Raanjhnaa (2013) – ආදරවන්තයා…….

ඔන්න එහෙනම් මම අදත් අරන් ආවෙ ලගදිම නිකුත් කරන්නට නියමිත සෑහෙන වෙනස්කම් සහිත හින්දි සිනමා සිත්තම්ක් ගැන විස්තරයක්.

වරානාසි, උත්තූර් ප්‍රදේශ් වැනි ප්‍රදේශයන්හි රෑගැන්වුනු දර්ශන තලයන් සමගින්, ආනන්ද් රායිගේ අධ්‍යක්ෂනයත් සමගින්, නම සදහන් කල සැනින් දැවන්තයෙකු බව සිහිගැන්වෙන A. R. රහුමාන්ගේ සංගීත අධ්‍යක්ෂණයත් සමග මුසුවූ මෙහි නිශ්පාදන පිරිවැය වශයෙන් ඉන්දියානු රුපියල් 350,000,000ක ඇස්තමේන්තුගත වියදමක් ගොස් ඇත. හිමානුශ් ෂර්මාගේ රචනයෙන් නොනිල ආරංචිමාර්ගයන්ට අනුව පාසල් ප්‍රේමයක් සමගින් ඇදීයන මෙම සිනමා සිත්තම මේ සිනමා සිත්තම 2013 ජූනි 28 වන දින ඉන්දියානු රිදී තිරයේ දිගහැරීමට නියමිතය.

Saawariya 2007, Delhi-6 2009, I Hate Luv Storys 2010, Players 2012 වැනි හින්දි සිනමාවේ ජයකෙහෙලි නැන්වූ සිනමා පට අතරින් ප්‍රේක්ෂක ආකර්ෂණය ලබාගත් සුරූපී ” සෝනම් කපූර්ගේ ” රංගනයෙන් හැඩවන මෙහි ප්‍රධාන නළුවාගේ චරිතයට පන පොවනු ලබන්නේ ඉමහත් ජනප්‍රියත්වයක් හිමිකරගත් ගීතයක් වන Why This Kolaveri (වයි දිස් කොලවරි) ගීතයත් සමගින් ලොවපුරා අවධානය දිනාගත් දමිල සිනමාවේ රංගනශිල්පී “ධනූෂ්” විසිනි.

විශේෂත්වය වන්නේ එයයි, දමිල සිනමාවේ නිලියන් බොලිවුඩය ආක්‍රමනය කලද දමිල නළුවන්ට බොලිවුඩයේ තැනක් හිමිවන්නේ කලාතුරකිනි. A. R. Rahman වැනි දැවන්තයන් සමග මුසුවීමේ වාසනාව පාදාගැනීමට මොහු සමත්වී තිබේ,එසේම “Tu Mun Shudi” සහ “Aise Na Dekho” යන ගීත ද්විත්වය සදහා රහුමාන්ගේ කටහඩද මුසුව තිබීම ප්‍රේක්ෂක ආකර්ශනය හිමිකරගැනීම සදහා මහත් රුකුලක් වී තිබේ. එසේනම් තවත් නැවුම් හින්දි සිනමා පටයක සිත්තමක තොරතුරුත් සමගෛන් යලිත් ඔබ හමුවනතුරු ඔබට ජය!

තිරගත වන දිනය – 2013 ජුනි 28

ශාන් විමුක්ති