සැක් ස්නයිඩර්ගේ Justice League ගැන මේ තාක් දුරට අප දන්නා දේවල්

2017 අතිශය සාර්ථක වීමට ඉඩ තිබූ සිනමාපටයක් ස්ටුඩියෝවේ නොසැලකිලිමත් කම නිසාවෙන් ඉතා අසාර්ථක ගණයට ඇද දැමුණා. එය නමින් Justice League. නමුත් Warner Bros. නවතම ස්ට්‍රීමින් ප්ලැට්ෆෝර්මය තුළට ගෙන ආ හැකි හොඳම ඉත්තා ලෙස ගත හැක්කේ 2017 දී සැක් ස්නයිඩර් දුටු යුක්තියේ ලීගය බවට වටහා ගත් ආයතනය 2021 වසරේදී එම සැක් ස්නයිඩර්ගේ Justice League පිටපත හෙවත් SnyderCut ගෙන ඒමට තීරණය කළා. ඉතිං අද අප ඔබ වෙත ගෙන ඒමට සූදානම් වන්නේ මේ තාක් දුර SnyderCut සම්බන්දව ඇති විස්තරයි.

රිලීස් වූ පළමු වීඩියෝ පිටපත

DC ෆෑන්ස්ල හුඟක්ම කුතුහලෙන් හිටියේ ෆිල්ම් එකේ first look එක ගැන. ඉතිං ට්‍රේලර් එකක් අද හෙට දැකගන්න බැරි වෙන තත්වයක් තමයි දකින්න තිබුණේ. හැබැයි අර තිබුණු ගැම්ම තවත් වැඩි කරන්න හිතන් පසුගිය ජූනි 18 වෙනිදා සැක් ස්නයිඩර් මහතා චිත්‍රපටයේ පළමු වීඩියෝ පටය නිකුත් කරනු ලැබුවා.

එම වීඩියෝ පිටපතේ දකින්න ලැබුණේ ඩයනා aka. වොන්ඩර් වුමන් (ගැල් ගැඩොට්) ඩාර්ක්සයිඩ් ගැන ඇඳ තිබූ සිතුවමක් පරික්ෂා කරන සිද්දියක්. ඒ වගේම අපිට BvS සිනමාපටයේ ලෙක්ස් ලූතෝර් කියූ දෙබසක් අහන්න ලැබුණා. වීඩියෝව අවසන් වුණේ Uxas ගේ (ඩාර්ක්සයිඩ්) දර්ශනයකින්. (කලින් 2017 ආපු පිටපත එක්ක බලද්දි අර විනාඩියක්වත් නැති වීඩියෝ එක දාහෙන් සම්පතක් වගේ දැනුනා මට නම්.)

නිකුත් කිරීමට නියමිත දිනය

හොදයි, මේ වෙද්දී SnyderCut එක නිකුත් කිරීමට දිනයක් නිසැකවම කියලා නම් නෑ. තව දර්ශන කිහිපයක්ම රූගත කිරීමට ඇති නිසාත්, කොරෝනා තත්වය නිසාත් නිශ්චිත දිනයක් තවමත් නැහැ.හැබැයි දැනට කියන විදිහට 2021 වසරේ මුල් භාගය තුළ අපිට SnyderCut එක HBO Max තුළින් දැකගත හැකිවෙයි.

SnyderCut වෙනුවෙන් වැය කර ඇති මුදල
කලින් ෆිල්ම් එක වගේ නෙවෙයි, SnyderCut එක පැය හතරකට ආසන්න ධාවන කාලයකින් යුක්තයි. ඒ නිසා තවත් රූගත කිරීම් සිදු කෙරෙනවා. කොහොමත් Justice League කියන්නේ ලෝකයේ වැඩිම මිලක් දරා නිමැයූ චිත්‍රපට අතුරින් එකක්. කලින් අවස්තාවෙම ඇමරිකානු ඩොලර් මිලියන 300 ක් වැය කරලා තියෙන්නේ. තවත් වැඩිදුර රූගත කිරීම් වෙනුවෙන් මිලියන 30 කට අධික පිරිවැයක් දරා ඇති බව WarnerMedia ප්‍රධානී Bob Greenblatt පවසනවා.

කලින් පිටපතේ සහ නව පිටපත අතර ඇති වෙනස

සැක් ස්නයිඩර් මහතාට අනුව කලින් 2017 දී රිලීස් වූ පිතපත තුළ අන්තර්ගත වී ඇත්තේ ඔහුගේ ඇත්තම සැලස්ම තුල තිබුනු අන්තර්ගතයෙන් හතරෙන් එකක් පමණයි. ඒ නිසා මේ වතාවේ අන්තර්ගතය තවත් වැඩියෙන් දකින්න පුලුවන්.

කලින් විනාඩි 120 ක සිනමාපටය වගේ නෙවෙයි, මේ වතාවේ චිත්‍රපටය පැය 4 කට ආසන්න ධාවන කාලයකින් යුක්තයි. ඉතිං HBO Max තුළින් තනි සිනමාපටයක් ලෙස හෝ කොටස් කිහිපයක කතාවක් ලෙස හෝ SnyderCut නිකුත් වීමට නියමිතයි. (මං නම් පෞද්ගලිකව චිත්‍රපටයක් විදිහට නිකුත් වෙනවට කැමතියි.)

Joss Whedon (ඕනෑවට එපාවට) අධ්‍යක්ෂණය කරපු පිටපතට වඩා සැක් ස්නයිඩර් විසින් Man Of Steel සහ BvS අනුසාරයක් SnyderCut එකට ලබා දීලා තියෙනවා.

සැක් ස්නයිඩර් මහතා කලින් සැලසුම් ක්මරලා තිබුණේ චිත්‍රපට කොටස් දෙකකින් නිර්මාණය කිරීමටයි. නමුත් Joss Whedon අපිට ඒ විදිහක හැඟීමක් ලබා දුන් නෑ. කොහොම හරි ඔරිජිනල් ප්ලෑන් එකේ විදිහට වැඩේ කරන්න හදන විදිහක් අපිට දැකගන්න පුලුවන්. සැක් ස්නයිඩර් කලින් ප්ලෑන් කරලා තිබුණේ ඩාර්ක්සයිඩ්ගේ හෙංචයියා වුණ ස්ටෙෆන්වුල්ෆ් පරාජය කළාට පස්සේ ඩාර්ක්සයිඩ්ම ආක්‍රමනය කිරීමට පැමිණෙන විදිහටයි. ඉතිං මේ කතාවත් කොටස් දෙකකින් මේ විදිහට සිදු වෙයි කියල බලාපොරොත්තුවකුත් තියෙනවා. කොහොම හරි මේක සිනමාපටයෙන්ම තීරණය වේවි.

[Spoiler Alert] ඒ වගේම ප්‍රේක්ෂකයින් හිතන විදිහට ග්‍රීන් ලැන්ටර්න් වටාත් කතාව ගෙතීයාමක් සිදු වේවි. ඒ වගේම කලින් ප්ලෑන් කරපු විදිහට ලොයිස් ලේන්ගේ මරණය සිදුවේවි කියලයි හුඟ දෙනෙක් හිතන්නේ.

ඩාර්ක්සයිඩ් දකින්න ලැබෙයිද?

කලින් පිටපතේ ලොකුම වෙනස තමයි ඩාර්ක්සයිඩ් දකින්න නොලැබීම. කලින් සැලසුම් අනුව පළමු සිනමාපටයේදී ඩාර්ක්සයිඩ්ගේ නියෝග මත ස්ටෙෆන්වුල්ෆ් ආක්‍රමණයත්, දෙවෙනි සිනමාපටයේදී ඩාර්ක්සයිඩ් ප්‍රධාන සතුරා වීමත් වෙන්නට තිබුණේ. නමුත් Joss Whedon පළමු සිනමාපටය විනාශ කිරීමෙන් ෆ්ලොප් වීම නිසා දෙවෙනි ප්‍රොජෙක්ට් එක කැන්සල් වුණා. කොහොම හරි සැක් සනයිඩර් මහතා රිලීස් කරපු වීඩියෝවත් එක්ක අපිට ඩාර්ක්සයිඩ් දකින්න ලැබෙනවා යන්න සහතික වුණා. නමුත් මේ සිදුවීම් ගලා යන ආකාරය ගැන තවමත් කිසිස්ම තොරතුරක් නැහැ.

ඉතිං අපිට තවත් ලොකු බලාපොරොත්තුවක් ආයෙත් ඇවිල්ලා. යුක්තියේ ඇත්තම අරුණැල්ලට මග පෑදිලා. DC Extended Universe එකේ අනාගතය තීරණය වන ඒ දැවැන්ත සිනමා ආගමනය 2021දී දැකගන්න ඉඩ හසර වෙන්වී අවසන්. මොනා වුණත් හැමතිස්සෙම හොඳම දේ දෙන HBO ලට ස්තූතිය පුදකරන්න ඕනෙමයි. ඇත්තම කිවුවොත් සිනමාශාලාවලින් බැරි නම් Warner Animation වලට පස්සේ HBO තමයි DC වලට සාර්ථකත්වය අරන් ආ හැකි එකම ක්‍රමය. නමුත් අපි ප්‍රාර්ථනා කරමු ආදායම් වාර්තා බිඳින අලුත්ම DC සිනමා අනාගතයට Zach Snyder’s Justice League ට හැකි වේවායි කියා…!

එහෙනම් අදට මං ඔබෙන් සමුගන්නවා.

෴෴ සුබ දවසක්…! ෴෴

© 2020 බයිස්කෝප් මංසල. කරුණාකර කතෲ අයිතිය සුරකින්න

සචින්ත කල්හාර