Batman: The Long Halloween හෙවත් බැට්මෑන්ගේ දීර්ඝ හැලෝවීනය ගැන දැනගමු!

කොහොමද, කස්ටිය? ඔන්න හුඟ කාලෙකින් අලුත් ලිපියක් අරන් එන්න හිතුවා.මෙදා පාර ලියන්න යන්නේ මේ වසරේ එන්න තියෙන ප්‍රධාන ඇනිමේෂන් චිත්‍රපටයකට පාධක වුණු කොමික් එකක් ගැනයි. ඒ තමයි Batman: The Long Halloween නැත්තම් බැට්මෑන් සහ දීර්ඝ හැලොවීනය ගැන.

 

 

මේ කොමික් එක 1996 ඉඳන් 1997 දක්වා කාලප 13 ක් පුරා ප්‍රකාශයට පත්වුණු කතාවක්. මේක රචනා කරලා තියෙන්නේ Jeph Leob නමැති ප්‍රසිද්ධ කොමික් රචකයා විසිනුයි. Tim Sale තමා ආර්ට් පැත්තෙන් සහභාගි වෙලා ඉන්නේ. ඒ වගේම කලරිස්ට් විදිහට Gregory Wright සහ සංස්කරණ කටයුතුවලින් Archie Goodwin සහ Chuck Kim දෙපලත් දායක වෙනවා.
Jeph Leob
Tim Sale
ඉතිං අපි දන්න කියන චරිත ගොඩක් මේකෙ ප්‍රධාන චරිත විදිහට දායක වෙනවා. ඒ චරිත තමයි
  • Batman aka. Bruce Wayne
  • Jim Gordon
  • Harvey Dent (පසු කාලීනව Two Face)
  • Carmine Falcone
  • Catwoman
කියන අය. ඉතිං අපි දන්න කියන හීරෝස්ලා, ඇන්ටි-හීරෝස්ලා වගේම විලන්ලා වටා ගෙතෙන කුතුහලේ පිරුණු කතාවක් කියලා දැනටමත් තේරුම් යන්න ඇතිනේ.

 

කතාව ගැනත් පොඩ්ඩක් බලමු. මේකෙ පාදක වෙන්නේ බැට්මෑන්ගේ මුල් කාලයේ වෙන සිදුවීමකට. නැත්තන් බෲස් වේන් බැට්මෑන් වෙලා පොඩි කාලයක් ගත්වෙලා වෙන සිදුවීමක්. මේ කාලය වෙද්දී හාර්වි ඩෙන්ට් පවා තමන්ගේ පරමාදර්ශී නීතීඥ්ඥ වෘත්තියේ යෙදෙනවා මිසක් ටූ ෆේස් කියන ක්‍රිමිනල් බවට පත් වෙලා නෑ. මේ කතාවෙ හතුරා තමා හොලිඩේ. හොලිඩේ කියන්නේ නිවාඩු දවස්වල මාසයකට වතාවක් කුරිරු ඝාතන සිදු කරන අභිරහස් අපරාධකාරයෙක්. ඉතිං බැට්මෑන් හාර්විගේ සහ ගෝර්ඩන්ගේ උදවු එක්ක මේ හොලිඩේගෙ දරුණු ඝාතන වළක්වන්න උත්සහ කරන ගමන් හොලිඩේගේ සැබෑ අනන්‍යතාවය හොයන එක තමයි කතාවේ මූලික සිද්ධිය. ඒ සිදුවීම් වන අතරතුර ගෝතම් නගරයේ ප්‍රධාන ක්‍රිමිනල් ෆැමිලි දෙකක් වෙන මැරෝනි සහ ෆැල්කන්වරුත් තමන්ගේ කිරුළ වෙනුවෙන් ගැටෙනවා. හාර්වි ඩෙනට්ගේ විනාශකාරී වෙනස් වීම වගේම බැට්මෑන්ගේ රෝග් ගැලරි එකේ තවත් විලන්ලා කිහිප දෙනෙක්ම කතාව තුළ දැකගන්න පුලුවනි.

 

ඉතිං කුතුහලය පිරුණු කෲර ඝාතන අභිරහසක් විසඳීම අතරතුර සුදු චරිත අළු පාටට හැරෙන හැටි වගේම බැට්මෑන්ගේ සාමාන්‍ය රෝග් ගැලරි එකේ ඉන්න සාමාන්‍ය අපරාධකාරයෝ  අති භයානක සුපර් විලන්ලා වෙන හැටි ලෝන් හැලෝවීන් තුළින් බලාගන්න පුලුවන්. බැට්මෑන් කොමික් කියවන්න පටන් ගන අයට Year One වලින් පස්සෙ recommend කරන්න පුලුවන් හොඳම කතාවක්.
ඇනිමේෂන් චිත්‍රපටය
The Long Halloween කොමික් එකේ සමහර සිදුවීම් චිත්‍රපටවලට පාදක කරගෙන තියෙනවා. ක්‍රිස්ටොපර් නෝලන් මහතාගේ The Dark Knight ෆිල්ම් එක ඊට එක් උදාහරණයක්. නමුත් මෑතක් වෙනකම් හුඟක් කොමික්වල වගේම මේකෙත් direct adaptation එකක් නෑ. නමුත් මේ වසරේ මැද භාගයේ මේ කොමික් එක ඇසුරෙන්ම ඇනිමේෂන් චිත්‍රපටයක් දැකගන්න පුලුවන්. එකක් කිවුවට කොටස් දෙකකින් යුතු සිනමාපටයක් තමයි නරඹන්න අවස්තාව උදාවෙන්නේ. ට්‍රේලර් එකත් ළඟදී රිලීස් වුණා.

 

ඉතිං ෆිල්ම් එක කොටස් දෙකකින් තමයි රිලීස් වෙන්නේ. ඒකෙන් Part 1 එක මේ වසරේ දකින්න පුලුවන්. දෙවෙනි කොටසත් එහෙමම වේවි. හඬ කැවීම් ශිල්පීන් විදිහට
  • Jensen Ackles (Batman)
  • Josh Duhamel (Harvey Dent)
  • Billy Burke (James Gordon)
  • David Dastmalchian (Calender Man)
  • Troy Baker (Joker)
  • Alastair Duncan (Alfred Pennyworth)
  • Naya Rivera (Catwoman)
සහභාගී වෙන්නේ.

 

එහෙනම් තවත් මේ වගේ ලිපියකින් ළඟදීම හමුවෙන බලපොරොත්තුවෙන් අදර සමුගන්නවා.
෴෴ සුබ දවසක්…! ෴෴
 

The town isn’t big enough for two homicidal maniacs

සචින්ත කල්හාර (17 Posts)


2 thoughts on “Batman: The Long Halloween හෙවත් බැට්මෑන්ගේ දීර්ඝ හැලෝවීනය ගැන දැනගමු!

  • April 20, 2021 at 8:36 AM
    Permalink

    සුපිරි ලිපියක්.ස්තූතියි ♥️

Leave a Reply

Your email address will not be published. Required fields are marked *

error: Content is protected !!