක වන නිසාත් ස්ටුඩියෝ අතර තරගකාරිත්වයක් පවතින නිසා උත්සහ කරලා බලන්න හො Call of Duty ඇසුරින් චිත්‍රපටයක් නිර්මාණය කරාවි කියලා බලාපොරොත්තු වෙන්න පුලුවන්.

 

14. Borderlands (Lionsgate)
වීඩියෝ ගේම් පෙලක් දක්වාම Gearbox Software යටතේ නිර්මාණය වූ ‘ Borderlands‘ පාදක කරගත් ලයිව්-ඇක්ෂන් චිත්‍රපටයක් Lionsgate යටතේ නිර්මාණය වනවා. Cabin Fever, Knock Knock සිනමා නිර්මාතෘ Eli Roth යටතේ තමයි චිත්‍රපටයෙ අධ්‍යක්ෂණය සිදුවෙලා තියෙන්නෙ. මෙහි ප්‍රධාන චරිත Cate Blanchett, Kevin Hart දෙදෙනා විසින් නිරූපණය කරන අතර සෙසු චරිත වෙනුවෙන් Jamie Lee Curtis, Jack Black, Ariana Greenblatt, Florian Munteanu, Haley Bennett, Edgar Ramirez, Olivier Richters, Janina Gavankar යන රංගන ශිල්පින් සම්බන්ධ වනවා.
 
දැනට නිකුත් වන දිනයක් හරි ආකාරව නැති වුනත් 2022 වසරේ නිකුත් කිරීම වෙනුවෙන් තමයි Lionsgate ආයතනය මේ චිත්‍රපටය නිර්මාණය කරන්නෙ.

 

15. Rabbids (Lionsgate)

Ubisoft යටතේ නිර්මාණය වූ Rabbids වීඩියෝ ගේම් පාදක කරගත් ලයිව්-ඇක්ෂන් හා ඇනිමේෂන් මුසු වූ චිත්‍රපටයක් 2014 කාල සීමාව වන විට Columbia Pictures හා Sony Pictures Entertainment යන ආයතන දෙක අතරේ සිදුවෙමින් තිබිලා 2019 වසර වනවිට Ubisoft ආයතනය විසින් Lionsgate ආයතනය සමග ගිවිසුම් අත්සන් කරනවා මේ චිත්‍රපටය නිල වශයෙන්ම නිර්මාණය කරන අරමුණින්. Isn’t It Romantic සිනමා නිමාතෘ ‘Todd Strauss-Schulson’ යටතේ අධ්‍යක්ෂණය වීමට නියමිත මේ චිත්‍රපටය Todd Lieberman හා David Hoberman දෙදෙනා යටතේ නිෂ්පාදනය වීමට නියමිතයි. “Robot Chicken” කොමික් රචක Zeb Wells යටතේ මේ චිත්‍රපටයෙ පිටපත නිර්මාණය වනවා.

තවමත් නිර්මාණය වෙමින් පවතින නිසා මේ චිත්‍රපටය නිකුත් කරන කාල සීමාවක් ගැන සදහන් වෙන්නෙ නැහැ.

 

16. Sleeping Dogs

2012 වසරේදී United Front Games නිර්මාණය කිරීමක් ලෙසින් නිකුත් වූ වීඩියෝ ගේම් පාදක කරගත් නවතම Sleeping Dogs ලයිව්-ඇක්ෂන් චිත්‍රපටයක් නිර්මාණය වන බවට 2017 වසරේදී නිවේදනය කරනවා Fast & Furious සිනමා නිර්මාතෘ Neal H. Moritz යටතේ නිෂ්පාදනයත් හා ජනප්‍රිය රංගන ශිල්පී ‘Donnie Yen’ විසින් Wei Shen චරිතයට සම්බන්ධ වීමෙන්. 2018 වසරේදී ‘Donnie Yen’ විසින් තමන්ගෙ සෝෂල් මිඩියා ඔස්සෙ දැනුම් දී තියෙනවා මෙහි නිෂ්පාදන කටයුතු ආරම්භ කල බවටත්. 2020 වසරේදී මාධ්‍ය සාකච්ඡාවක් අතරතුර ඔහු සදහන් කරලා තියෙනවා Sleeping Dogs කියන්නෙ ඔහුගෙ මීලග අභියෝගාත්මක චිත්‍රපටය වේවි කියලා.

දැනට නිකුත් වන කාල සීමාවක් හො බෙදාහැරීමේ කටයුතු සිදු වන ආයතනය සම්බන්ධයෙන් කිසිම ආරංචියක් 2021 වසර වෙද්දී ලැබිලා නැහැ.

 

17. Yakuza

2020 සැප්තැම්බර් මාසය වන විට SEGA ආයතනය නිවේදනය කරනවා වීඩියෝ ගේම් පාදක කරගත් Yakuza ලයිව්-ඇක්ෂන් චිත්‍රපටයක් නිර්මාණය වන බවට. දැනට චිත්‍රපටය වෙනුවෙන් අධ්‍යක්ෂකවරයෙක්, රචකයෙක් හො නිකුත් වන දිනයක් ගැන සදහන් නොවුනත් Roberto Grande හා Joshua Long යන දෙදෙනා මෙම චිත්‍රපටයෙ නිෂ්පාදකවරුන් ලෙස සම්බන්ධ වන බවට සදහන් කර තිබෙනවා.

 

18. Mega Man

Capcon යටතේ නිර්මාණය වූ ‘Mega Man’ වීඩියෝ ගේම් එක ඇසුරින් ලයිව්-ඇක්ෂන් චිත්‍රපටයක් 2015 වනවිට 20th Century Fox, Chernin Entertainment, Capcom ආයතනවල එකතුවෙන් ආරම්භ වූවත් ඩිස්නි-ෆොක්ස් ගිවිසුම නිසා 20th Century Fox යටතේ නිර්මාණ කටයුතු නැවතීමක් සිදුවෙලා පසුකාලීනව දැනගන්න ලැබෙනවා Netflix ආයතනය විසින් මේ චිත්‍රපටය නිර්මාණය කිරීමේ අයිතිය ඩිස්නි ආයතනයෙන් ලබාගත් බවට. කාලයක් පුරාවට ලියා අවසන් කල මේ චිත්‍රපටයෙ පිටපත නැවත වරක් ලිවීමට ලබන වසරේදී නිකුත් වන The Batman චිත්‍රපටයෙ රචකයෙකු ලෙසින් කටයුතු කල ‘Mattson Tomlin’ සම්බන්ධ වී තිබෙනවා.

 

19. Mortal Kombat 2 (Warner Bros.)

2021 වසරේදී Mortal Kombat වීඩියෝ ගේම් පාදක කරගනිමින්, මුල්ම චිත්‍රපට පෙලෙහි නව (රීබූට්) නිර්මාණයක් ලෙසින් නිර්මාණය කර නිකුත් වූ Mortal Kombat චිත්‍රපටය බලාපොරොත්තු වූ ආකාරයෙන්ම සාර්ථක නොවුනත්, දෙවැන්නකුත් නිර්මාණය වෙයි කියලා බලාපොරොත්තු තියාගන්න පුලුවන් මුල් චිත්‍රපටයෙ නිර්මාතෘවරුන් බලාපොරොත්තුවෙන් ඉන්න නිසාත්, Warner Bros. ආයතනය යටතේ ගොඩනැගෙන ඇනිමේෂන් හා ලයිව්-ඇක්ෂන් Mortal Kombat විශ්වය වෙනුවෙන් උත්සහයක් ලබාදෙන එක වටින නිසාත්. විශේෂයෙන්ම මතක් කරන්නම ඕන මුල් චිත්‍රපටය අවසන් කරන්නෙ ‘Johnny Cage’ නම් මෝටල් කොම්බැට් විශ්වයෙ චරිතය දෙවැනි චිත්‍රපටය හරහා හදුන්වාදීමේ අරමුණින්.

20. Monster Hunter 2 (Screen Gems)

කොරෝනා වසංගතය නොතකාම නිකුත් වුන Monster Hunter චිත්‍රපටය අසාර්ථක වෙන්නෙ චිත්‍රපටයෙ පිරිවැයවත් ආවරණය කරගන්න බැරිවයි. දහස් ගණන් රාක්ෂයින් විඩියො ගේම් එක තුල ඇතුලත් වුනත් චිත්‍රපටය වෙනුවෙන් යොදාගත්තෙ සත්වයින් හය දෙනෙක් නිසා තවත් Monster Hunter විශ්වයේ චිත්‍රපට නිර්මාණයට කැමැත්තක් දක්වන බව මුල් චිත්‍රපටයෙ අධ්‍යක්ෂක මෙන්ම පිටපත් රචක ‘Paul W. S. Anderson’ සදහන් කරද්දී, ප්‍රධාන චරිතය නිරූපණය කල ‘Milla Jovovich’ විසින් 2020 නොවැම්බර් මාසයෙ පැවැත්වූ මාධ්‍ය සාකච්ඡාවක් අතරතුර සදහන් කර තිබෙනවා Paul W. S. Anderson විසින් ඒ වනවිටත් තවත් කතාවක නිර්මාණ කටයුතු ආරම්භ කර ඇති බවට. 

 

චාමර සම්පත් (116 Posts)


Leave a Reply

Your email address will not be published. Required fields are marked *

error: Content is protected !!