කොරෝනා සහ සිනමාව : COVID-19 ලෝක සිනමාවට බලපෑ අයුරු
සිනමාව කියන්නේ ලෝකයේ හුඟක් රටවල්වල ප්‍රධාන මූල්‍ය මාධ්‍යක්. හොලිවුඩ් සිනමාව ලෝකයේ වැඩිම ආදායම් ලබන සාධකය ලෙස හැඳින් වීම වරදක් නෙවෙයි. නමුත් පැතිර යන කොවිඩ් 19 වෛරසය ලෝකයේ අනිත් කර්මාන්තවලට වගේම සිනමාවටත් විශාල ආකාරයෙන් බලපෑවා. එහි ප්‍රථිඵලය වුණේ බහුතරයක් චිත්‍රපට කල් යාම, නිෂ්පාදන කටයුතු නතර වීම සහ ප්‍රමුඛ පෙලේ සිනමාපට රැසක් මූල්‍යමය වශයෙන් අසාර්ථක වීමයි. ඉතිං කොරෝනා නිසා සිනමාවට මොකද වුණේ, මේ නිසා චිත්‍රපටවල කටයුතු මොන ආකාරයෙන් වෙනස් වේවිද කියලා අපි අද කතා කරමු…!
වසා දැමූ සිනමා ශාලා
අනිත් කලා ක්ෂේත්‍රයන්වලට වගේම සිනමා ක්ෂේත්‍රයටත් මේ පැතිර යන අර්බුධකාරී තත්වය දැඩි ලෙස බලපෑවා. ඒ නිසා ලොව වටා සිනමා ශාලා පනස් දහසකටත් අධික ප්‍රමාණයක් වසා දැමුවා. එහි ප්‍රථිඵලයන් ලෙස බොක්ස් ඔෆීස් වාර්ථා ලොකු පසු බෑමකට ලක් වුණා වගේම බහුතරයක් සිනමා පට මිලියන ගණනක් පාඩු ලැබුවා. නමුත් මේ අතර නිවසට වී සිටන සිනමා උන්මාදකයින් කොහොම හරි චිත්‍රපටයක් නරඹන අදහසින් ස්ට්‍රීමින් ප්ලැට්ෆෝර්ම් වෙත යොමු වුණා. ඒ නිසා Netflix. Prime Video ලට නම් පාඩුවක් සිද්ද වුණේ නෑ. මේ අතර HBO සමාගමත් වාසනාවන්ත විදිහට HBO Max ස්ට්‍රීමින් සර්විස් එකට සුබ නැකතින් අත තිබ්බා. ඉතිං සිනමා ශාලා අතික්‍රමණය කිරීමට සූදානමින් සිටි චිත්‍රපට බහුතරයක් ස්ට්‍රීමින් සර්විස් වෙත නිකුත් කිරීම මේ දිනවල සිදුවෙමින් පවතිනවා. කොහොම හරි මේ වෙද්දී මාර්තු- නොවැම්බර් කාල වකවානු තුළ අනිවාරයෙන්ම සිනමා ශාලා වෙත නිකුත් කිරීමට බලා සිටි සිනමාපට නම් පසුවට කල් දාපු නමුත් ස්ටුඩියෝ බොහොමයක් මේ වෙද්දී ඔලුව ගිණි අරන් වගේ ඉන්නේ.
ආරංචි මාර්ගවලින් දැනගන්න ලැබෙන විදිහට මර්තු මාසය වෙද්දී චීන සිනමා ක්ෂේත්‍රය මේ වෙනකොට ඇමරිකානු ඩොලර් බිලියන 2 ක දැවැන්ත පාඩුවකට ලක් වෙලා. ඒ වගේම උතුරු ඇම්රිකාව තුළ 1998 වර්ෂයෙන් පසු ලැබූ දැවැන්තම පාඩුව පසු ගිය මාර්තු 13- 15 දිනවල විඳ දරාගත්තා. දැන් තේරෙනවනේ වෛරසයක් නිසා සිනමාවට ලැබුණු පාඩුව එසේ මෙසේ එකක් නෙවෙයි කියලා?
Box office පැත්ත කොහොමද?
මාර්තු මුල් දින කිහිපය තුළ ගෝලීය සිනමා ක්ෂේත්‍රය ඇ. ඩො. බිලියන 5 ක දැවැන්ත පාඩුවකට ලක් වෙන බවට අනාවැකි පහළ වුණා. නමුත් ඒක තවදුරටත් අනාවැකියක් නොව හැබෑවක් බවට පෙන්නුම් කෙරීගෙන එනවා. ජනගහණය අධික ප්‍රමුඛ පෙළේ රටවල්වල සිනමා ශාලා වසා දැමීම හේතුවෙන් පෙබරවාරි, මාර්තු මාසවල නිකුත් කළ චිත්‍රපට රැසක්ම අසාර්ථක වුණා. චීනය, ඉතාලිය, ප්‍රංශය සහ මේ වෙද්දී ඇමරිකාව සිනමාව තුළින් ලොකු පසු බෑමකට ලක් වෙලා අවසන්. ගණන් බලා තියෙන විදිහට චීනයෙ පාඩු ලැබූ ප්‍රතිශතය 70-75% ත් අතර වෙනවා.
2019 එක්ක සසදද්දී කැපී පෙනෙන විදිහට 2020 සිනමාව අසාර්ථකයි. උදාහරණයක් විදිහට 2019 මාර්තු මාසයේ Captain Marvel පළමු සතිය තුළ ලැබූ ආදායම $153 (මිලියන) යි. නමුත් 2020 වසරේ ඒ සතියෙම නිකුත් කළ දැවැන්තම චිත්‍රපටය වූණු Onward ලබාගත්තේ ඩොලර් මිලියන 39 ඉතා අඩු ආදායමක්.
කොහොම හරි චීනයේ කොරෝනා රෝගීන් හමුවීමේ ප්‍රතිශය 0% දක්වා බැස ගිය පසු ඒ රටේ සිනමා ශාලා නැවත විවෘත කරනු ලැබුවා. ඒ 250-500 සිනමා ශාලා සංඛ්‍යාවක්. නමුත් බලදාරීන් විසින් නැවතත් ඒවා වසා දැමුවා.
නියමිත දිනයට පෙර ස්ට්‍රීමින් ප්ලැට්ෆෝර්ම් වෙත නිකුත් කිරීම්
මං කලින් කිවුවනේ මේ දවස්වල ස්ට්‍රීමින් සර්විස්වලට නම් හොඳ කාලයක් උදා වෙලා කියලා. කොහොම හරි On demand මාධ්‍ය, Netflix වැනි ස්ට්‍රීමින් සර්විස් වෙත නියම කරලා තිබුණු දිනයන්ට පෙර චිත්‍රපට බොහෝමයක්ම නිකුත් කරනු ලැබුවා. (මේ නිසා ටොරන්ට්වලින් ෆිල්ම් අරන් බලන අයටත් හොඳ කොලිටි web පිටපත් ලැබුණා.) Frozen II මාස තුනකටම කලින් Disney+ ස්ට්‍රීමින් සර්විස් එකට නිකුත් වුණා. එතකොට Onward සිනමාපටයටත් උදා වුණේ ඒ කල දසාවමයි. ඒ වගේම බොක්ස් ඔෆීස් හිට් එකක් වෙන්න තිබුණු Artemis Fowl ඩිස්නි චිත්‍රපටයට එලඹෙන ජූනි 12 වෙනිදා සිනමා ශාලාවලට නිකුත් නොකර කෙලින්ම Disney+ වෙතට සම්ප්‍රාප්තවීමට නියමිතයි. Universal Studios එකේ The Invisible Man, The Hunt, Emma චිත්‍රපට, Sony ලගේ Sonic the Hedgehog, Warner Bros. ස්ටුඩියෝවේ Birds Of Prey වගේම සිනමාශාලාවලට මුල් වරට නිකුත් කිරීමට තිබුණු Scoob! නම් පළමු ස්කූබි ඩූ සිනමාපටයත් කලින්ම වගේ On demand හා ස්ට්‍රීමින් ප්ලැට්ෆෝර්ම් වෙත ලබා දීලා තියෙන්නේ.
නිෂපාදන කටයුතු
නිෂ්පාදන කටයුතු අත් හිටුවූ සිනමාපට:
- Avatar 2
- Avatar 3
- The Batman
- Cinderella
- Elvis
- Jurassic World: Dominion
- King Richard
- The Matrix 4
- The Prom
- Shang- Chi and the Legend of the Ten Rings
- Tokyo Revengers
- Vengeance
- Tick, Tick… Boom!
නිෂ්පාදන කටයුතු කල් දැමූ සිනමාපට
- Bros
- fantastic Beasts 3
- Geechee
- Home Alone
- The Little Mermaid
- The Nightingale
- Peter Pan and Wendy
- Shrine
- Shrunk
- Uncharted
- Spider- Man Far From Home Sequel සිනමාපටය
සිනමාශාලාවලට නිකුත් කිරීම්
කැන්සල් කර (නතර කර) ස්ට්‍රීමින් සර්විස් වෙත නිකුත් කිරීම්
| චිත්‍රපටය. | රිලීස් කළ හෝ කිරීමට නියමිත ස්ට්‍රීමින් ප්ලැට්ෆෝර්ම් එක |
| Artemis Fowl | Disney+ |
| Blue Story | On Demand සේවාවන් වෙත |
| Charm City Kings | HBO Max |
| Hamilton | Disney+ |
| My Spy | Amazon Prime Vedio |
| Scoob! | VOD සේවාවන් වෙත |
| Steven Universe | Cartoon Network වෙබ් අඩවියට |
කල් දැමීම්
| චිත්‍රපටය | පෙර දිනය | නව දිනය |
| The Batman | ජූනි 25, 2021 | ඔක්තෝබර් 1, 2021 |
| Black Widow | මැයි 1, 2020 | නොවැම්බර් 6 2020 |
|
Doctor Strange in the Multiverse of Madness |
මැයි 7, 2021 | මර්තු 25, 2022 |
| Dungeons & Dragons | නොවැම්බර් 19, 2021 | මැයි 27, 2022 |
| Elvis | ඔක්තෝබර් 1, 2021 | නොවැම්බර් 5, 2021 |
| The Eternals | නොවැම්බර් 6, 2020 | පෙමරවාරි 12, 2021 |
| F9 | මැයි 22, 2020 | අප්‍රේල් 2, 2021 |
| Free Guy | ජූලි 3, 2030 | දෙසැම්බර් 11, 2020 |
| John Wick 4 | මැයි 21, 2021 | මැයි 27, 2022 |
| Jungle Cruise | ජූලි 24, 2021 | ජූලි 30, 2022 |
| Minions: The Rise of Gru | ජූලි 3, 2020 | ජූලි 2, 2021 |
| Morbius | ජූලි 31, 2020 | මාර්තු 19, 2021 |
| Mulan | මාර්තු 27, 2020 | ජූලි 24, 2020 |
| The New Mutants | අප්‍රේල් 2, 2020 | අගෝස්තු 28, 2020 |
| Peter Rabbit 2 | අප්‍රේල් 3, 2020 | ජනවාරි 15, 2021 |
| Scott Pilgrim vs. the World (10th annivesary) | අගෝස්තු 2020 | දින නියමයක් නැත |
| Shang- Chi | පෙබරවාරි 12, 2021 | මාර්තු 7, 2021 |
| Shazam! 2 | අප්‍රේල් 1, 2022 | නොවැම්බර් 4, 2022 |
| Sing 2 | ජූලි 2, 2021 | ඩෙසැම්බර් 22, 2021 |
| The spongeBob movie | මැයි 22, 2020 | අගෝස්තු 7, 2020 |
| Thor: Love and Thunder | නොවැම්බර් 5, 2021 | පෙබරවාරි 11, 2022 |
| Venom 2 | ඔක්තෝබර් 2, 2020 | ජූනි 25, 2021 |
| Wonder Woman 1984 | ජූනි 5, 2020 | අගෝස්තු 14, 2020 |
දැන් පේනවනේ කොච්චර චිත්‍රපට ගණනක් මේ වසරේ රිලීස් වෙන්න තිබුණද කියලා? මේ ඒවයෙන් ප්‍රධාන පෙළේ ඒවා කිහිපයක් විතරයි. තව මං ඇතුලත් නොකරපු බොහොමයක්ම තියෙනවාරේ අතර කොමික් සිනමාපටද බොහෝමයයි. ඉතිං මෙන්න මේ විදිහට තමයි කොරෝනා සිනමාවට බලපෑවේ. මේ ගැන ඔයාලට මොනවද හිතෙන්නේ? ඒ ගැනත් අදහසක් පහළ කමෙන්ට් බොක්ස් එකෙන් හලන් යන්නකෝ. කොහොම හරි මේ තත්වය ඉක්මණින් පහව යන ලෙස අපි ප්‍රාර්ථනා කරමු. තවත් මේ වගේ වටිනා තොරතුරු දැනගන්න දිගටම මංසලත් එක්ක එකතු වෙලා ඉන්නකෝ. එහෙනම් මම ඔබෙන් සමුගන්නවා.
෴෴සුබ දවසක්…!෴෴
Thanks..wade niyamai.eka tenaka 2020 wenuwata 3020 kiyala type wela tiyenawa.eka hadanna
ලිපියට බොහෝම ස්තිතියි .
මෙහෙම ගියොත් නම් මෙච්චර කාලෙකටත් ඇදුනු Avatar sequels ටික බලාගන්න ලැබෙයිද දන්නෙ නෑ 🙁
ලිපියට ස්තුතියි… 🙂
ජය… ✌