නව ජේම්ස් බොන්ඩ් චිත්රපට දෙකකට වැඩ අල්ලයි!
‘Hugo’ කතා රචක John Logan නවතම බොන්ඩ් චිත්රපට දෙකක් සඳහා රචනා දායකත්වය සැපයීමට කටයුතු කරමින් සිටියි. ජේම්ස් බොන්ඩ් චරිතය ලොවට බිහි කළ නිර්මාණකරු Ian Fleming විසින් රචනා කරන ලද මුල් නිර්මාණයන්ගෙන් පරිබාහිරව මෙම චිත්රපට ද්වය සඳහා කතා සැකසීම සිදු වනු ඇති බව දැනගන්නට තිබේ.
බොන්ඩ් සිනමාපට නිෂ්පාදකයන් වන Barbara Broccoli සහ Michael Wilson සමග මේ සම්බන්ධ ගිවිසුමකට එකඟවීමෙන් පසු ඔහු සිය නිර්මාණ දායකත්වය බොන්ඩ් සිනමාපට වෙනුවෙන් ලබාදීමට සැරසී සිටියි.
බ්රිතාන්ය රහස් ඔත්තු සේවය වන MI6’හි වඩාත් ජනප්රියතම චරපුරුෂයා වන 007 යන කේතය දරන James Bond ලෙසින්, සුප්රසිද්ධ නළු Daniel Craig චරිත නිරූපණයෙහි යෙදෙන Skyfall චිත්රපටය නොවැම්බර් මස 09 වන දින සිට ලොව පුරා තිරගත වීමට නියමිතව ඇත.
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.