Avengers’හි ඇනිමේෂන් එකකුත් ඇවිදිංලු…

‘Rise of the Guardian’ මේ වසරේ අග භාගයේ ප්‍රදර්ශනය ඇරඹූ සිනමා නිර්මාණයක්. එය ගැන පළ වන අදහස් අනුව පෙනෙන්නට තිබෙන්නේ මෙය අති මහත් ජනප්‍රියතාවක් හිමි කර ගත් ‘Avengers’ සිනමාපටයම සජීවීකරණය ඇසුරින් යළි නිර්මාණය කිරීමක් වැනි බවයි. එයට හේතුව මෙහි අඩංගු වන කතාව ඇවෙන්ජර්ස් චිත්‍රපටයට බොහෝ දුරට සමානකමක් දැරීමයි.

එනම් දුෂ්ඨ නපුරු තක්කඩියෙකුගෙන් ලෝකය ගළවා ගැනීමට සටන් කරන වීරයන් පිරිසක් වටා මෙහි කතාව ගොඩනැගී තිබීමයි.මේ චිත්‍රපටයේ හමුවන වීරයන් ලොව පුරා හඳුනන චරිත වන අතර විශේෂත්වය වනුයේ ඒවා පෙර නොවූ විරූ ආකාරයේ පෞර්ෂත්වාරෝපණයක් සිදු කර තිබීමයි. කල්පනාන්විත Jack Frost කෙනෙකු ලෙස Chris Pine ද, විසේකාර Santa Claus කෙනෙකු ලෙස ඔස්කාර් නිර්දේශ ලත් Alec Baldwin ද, ඕස්ට්‍රේලියානු Easter Bunny කෙනෙකු ලෙස Hugh Jackman ද, දඟකාර Tooth Fairy කෙනෙකු ලෙස Isla Fisher ද, හඬ දායකත්වය සපයනු ලබයි. ඉන් අමතරව නාසික්‍ය උච්චාරණයකින් යුත් Sandman කෙනෙකුගේ චරිතයක් ද වීරයන් අතර දක්නට ලැබේ.

 මේ සියල්ලන්ම Pitch හෙවත් ‘The Boogeyman’ නම් දුෂ්ඨයාගෙන්(ඔස්කාර් නිර්දේශ ලත් Jude Law හඬ පොවන) දරුවන් ගළවා ගැනීම සඳහා සාමූහික සටනක නිරත වේ. DreamWorks සජීවීකරණ සිනමා නිර්මාණයක් වන මෙය මේ වසරේ නිකුත් වූ ඉහළතම මට්ටමේ පවතින සජීවීකරණ නිර්මාණයක් බව පොදුවේ පිළි ගැනේ.
 මෙම නිර්මාණයට පාදක වූ කෘතියේ කතුතුමන්ගේ පූර්ණ අනුමැතිය හා ප්‍රසාදය මේ වෙත ලැබී තිබීම අතිශය දුර්ලභ සිදුවීමක් බවට වාර්තා වේ. තම නිර්මාණය තවත් ඔපවත් කිරීමට මෙම සිනමා කෘතිය සමත් වී ඇති බව ඔහුගේ අදහස වී තිබේ.
විකියා (159 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


විකියා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

විකියා has 159 posts and counting. See all posts by විකියා

Leave a Reply

Your email address will not be published. Required fields are marked *

error: Content is protected !!