WestWorld S03 E07 – පැහැදිලි කිරිම

කොටස් 7කුත් ගෙවිලා ගිහිං නේද.වෙස්ට් වර්ල්ඩ් 3 වැනි කතාසමය ඊලග කොටසින් අවසන් වෙනවා. හරි එහෙනම් අදත් පටන්ගමු අපේ වැඩේ.

ඔයාලා දන්නවා වෙස්ට් වර්ල්ඩ් මේ තරම් සංකීරන වෙලා තියෙන්නේ එහි තිබෙන අනපේක්ෂිත plot twist නිසාමයි. මේ 7 වැනි කොටස ගත්තොත් අන්න එවගේ විශාල ගැටලු ගණනාවක් සහිත කොටසක්. කෙනෙකුට කියන්න පුළුවන් සමහරවිට මේ පිටපතේ ඇති අඩුපාඩු (plot holes) කියලා. නමුත් එහෙනම් ඇයි 7 වැනි කොටසේ මේතරම් plot holes තියෙන්නේ. ඒ අනුව හිතන්න පුළුවන් අනුමානය තමයි 8 වැනි කොටසෙදි අපි කිසිම ලෙසක අනුමාන නොකල දෙයක් අවසානයේ සිදුවෙන්න පුළුවන් කියලා.

1.passed pawn

මේ කතාංගයේ මාතෘකාව තමයි passed pawn කියන්නේ.ඒක චෙස් ක්‍රිඩාවේ එන එක්තරා අවස්ථාවක්. සරලව කිව්වොත් වැඩි වටිනාකමක් නොමැති ඉත්තෙකුට ඉහලම වටිනාකම ඒ කියන්නේ චෙස් ක්‍රිඩාවේ රැජිනගේ තත්ත්වයට පැමිනිමට හැකිවිම තමයි passed pawn කියන්නේ. අපි මේක කතාවට අදල කරගත්තොත් කේලබ් ආරම්භයේදි ඉන්නේ සාමාන්‍ය පරාජිත මිනිසෙකු ලෙස නමුත් ඩොලොරස්ගේ පැමිනිමෙන් පස්සේ ඔහු මිනිසුන්ගේ විප්ලවකට නායකත්වය දෙන්නෙක් බවට පත්වෙනවා.

2.මුෂාෂිගේ අවසානය

කතාව ආරම්භයේදි අපි දකිනවා මුෂාෂි ජකර්ථාවල අවන්හලක ඉන්න දර්ෂණයක්. එහෙදි ඔහුගේ සහචරයෙකුට යම්කිසි පැකේජයක් ලබාදිලා කියනවා “මේක අපේ යාළුවට බාර දෙන්න“ කියලා. මේ සදහන් කරන්නේ එක්කෝ ඩොලොරස් එහෙමත් නැතිනම් අපි තවමත් නොදුටු 5 වැනි පාලක පද්දතිය හිමි රොබෝවරයායි. ඒ අතර තුර චාලට් මුෂාෂිට ඇමතුමක් දෙනවා. මේ අවස්ථාවේ ඔහු යම් කිසි තිගැස්සිමක් පෙන්වන්නවා. මේකෙන් හැගවෙන්නේ චාලට්ගේ පවුලේ අය ඝාතනය කලේ ඩොලොරස් කියලද ?

නමුත් මුෂාෂි කියනවා චාලට් කතාකිරිමෙන් පැහැදිලි වෙන්නේ ඩොලොරස්ගේ සැලසුම සාර්ථක වන බව කියලයි. මෙතනදි රියෝහෝබෝම් හි අනුමානයන් වැරදි සෙරැක් තවමත් සිටින්නේ ඩොලොරස්ගේ සැලසුමකද කියන ගැටලුව එනවා.

කොහොම වෙතත් ඇය මුෂාෂි සිටින ස්ථානය සෙරැක්ට හෙලිකරනවා. නමුත් ඒක කලේ කොහාමද සහ චාලට් දැන් සිටිනේ කොහෙද කියන එකනම් අපිට දකින්න ලැබුනේ නැ. ඒ වගේම ක්ලෙමන්ටන්ව සහ ෂොගන් උද්‍යානයේදි අපිට හමුවු හනාර්යෝවත් මෙතනට පැමිනෙනවා. ඉන්පසුව ඔහුව ඝාතනය කරලා ඔහුගේ ශරිරයේ උඩ කොටස අරගෙන යනවා. මෙතනදි එන තවත් ගැටලුවක් තමයි කාල රාමු නිවැරිව පෙන්වනවද කියන එක. මොකද ඩොලොරස් රියෝබෝහෝම් සතු මිනිසුන්ගේ දත්ත මුදා හරියට පස්සේ මුළු ලෝකයම අවුල් ජාලවක් බවට පත්වුනා. නමුත් මේ අවන්හලේ දර්ෂනයේදි පෙන්වන්නේ මිනිසුන් බොහොම සතුටෙන් විනෝදයෙන් ඉන්නබවක්. ඒ අනුව මේ දර්ෂනය අයිති ඩොලොරස් දත්ත මුදාහරින්න පෙර අවස්ථාවකටද කියලා සැකයක් එනවා.

3.විලියම්ගේ සම්ප්‍රාප්තිය

විලියම්ව බර්නාඩ් සහ ස්ටැබ්ස් විසින් සොයාගන්නවා. මෙහෙදි වෙන අපුරු දේ තමයි විලියහ් මේ මොහොතේ තමයි දැනගන්නේ ස්ටැබ්ස් කියන්නේ රොබෝවරයක් බව. කොහාමව වෙතත් තවත් අපුරු සමානකමක් මෙහි තියෙනවා ඒ තමයි විලියම්ගේ රෝහලට ඇතුල් කිරිමේ අංකය සහ කේලබ්ගේ අංකය සමාන විමයි.

සමහරවිට මේක චාලට් විලියම්ට එන්නත් කල වෛරසය නිසා පද්දතියේ සිදුවු වෙනස් කමක්ද දන්නේ නෑ.

කොහොම වෙතත් විලියම් සපථකරනවා රොබෝවරුන් සියළු දෙනාවම විනාශ කරන බව. එය පටන්ගන්න බර්නාඩ් සහ ස්ටැබ්ගෙන බවත්. කිව්වා වගේම කතාංගය ඉවරවෙන්න කලිං ඔහු බර්නාඩ්ට සහ ස්ටැබ්ස්ට තුවක්කුවක් එල්ල කරනවා. බොහෝවිට මේකන් ස්ටැබ්ස් තම ජිවිතය බර්නාඩ් වෙනුවෙන් කැපකරන්න ඉඩ තියෙනවා.

4.සොලමන්

රියොහෝබෝම් වලට කලිං සෙරැක් සහ ඔහුගේ සහෝදරයා පරිඝනක පද්දති කිහිපයක්ම නිර්මාන කරනවා. නමුත් ඉන් සාර්ථක වෙන්නේ සොලමන් නමින් නම් කරපු පරිඝනක පද්දතිය විතරයි. නමුත් එය මානව වර්ගයාගේ නෂ්ඨ විම අනිවාර්ය දෙයක් බව ඉන් ලබාදෙන සෑම පුරෝකථනය දැක්වු නිසා සෙරැක් රියොහොබෝම් නමින් අලුත් පද්දතියක් නිර්මානය කරනවා.

මේ නෂ්ඨ විමට ප්‍ර‍ධාන හේතුව වෙන්නේ ඒ පද්දතිවලට පුරෝකථනය කල නොහැකි අය ඉදිම නිසයි. කේලබ්,විලියම් සහ සෙරැක්ගේ සහෝදරයා වුනු ජැන් මි මීට උදහරනයක්මේ.  අයට කියන්නේ outliers කියලයි. ඉතින් සෙරැක් මේ අයට AR ප්‍ර‍තිකාරය දුන්නත් ඉන් සාර්ථක වෙන්නේ 10% කට පමණයි. ඉතිරි 90% ශිශිරන නින්දක පත්කරනවා. ඒ අනාගතයේ යම් දවසක සෙරැක්ට අවශ්‍ය ජෛව දත්තයන් ලැබුනු පසු ඔවුන්ව ප්‍ර‍තිනිර්මානය කරන්නට. මේ දත්තයන් විවෘත කරගන්න නම් සෙරැක්ට වෙනවා ඩොලොරස්ගෙන් එහි විකේතන යතුර ලබාගන්න.

කේලබ් පිලිබදව සැබැ තොරතුරු සොලමන් හෙලි කරනවා. ඒ අනුව කේලබ් රැසියානු භූමියේ යම් මෙහෙයුමක යෙදි ඉන්නවා. එහිදි කේලබ්ට පැවරෙන්නේ රැසියානු කැරලිකාර කන්ඩායමක් පිලිබද ඔත්තු බලන්න. මෙහිදි ඔහුන්ට අදාලා කැරලිකරුවන් හදුනාගන්නට පරිඝනක පද්දතියක සහය ලැබෙනවා. ඒ බොහෝවිට රියෝබෝම් හෝ සොලමන් විය හැකියි. මොකද ඔබට මතක නම් කේලබ් එක අවස්ථාවක පවසනවා හමුදාමය කටයුතු සදහා සැලසුම් නිර්මානය කලහැකි පරිඝනක පද්දතියක සහය ලබාගන්නවා බව. කැරලිකාර කන්ඩාම විනාශ කල පසු කේලබ්ගේ හමුදාකන්ඩයත් කැරලිකාර කන්ඩායමක් ලෙස පද්දතිය හදුනාගෙන පහර දෙනවා. මින් දිවි බේරාගන්නේ කේලබ් සහ ෆැරැන්සිස් පමණයි. කේලබ් සිතන්නේ මේ කැරලිකාර කන්ඩායමේ ක්‍රියාවක් කියලයි. නමුත් මේක පරිඝනක පද්දතිය සැලසුම් සහගතව කල විනාශක් කියලා හිතන්න පුළුවන්. කොහොම හරි ෆැරැන්සිස් සහ කේලබ් රිකෝ ඇප් එක භාවිතා කරමින් අපරාධ කරනවා. අපි කලිං පැහැදිකිරිමකදි අනුමාන කලා මේ ඇප් එකත් රියෝබෝම් වලට සම්බන්ධයි කියලා. ඒ මතය සොලමන් විසින් තහවුරු කලා. මෙහෙදි කේලබ්ට සහ ෆැරැන්සිට ලැබෙන්නේ සමාජයේ ඉන්න outliers දඩයම් කිරිමයි. ඔවුන් අවසානයට කරන මෙහෙයුමේදි අල්ලා ගන්නා outliers සමාජයේ බලවත් කෙනෙක් නිසා ඔහුව ඝාතන කිරිමට සම්බන්ධ වු අයවත් පද්දතිය විසින් මරාදමන්න නියම කරනවා. ඒ අනුවයි ෆැරැන්සිස්ට කේලබ්ව මරන්න ඇප් එකෙන් කොන්ත්‍රාතුවක් එන්නනේ. ඒ සමගම කේලබ්ටත් ෆැරැන්සිස් මරන්න කොන්ත්‍රාතුවක් ලැබෙනවා. ඒ අනුවයි කේලබ් ඔහුව මරන්නේ. පසුව කේලබ්ව සෙරැක්ගේ පුනුරුත්තාපන කදවුරට (සොලමන් රදවා ඇති ස්ථානයට) රැගෙනවිත් AR ප්‍ර‍තිකාරය දෙනවා. එහිදි ඔහුගේ මතකට ඇතුල් කරනවා ෆැරැන්සිස් මිය ගියේ කැරලි නායකයාව අල්ලාගන්න ගිය අවස්ථාවේ වෙච්ච ගැටුමකදි කියලා.

ඩොලොරස් විසින් කේලබ්ට සොලමන් පිලිබද හැදින්විම කරද්දි කියනවා සොලමන් සතුව ජෙන් මි එහෙමත් නැත්නම් සෙරැක්ගේ සහෝදරයගේ පෞර්ෂය ඒ තුල තියෙන බව. ඒ වගේම ඒක අනාගතයට සැලසුම් ලබාදෙන පරිඝනකයක් විතරක් නෙවෙයි ඒ තුලත් රොබෝවරුන්ට මෙන්ම කෘතිම බුද්ධියක් පවතින බව මේ කතාංගයේදි දැකගන්න ලැබුනා. ඒ වගේම සොලමන්ගේ සම්මත කටහඩ වෙන්නෙත් ජෙන් මි. මේ අනුව අපිට හිතන්න පුළුවන් රියොහෝබෝම් හි ඇත්තේ සෙරැක්ගේ පෞර්ශය කියලා. මේ මතයකට තවත් රැකුල් දෙන හේතුවක් තමයි ඩොලොරස් සහ කේලබ් ජැන් මි රදවා සිටින ශිශිර කුටිය වෙත යද්දි සෙරැක් ජැන්මි වෙනුවෙන් පටිගත කල හොලග්‍රෑම් පනිවුඩක් දිස්වෙනවා.

මේ පනිවුඩය අවසානයේදි සෙරැක් කියනවා ඔහු දැන් කලිං සිටි කෙනා නොවන බව. සමහරවිට සෙරැක් සම්පුරනයෙන්ම රියෝබෝම් වෙත තමන්ගේ consciousness උඩුගත කරලා වෙන්න පුළුවන්.

කොහොම හරි අවසානයේදි කේලබ් වෙනුවෙන් වෙනම අවසන් සැලසුමක් හදන්න කියලා ඩොලොරස් සොලමන්ට කියනවා. ඔහු එහිදි ඩොලොරස්ට කියනවා ඇය මියගියහොත් නැවත සැලසුම සංශෝධනය කලයුතු බව. එවගේම කේලබ් මේ සැලසුම ක්‍රියාත්ම කරද්දි විශාල විනාශයන් වෙන්න පුළුවන් බව සොලමන් පවසනවා.

ඒ වගේම සැලසුම සාදා අවසානයේදි සොලමන් විසින් කේලබ්ට යම් අනතුරු ඇගවිමක් උත්සහ කරද්දිමයි ඩොලොරස් විසින් EMP එක ක්‍රියත්මක කරන්නේ. මෙතනදි මෙව් ඩොලොරස් සමග සටන් කරන්නේ තමන්ගේ මිත්‍ර‍යාව ඝාතනය කිරිම නිසයි.

හරි කතාංග වෙනුවෙන් ලබාදුන්න පැහැදිලි කිරිමේ ලිපිමාලව මෙතනින් අවසන් වෙනවා. වෙස්ට්වර්ල්ඩ් අවසන් කොටසින් පසුව අපි මේ කතාසමය පිලිබද සම්පුරන පැහැදිලි කිරිමයක් ගෙන එන්නම්. යලි හමුවන බලාපොරොත්තුවෙන් සමුගන්නම් එහෙනම්.

අන්තර්ජාලය ඇසුරෙනි

කළිඳු වසුක (19 Posts)


One thought on “WestWorld S03 E07 – පැහැදිලි කිරිම

  • May 26, 2020 at 6:36 AM
    Permalink

    sthuthi

Leave a Reply

Your email address will not be published. Required fields are marked *

error: Content is protected !!