Chennai Express (2013) – ෂාරුක් ඛාන්ගේ අධිවේගී දුම්රිය ගමන…….

ඔන්න එහෙමනම් සෑහෙන කාලෙකට පස්සෙ මම ආයෙත් ආව, නිකම් නෙමේ king ඛාන් රංගනයෙන් දායක වෙන තවත් අලුත්ම හින්දි සිනමා සිත්තමක තොරතුරු අපේ හින්දි රසිකයන් වෙනුවෙන් අරගෙනමයි.

මේක වාණිජ සිනමාවට අයිතිවෙන සිනමා පටයක්, මුම්බායේ සිට රාමේෂ්වරම් දක්වා ගමන් කරන දුම්රිය මගියෙකුට අත්විදීමට සිදුවෙන සිද්දියක් මූලිකවශයෙන් අදාල-කොටගෙන රෝමාන්තික කෝනයක් වටා දිවෙන සිනමා සිත්තමක්, මේකෙ ප්‍රධාන නළුවා සදහා පන පොවන්නෙ ෂාරුක් ඛාන්(රාහුල්), මට මතක ආකාරයට Jab Tak Hai Jaan චිත්‍රපටයට උනාට පස්සෙ සෑහෙන කාලෙකින් තමා එයත් සිනමා පටයක රගපෑමට එක්වෙලා තියෙන්නෙ.ඒ වගේම තමා මේකෙ පූර්ව ප්‍රචාරක පටය නිකුත් වෙන්න නියමිත වෙලා තිබිල තියෙන්නෙ මීට පෙරාතු දිනයකදි ඒත් ප්‍රධාන නළුවා වන අපේ king ඛාන් අතක් කඩාගෙන උන්නු නිසා ඊයෙ දිනයෙදි(2013-06-13) තමයි නිල වශයෙන් පූර්ව ප්‍රචාරක පටය නිදහස් වුනේ.

ඒ වගේම තමා මේකෙ ප්‍රධාන නිලියට යෝජිත වෙලා ඉදල තියෙන්නෙ කරීනා කපූර්, දීපිකා පදුකෝන් සහ අසින් තොට්‍ටුම්කාල් යන තුන්දෙනාව, කොහොම උනත් නිශ්පාදක කණ්ඩායමේ තේරීම වෙලා තියෙන්නෙනම් දීපිකා පදුකෝන්(ප්‍රියා), ඉතින් එයා තමා දැන් මෙම සිනමා සිත්තමේ ප්‍රධාන නිලියගේ භූමිකාව හොබවන්නෙ.කියන්න ඕන තව දෙයක් තමා මේකෙ ගීත පටිගත කිරීම කරන්න පටන් අරන් තියෙන්නෙ පහුගිය වසරෙ ඔක්තෝම්බර් මාසෙ ඉදලමයි,

ඒ වගේම තමා ඉතින් කාලයක් පෙම්වතියගේ චරිතයට පන පොවාපු රාණි මුඛර්ජීත් මේකෙ චරිතයකට දායක වෙනව කියල තමයි දැනගන්න ලැබෙන්නෙ. 2013 අගෝස්තු මාසයෙ 8වන දා ඉන්දියාවේදී තිරගතවීම ආරම්භ කරන මේ සිනමාපටය අධ්‍යක්ෂණය කරල තියෙන්නෙ රෝහිත් ෂෙට්ටි විසින්, කතාව K. සුභාෂ්ගෙ වන අතර සංගීතය විශල්- ශේකර්ගෙන් තමයි ලැබිල තියෙන්නෙ. එයා තමයි Tashan, Bachna Ae Haseeno, Dostana වගේ ප්‍රසිද්ද සිනමාපටවල සංගීත අධ්‍යක්ෂක වරයා විදිහට කටයුතු කරල තියෙන්නෙ. එහෙමෙනම් ඉතින් අපේ හින්දි සිනමා රසිකයන්ට බොලිවුඩහේ රජු king ඛාන්ගෙ තවත් ආදර කතාවක් ඉක්මනටම දැකගන්න හැකි වේවි.
ඔබ සැමට ජය!!!

ශාන් විමුක්ති (59 Posts)

ශාන් විමුක්ති